Matsya 107
Matsya 107
- Language
- Sanskrit
Contents
- 107.21 — 1 part
107.1
cha
mārkaṇḍeya uvāca || || śṛṇu rājanprayāgasya māhātmyaṃ punareva tu || yacchrutvā sarvvapāpebhyo mucyate nātra saṃśayaḥ
107.2
mānasaṃ nāma
tattīrthaṃ gaṅgāyā uttare taṭe || trirātropoṣito bhūtvā sarvvakāmānavāpnuyāt
107.3
gobhūhiraṇmadānena yatphalaṃ prāpnuyānnaraḥ || sa tatphalamavāpnoti tattīrthaṃ
smarate punaḥ
107.4
akāmo vā sa kāmo vā gaṅgāyāṃ yo'bhiṣadyate || mṛtastu labhate svargaṃ narakañca na paśyati
107.5
apsarogaṇasaṅgītaiḥ suptosau
pratibuddhyate || haṃsasārasayuktena vimānena sa gacchati || bahuvarṣasahasrāṇi svarge rājendra bhuñjati
107.6
tataḥ svargātparibhraṣṭaḥ kṣīṇakarmā divaścyutaḥ
suvarṇamaṇimuktāḍhye jāyate vipule kule
107.7
ṣaṣṭitīrthasahasrāṇi ṣaṣṭikoṭyastathāpagāḥ || māghamāse gamiṣyanti gaṅgāyamunasaṅgamam
107.8
gavāṃ śatasahasrasya samyagdattasya yatphalam || prayāge māghamāse tu tryahasnānāttu tatphalam
107.9
gaṅgāyamunayormadhye karṣāmiṃ yastu sādhayet
ahīnāṅgo hyarogaśca pañcendriyasanvitaḥ
107.10
yāvanti romakūpāṇi tasya gātreṣu dehinaḥ || tāvadvarṣasahasrāṇi svargaloke mahīyate
107.11
tataḥ svargāt paribhraṣṭo jambūdvīpapatirbhavet || sa bhuktvā vipulān bhogaṃstattīrthaṃ smarate punaḥ
107.12
jalapraveśaṃ yaḥ kuryyāt saṅgame loka
viśrute || rāhugraste tathā some vimuktaḥ sarvvakilviṣaiḥ
107.13
somalokamavāpnoti somena saha modate || ṣaṣṭivarṣasahasrāṇi svargaloke mahīyate
107.14
svarge ca śakraloke'sminnṛṣigandharvvasevite || paribhraṣṭastu rājendra samṛddhe jāyate kule
107.15
adhaḥśirāstu yo jvālāmūrddhapādaḥ pibennaraḥ || śatavarṣa
sahasrāṇi svargaloke mahīyate
107.16
paribhraṣṭastu rājendra so'gnihotrī bhavennaraḥ || bhuktvā tu vipulānbhogāṃstattīrthaṃ bhajate punaḥ
107.17
yaḥ svadehantu karttitvā śakunibhyaḥ prayacchati || vihagairupabhuktasya śṛṇu tasyāpi yatphalam
107.18
śataṃ varṣasahasrāṇāṃ somaloke mahīyate
tasmādapi paribhraṣṭo rājā bhavati dhārmikaḥ
107.19
guṇavānrūpasampanno vidvāṃśca priyavācakaḥ || bhuktvā tu vipulānbhogāṃstattīrthaṃ bhajate punaḥ
107.20
yāmune cottare kūle prayāgasya tu dakṣiṇe || ṛṇapramocanaṃ nāma tattīrthaṃ paramaṃ smṛtam
107.21
ekarātroṣitaḥ snātvā ṛṇaiḥ sarvvaiḥ pramucyate || svargalo
kamavāpnoti anṛṇaśca sadā bhavet
107.21.p1
iti śrīmātsye mahāpurāṇe prayāgamāhātmye saptādhikaśatatamo'dhyāyaḥ
Linked texts (5)
- Matsyapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa (Ananta Gokhale) — Ananta Gokhale, Sanskrit