Matsya 105
Matsya 105
- Language
- Sanskrit
Contents
- 105.22 — 1 part
105.1
cha || || mārkaṇḍeya uvāca
śaṛṇu rājanaprayāgasya māhātmyaṃ punareva tu || yacchutvā sarvvapāpebhyo mucyate nātra saṃśayaḥ
105.2
ārttānāṃ hi daridrāṇāṃ niścitavyavasāyinām
sthānamuktaṃ prayāgantu nākhyeyantu kadācana
105.3
vyādhito yadi vā dīno vṛddho vāpi bhavennaraḥ || gaṅgāyamunayormadhye yastu prāṇānparityayet
105.4
dīpta
kāñcanavarṇābhairvimānaiḥ sūryyasannibhaiḥ || gandharvāpsarasāṃ madhye svarge krīḍati mānavaḥ || īpsitām̐llabhate kāmānvadanti ṛṣipuṅgavāḥ
105.5
sarvvaratnamayai
rddivyairnānādhvajasamākulaiḥ || varāṅganāsarākīrṇairmodate śubhalakṣaṇaiḥ
105.6
gītavādyavinirghoṣaiḥ prasuptaḥ pratibudhyate || yāvanna smarate janma tāvatsvarge
mahīyate
105.7
tataḥ svargātparibhraṣṭaḥ kṣīṇakarmmā divaścyutaḥ || hiraṇyaratnasampūrṇe samṛddhe jāyate kule || tadeva smarate tīrthaṃ smaraṇāttatra gacchati
105.8
deśastho yadi vāraṇye videśastho'thavā gṛhe || prayāgaṃ smaramāṇo'pi yastu prāṇānparityajet || brahmalokamavāpnoti vadanti ṛṣipuṅgavāḥ
105.10
sarvva
kāmaphalā vṛkṣā mahī yatra hiraṇmayī || ṛṣayo munayaḥ siddhāstatra loke sa gacchati||9||strīsahasrāvṛte ramye mandākinyāstaṭe śubhe || modate ṛṣibhiḥ
sārddhaṃ sukṛteneha karmmaṇā
105.11
siddhacāraṇagandharvvaiḥ pūjyate divi daivataiḥ || tataḥ svargātparibhraṣṭo jambūdvīpapatirbhavet
105.12
tataḥ śubhāni
karmmāṇi cintayānaḥ punaḥ punaḥ || guṇavānvittasampanno bhavatīha na saṃśayaḥ
105.13
karmmaṇā manasā vācā dharmesatyapratiṣṭhitaḥ || gaṅgāyamunayormadhye
yastu gāṃ samprayacchati
105.14
suvarṇamaṇisuktāśca yadi vānyatparigraham || svakāryyarthe pitṛkāryye vā devatābhyarccane'pi vā || saphalaṃ tasya tattīrthaṃ yathā
vatpuṇyamāpnuyāt
105.15
evaṃ tīrthe na gṛhṇīyātpuṇyeṣvāyataneṣu ca || nimitteṣu ca sarvveṣu hyapramatto bhaveddvijaḥ
105.16
kapilāṃ pāṭalāvarṇāṃ yastu
dhenuṃ prayacchati || svarṇaśṛṅgīṃ raupyakhurāṃ kāṃsyadohāṃ payasvinīm
105.17
prayāge śrotriyaṃ santaṃ grāhayitvā yathāvidhi || śuklāmbaradharaṃ śāntaṃ dharmmajñaṃ
vedapāragam
105.18
sā gaustasmai pradātavyā gaṅgāyamunasaṅgame || vāsāṃsi ca mahārhāṇi ratnāni vividhāni ca
105.19
yāvadromāṇi tasyā goḥ santi
gotreṣu sattama || tāvadvarṣasahasrāṇi svargaloke mahīyate
105.20
yatrāsau labhate janma sā gaustasyābhijāyate || na ca paśyati taṃ ghoraṃ narakaṃ tena karmma
ṇā || uttarānsa kurunprāpya modate kālamakṣayam
105.22
gavāṃ śatasahasrebhyo dadyādekāṃ payasvinīm || putrāndārāṃstathā bhṛtyāngaurekā prati tāra
yet||21||tasmātsarvveṣu dāneṣu godānantu viśiṣyate|| durgeme viṣame ghore mahāpātakasambhave || gaureva rakṣāṃ kurute tasmāddeyā dvijottame
105.22.p1
iti śrīmātsye mahāpurāṇe prayāgamāhātmye pañcādhikaśatatamo'dhyāyaḥ
Linked texts (5)
- Matsyapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa (Ananta Gokhale) — Ananta Gokhale, Sanskrit