Matsya 104
Matsya 104
- Language
- Sanskrit
Contents
- 104.20 — 1 part
104.1
yathāsthitam || brahmaṇā devamukhyena yathāvatkathitaṃ mune
104.2
kathaṃ prayāge gamanaṃ narāṇāṃ tatra kīdṛśam || mṛtānāṃ kā gatistatra snātānāṃ tatra kiṃ phalam
104.3
ye vasanti prayāge tu brūhi teṣāñca kiṃ phalam || etanme sarvvamākhyāhi paraṃ kautūhalaṃ hi me
104.4
mārkaṇḍeya uvāca || || kathayiṣyāmi te vatsa
yacchreṣṭhaṃ tatra yatphalam || purā hi sarvvaviprāṇāṃ kathyamānaṃ mayā śrutam
104.5
ā prayāgapratiṣṭhānādā purādvāsukerhradāt || kambalāśvatarau nāgau
nāgaśca bahumūlakaḥ || etatprajāpateḥ kṣetraṃ triṣu lokeṣu viśrutam
104.6
tatra snātvā divaṃ yānti ye mṛtāste'punarbhavāḥ || tato brahmādayo devā
rakṣāṃ kurvvanti saṅgatāḥ
104.7
anye ca bahavastīrthāḥ sarvvapāpaharāḥ śubhāḥ || na śakyāḥ kathituṃ rājanbahuvarṣaśatairapi || saṃkṣepeṇa pravakṣyāmi prayā
gasya tu kīrttanam
104.8
ṣaṣṭirdhanuḥsahasrāṇi yāni rakṣanti jāhnavīm || yamunāṃ rakṣati sadā savitā saptavāhanaḥ
104.9
prayāgantu
viśeṣeṇa sadā rakṣati vāsavaḥ || maṇḍalaṃ rakṣati harirdevaiḥ saha saṅgataḥ
104.10
taṃ vaṭaṃ rakṣati sadā śūlapāṇirmaheśvaraḥ || sthānaṃ rakṣanti vai
devāḥ sarvvapāpaharaṃ śubham
104.11
adharmmeṇāvṛto loke naiva gacchati tatpadam || svalpamalpataraṃ pāpaṃ yadā te syānnarādhipa || prayāgaṃ smaramāṇasya
sarvvamāyāti saṃkṣayam
104.12
darśanāttasya tīrthasya nāmasaṅkīrttanādapi || mṛttikālambhanādvāpi naraḥ pāpātpramucyate
104.13
pañca kuṇḍāni
rājendra teṣāṃ madhye tu jāhnavī || prayāgasya praveśe tu pāpaṃ naśyati tatkṣaṇāt
104.14
yojanānāṃ sahasreṣu gaṅgāyāḥ smarannānnaraḥ || api duṣkṛ
takarmmā tu labhate paramāṃ gatim
104.15
kīrttanānmucyate pāpāddṛṣṭvā bhadrāṇi paśyati || avagāhya ca pītvā tu punātyāsaptamaṃ kulam
104.16
satyavādī jitakrodho hyahiṃsāyāṃ vyavasthitaḥ || dharmmānusārī tattvajño gobrāhmaṇahite rataḥ
104.17
gaṅgāyamunayormmadhye snāto mucyeta kilviṣāt
manasā cintayankāmānavāpnoti supuṣkalān
104.18
tato gatvā prayāgantu sarvvadevābhirakṣitam || brahmacārī vasenmāsaṃ pitṛndevāṃśca tarpayet
īpsitām̐llabhate kāmānyatra yatrābhijāyate
104.19
tapanasya sutā devī triṣu lokeṣu viśrutā || samāgatā mahābhāgā yamunā tatra nimnagā || tatra sanni
hito nityaṃ sākṣāddevo maheśvaraḥ
104.20
duṣprāpyaṃ mānuṣaiḥ puṇyaṃ prayāgantu yudhiṣṭhira || devadānavagandharvvā ṛṣayaḥ siddhacāraṇāḥ || tadupaspṛśya rājendra
svargalokamupāsate
104.20.p1
iti śrīmātsye mahāpurāṇe prayāgamāhātmye caturadhikaśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Prayāgarājatīrthamāhātmya — Sanskrit
- Brāhmī Saṃhitā — Sanskrit
- Kūrmapurāṇa (Ananta Gokhale) — Ananta Gokhale, Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit