Matsya 106
Matsya 106
- Language
- Sanskrit
Contents
- 106.56 — 1 part
106.1
cha || || yudhiṣṭhira uvāca || || yathā yathā prayāgasya māhātmyaṃ
kathyate tvayā || tathā tathā pramucye'haṃ sarvvapāpairna saṃśayaḥ
106.2
bhagavankena vidhinā gantavyaṃ dharmmaniścayaiḥ || prayāge yo vidhiḥ proktastanme brūhi mahā
mune
106.3
mārkaṇḍeya uvāca || || kathayiṣyāmi te rājaṃstīrthayātrāvidhikramam || ārṣeṇa vidhinānena yathādṛṣṭaṃ yathāśrutam
106.4
prayāgatīrthe
yātrārthoṃ yaḥ prayāti naraḥ kvacit || balīvardsamārūḍhaḥ śṛṇu tasyāpi yatphalam
106.5
narake vasate ghore gavāṃ koṣṭhā hi dāruṇe || salilaṃ na ca gṛhṇanti
pitarastasya dehinaḥ
106.6
yastu putrāṃstathā bālānnāpayetpāyayettathā || yathātmanā tathā sarvvaṃ dānaṃ vipreṣu dāpayet
106.7
aiśvaryyalobhamo
hādvā gacchedyānena yo naraḥ || niṣphalaṃ tasya tatsarvvaṃ tasmādyānaṃ vivarjjayet
106.8
gaṅgāyamunayormadhye yastu kanyāṃ prayacchati || ārṣeṇaiva vivāhena
yathāvibhavasambhavam
106.9
na sa paśyati taṃ ghoraṃ narakaṃ tena karmaṇā || uttarānsa kurūn gatvā modate kālamakṣayam || putrāndārāṃśca labhate dhārmikā
n rūpasaṃyutān
106.10
tatra dānaṃ prakarttavyaṃ yathāvibhavasambhavam || tena tīrthaphalañcaiva varddhate nātra saṃśayaḥ || svarge tiṣṭhati rājendra yāvadābhūtasaṃplavam
106.11
vaṭamūlaṃ samāsādya yastu prāṇānvimuñcati || sarvvalokānatikramya rudralokaṃ sa gacchati
106.12
tatra te dvādaśādityāstapanti rudrasaṃśritāḥ || nirdahanti
jagatsarvvaṃ vaṭamūlaṃ na dahyate
106.13
naṣṭacandrārkabhuvanaṃ yadā caikārṇavaṃ jagat || sthīyate tatra vai viṣṇurryajamānaḥ punaḥ punaḥ
106.14
devadānavaga
ndharvā ṛṣayaḥ siddhacāraṇāḥ || sadā sevanti tattīrthaṃ gaṅgāyamunasaṅgamam
106.15
tato gaccheta rājendra prayāgaṃ saṃstutaṃvrvvaśa yat || yatra brahmādayo devā
ṛṣayaḥ siddhacāraṇāḥ
106.16
lokapālāśca sādhyāśca pitaro lokasammatāḥ || sanatkumārapramukhāstathaiva paramarṣayaḥ
106.17
aṅgiraḥpramukhāścaiva tathā brahma
rṣayaḥ pare|| tathā nāgāḥ suparṇāśca siddhāśca khecarāśca ye
106.18
sāgarāḥ saritaḥ śailā nāgā vidyādharāśca ye || hariśca bhagavānāste prajāpatipuraḥsaraḥ
106.19
gaṅgāyamunayormadhye pṛthivyā jaghanaṃ smṛtam || prayāgaṃ rājaśārdūla triṣu lokeṣu viśrutam || tataḥ puṇyatamaṃ nāsti triṣu lokeṣu bhārata
106.20
śrava
ṇāt tasya tīrthasya nāmasaṅkīrttanādapi || mṛttikālambhanādvāpi naraḥ pāpāt pramucyate
106.21
tatrābhiṣekaṃ yaḥ kuryyāt saṅgame śaṃsitavrataḥ || tulyaṃ
phalamavāpnoti rājasūyāśvamedhayoḥ
106.22
na devavacanāt tāta na lokavacanāt tathā || matirutkramaṇīyā te prayāgagamanaṃ prati
106.23
daśa tīrthasahasrāṇi ṣaṣṭikoṭyastathāparāḥ || teṣāṃ sānnidhyamatraiva tatastu kurunandana
106.24
yā gatiyogayuktasya satyasthasya manīṣiṇaḥ || sā
gatistyajataḥ prāṇān gaṅgā yamunasaṅgame
106.25
na te jīvanti loke'smiṃstatra tatra yudhiṣṭhira || ye prayāgaṃ na samprāptāstriṣu lokeṣu vañcitāḥ
106.26
evaṃ dṛṣṭvā tu tat tīrthaṃ prayāgaṃ paramaṃ padam || mucyate sarvvapāpebhyo śaśāṅka iva rāhuṇā
106.27
kambalāśvatarau nāgau vipule yamunā taṭe || tatra
snātvā ca pītvā ca sarvvapāpaiḥ pramucyate
106.28
tatra gatvā ca saṃsthānaṃ mahādevasya viśrutam || narastārayate sarvvān daśa pūrvvān daśāparān
106.29
