Matsya 103
Matsya 103
- Language
- Sanskrit
Contents
- 103.25 — 1 part
103.1
nandikeśvara uvāca
ataḥ paraṃ pravakṣyāmi prayāgasyopavarṇanam || mārkaṇḍeyena kathitaṃ yatpurā pāṇḍusūnave
103.2
bhārate tu yadā vṛtte prāptarājye pṛthāsute || eta
sminnantare rājā kuntīputro yudhiṣṭhiraḥ
103.3
bhrātṛśokena santaptaścintayansa punaḥ punaḥ || āsīt suyodhano rājā ekādaśacamūpatiḥ
103.4
asmānsantāpya bahuśaḥ sarvve te nidhanaṃ gatāḥ || vāsudevaṃ samāśritya pañca śeṣāstu pāṇḍavāḥ
103.5
hatvā bhīṣmañca droṇañca karṇañcaiva mahābalam
duryodhanañca rājānaṃ putrabhrātṛsamanvitam
103.6
rājāno nihatāḥ sarvve ye cānye śūramāninaḥ || kiṃ no rājyena govinda kiṃ bhogairjīvitena vā
103.7
dhik kaṣṭamiti sañcitya rājā vaiklavyamāgataḥ || nirvveceṣṭo nirutsāhaḥ kiñcittiṣṭhatyadhomukhaḥ
103.8
labdhasaṃjño yadā rājā cintayansa punaḥ
punaḥ || kataro viniyogo vā niyamaṃ tīrthameva ca
103.9
yenāhaṃ śīghramāmuñce mahāpātakakilviṣān || yatra sthitvā naro yāti viṣṇulokamanutta
mam
103.10
kathaṃ pṛcchāmi vai kṛṣṇaṃ yenedaṃ kārito'smyaham || dhṛtarāṣṭraṃ kathaṃ pṛcche yasya putraśataṃ hatam
103.11
evaṃ vaiklavyamāpannodharmmarājo yudhi
ṣṭhiraḥ || rudanti pāṇḍavāḥ sarvve bhrātṛśokapariplutāḥ
103.12
ye ca tatra mahātmānaḥ sametāḥ pāṇḍavāḥ smṛtāḥ || kuntī ca draupadī caiva ye ca tatra samā
gatāḥ || bhūmau nipatitāḥ sarvve rudantastu samantataḥ
103.13
vārāṇasyāṃ mārkaṇḍeyastena jñāto yudhiṣṭhiraḥ || yathā vaiklavyamāpanno rodamānastu duḥkhitaḥ
103.14
acireṇaiva kālena mārkaṇḍeyo mahātapāḥ || samprāpto hāstinapuraṃ rājadvāre hyatiṣṭhata
103.15
dvārapālo'pi taṃ dṛṣṭvā rājñaḥ kathitavān
drutam || tvāṃ draṣṭukāmo mārkaṇḍo dvāri tiṣṭhatyasau muniḥ || tvarito dharmmaputrastu dvāramāgādataḥ param
103.16
yudhiṣṭhira uvāca || || svāgataṃ
te mahābhāga svāgataṃ te mahāmune || adya me saphalaṃ janma adya me tāritaṃ kulam
103.17
adya me pitarastuṣṭāstvayi dṛṣṭe mahāmune || adyāhaṃ pūtadeho'
smi yattvayā saha darśanam
103.18
nandikeśvara uvāca || || siṃhāsane samāsthāpya pādaśaucārccanādibhiḥ || yudhiṣṭhiro mahātmā vai pūjayāmāsa
taṃ munim
103.19
tataḥ sa tuṣṭo mārkaṇḍaḥ pūjitaścāha taṃ nṛpam || ākhyāhi tvaritaṃ rājankimarthaṃ ruditaṃ tvayā || kena vā viklavībhūtaḥ kā bādhā te
kimapriyam
103.20
yudhiṣṭhira uvāca || || asmākañcaiva yadvṛttaṃ rājyasyārthe mahāmune || etatsarvvaṃ viditvā tu cintāvaśamupāgataḥ
103.21
mārkaṇḍeya uvāca || || śṛṇu rājan mahābāho kṣatradharmmavyavasthitam || naiva dṛṣṭaṃ raṇe pāpaṃ yudhyamānasya dhīmataḥ
103.12-2
kiṃ punā rājadha
rmmeṇa kṣatriyasya viśeṣataḥ || tadevaṃ hṛdayaṃ kṛtvā tasmātpāpaṃ na cintayet
103.23
tato yudhiṣṭhiro rājā praṇamya śirasā munim || papraccha vinayopetaḥ
sarvvapātakanāśanam
103.24
yudhiṣṭhira uvāca || || pṛcchāmi tvāṃ mahāprājña nityaṃ trailokyadarśinam || kathaya tvaṃ samāsena yena mucyeta
kilviṣāt
103.25
mārkaṇḍeya uvāca || || śṛṇu rājanmahābāho sarvvapātavanāśanam || prayāgagamanaṃ śreṣṭhaṃ narāṇāṃ puṇyakarmmaṇām
103.25.p1
iti śrīmātsye mahāpurāṇe prayāgamāhātmye tryadhikaśatatamo'dhyāyaḥ || 103 || || yudhiṣṭhira uvāca || || bhagavañchrotumicchāmi purā kalpe
Linked texts (5)
- Matsyapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa (Ananta Gokhale) — Ananta Gokhale, Sanskrit