kṛtvābhiṣekantu naraḥ so'śvamedhaphalaṃ labhet || svargalokamavāpnoti yāvadābhūtasaṃplavam
106.30
pūrvapārśve tu gaṅgāyāstriṣu lokeṣu bhārata || kūpa
ścaiva tu sāmudraṃ pratiṣṭhānañca viśrutam
106.31
brahmacārī jitakrodhastrirātraṃ yadi tiṣṭhati || sarvvapāpaviśuddhātmā so'śvamedhaphalaṃ labhet
106.32
uttareṇa pratiṣṭhānādbhāgīrathyāstu pūrvvataḥ || haṃsaprapatanaṃ nāma tīrthaṃ trailokyaviśrutam
106.33
aśvamedhaphalaṃ tasmin snānamātreṇa bhārata || yāvacca
ndraśca sūryyaśca tāvat svarge mahīyate
106.34
urvvaśīramaṇe puṇye vipule haṃsapāṇḍure || parityajati yaḥ prāṇān śṛṇu tasyāpi yat phalam
106.35
ṣaṣṭivarṣasahasrāṇi ṣaṣṭivarṣaśatāni ca || sevyate pitṛbhiḥ sārddhaṃ svargaloke narādhipa
106.36
urvvaśīntu sadā paśyet svargaloke narottama
pūjyate satataṃ putra ṛṣigandharvvakinnaraiḥ
106.37
tataḥ svargātparibhraṣṭaḥ kṣīṇakarmmā divaścyutaḥ || urvvaśīsadṛśīnāntu kanyānāṃ labhate śatam
106.38
madhye nārīsahasrāṇāṃ bahūnāñca patirbhavet || daśagrāmasahasrāṇāṃ bhoktā bhavati bhūmipaḥ
106.39
kāñcīnūpuraśabdena supto'sau pratibuddhyate || bhuktvā tu
vipulānbhogāṃstattīrthaṃ bhajate punaḥ
106.40
śuklāmbaradharo nityaṃ niyataḥ saṃyatendriyaḥ || ekaṃ kālantu bhuñjāno māsaṃ bhūmipatirbhavet
106.41
suvarṇālaṅkṛtānāntu nārīṇāṃ labhate śatam || pṛthivyāmāsamudrāyāṃ mahābhūmipatirbhavet
106.42
dhanadhānyasamāyukto dātā bhavati nityaśaḥ
bhuktvā tu vipulānbhogāṃstattīrthaṃ bhajate punaḥ
106.43
atha sandhyāvaṭe ramye brahmacārī jitendriyaḥ || upavāsī śuciḥ sandhyāṃ brahmalokamavāpnuyāt
106.44
koṭitīrthaṃ samāsādya yastu prāṇānparityajet || koṭivarṣasahasrāṇāṃ svargaloke mahīyate
106.45
tataḥ svargātparibhraṣṭaḥ kṣīṇakarmmā divaścyutaḥ
suvarṇamaṇimuktāḍhyakule jāyeta rūpavān
106.46
tato bhogavatīṃ gatvā vāsukeruttareṇa tu || daśāśvamedhakaṃ nāma tīrthaṃ tatrāparaṃ bhavet
106.47
kṛtābhiṣekastu naraḥ so'śvamedhaphalaṃ labhet || dhanāḍhyo rūpavān dakṣo dātā bhavati dhārmikaḥ
106.48
caturvvedeṣu yatpuṇyaṃ yatpuṇyaṃ satyavādiṣu
ahiṃsāyāntu yo dharmmo gamanādeva tatphalam
106.49
kurukṣetrasamā gaṅgā yatra yatrāvagāhyate || kurukṣetrāddaśaguṇā yatra vindhyena saṅgatā
106.50
yatra gaṅgā mahābhāgā bahutīrthā tapodhanā || siddhakṣetraṃ hi tajjñeyaṃ nātra kāryā vicāraṇā
106.51
kṣitau tārayate martyānnāgāṃstārayate'pyadhaḥ
divi tārayate devāṃstena tripathagā smṛtā
106.52
yāvadasthīni gaṅgāyāṃ tiṣṭhanti hi śarīriṇaḥ || tāvadvarṣasahasrāṇi svargaloke mahīyate
106.53
tataḥ svargātparibhraṣṭo jambūdvīpapatirbhavet || tīrthānāntu paraṃ tīrthaṃ nadīnāntu mahānadī || mokṣadā sarvvabhūtānāṃ mahāpātakināmapi
106.54
sarvvatra
sulabhā gaṅgā triṣu sthāneṣu durlabhā || gaṅgādvāre prayāge ca gaṅgāsāgarasaṅgame || tatra snātvā divaṃ yānti ye mṛtāste'punarbhavāḥ
106.55
sarveṣāmeva bhūtānāṃ pāpopahatacetasām || gatimanviṣyamāṇānāṃ nāsti gaṅgāsamā gatiḥ
106.56
pavitrāṇāṃ pavitrañca maṅgalānāñca maṅgalam
maheśvaraśirobhraṣṭā sarvvapāpaharā śubhā
106.56.p1
iti śrīmātsye mahāpurāṇe prayāgamāhātmye ṣaḍadhikaśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Kūrmapurāṇa (Ananta Gokhale) — Ananta Gokhale, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Prayāgarājatīrthamāhātmya — Sanskrit