Pramāṇa · Search · About · API

Matsya 108

Matsya 108

Language
Sanskrit

Contents

108.1

cha|| || yudhiṣṭhira uvāca
etacchrutvā prayāgasya yattvayā parikīrttitam || viśuddhaṃ me'dya hṛdayaṃ prayāgasya tu kīrttanāt

108.2

anāśakaphalaṃ brūhi bhagavaṃstatra kīdṛśam || yaśca
lokamavāpnoti viśuddhaḥ sarvvakilviṣaiḥ

108.3

mārkaṇḍeya uvāca || || śṛṇu rājanprayāge tu anāśakaphalaṃ vibho || prāpnoti puruṣo dhīmān śraddadhāno jite
ndriyaḥ

108.4

ahīnāṅgo'pyarogaśca pañcendriyasanvitaḥ|| aśvamedhaphalaṃ tasya gacchatastu pade pade

108.5

kulāni tārayedrājandaśa pūrvvāndaśāparān || mucyate
sarvvapāpebhyo gacchettu paramaṃ padam

108.6

yudhiṣṭhira uvāca || || mahābhāgyaṃ hi dharmmasya yattvaṃ vadasi me prabho || alpenaiva prayatnena bahandharmā
navāpnute

108.7

aśvamedhaistu bahubhiḥ prāpyate suvratairiha || imaṃ me saṃśayaṃ chindhiṃ paraṃ kautūhalaṃ hi me

108.8

mārkaṇḍeya uvāca || || śṛṇu rāja
nmahāvīra yaduktaṃ brahmayoninā || ṛṣīṇāṃ sannidhau pūrvvaṃ kathyamānaṃ mayā śrutam

108.9

pañcayojanavistīrṇaṃ prayāgasya tu maṇḍalam || praviṣṭamātre tadbhū
māvaśvamedhaḥ pade pade

108.10

vyatītānpuruṣānsapta bhaviṣyāṃśca caturdaśa || narastārayate sarvvānyarastu prāṇānparityajet

108.11

evaṃ jñātvā tu rājendra
ndra sadā sevāparo bhavet || aśraddadhānāḥ puruṣāḥ pāpopahatacetasaḥ || na prāpnuvanti tatsthānaṃ prayāgaṃ devarakṣitam

108.13

yudhiṣṭhira uvāca
snehādvā dravyalobhādvā ye tu kāmavaśaṃ gatāḥ || kathaṃ tīrthaphalaṃ teṣāṃ kathaṃ puṇyaphalaṃ bhavet ||12||vikrayaḥ sarvvabhāṇḍānāṃ kāryyākāryyamajānataḥ||prayāge kā
gatistasya tanme brūhi pitāmaha

108.14

mārkaṇḍeya uvāca || || śṛṇu rājanmahāguhyaṃ sarvvapāpapraṇāśanam || māsamekantu yaḥ snāyātprayāge niyatendriyaḥ
mucyate sarvvapāpebhyaḥ sa gacchetparamaṃ padam

108.15

viśrambhaghātakānāntu prayāge śṛṇu yatphalam || trikālameva snāyīta āhāraṃ bhaikṣyamācaret
tribhirmāsaiḥ sa mucyeta prayāge tu na saṃśayaḥ

108.16

ajñānena tu yasyeha tīrthayātrādikaṃ bhavet || sarvvakāmasamṛddhe tu svargaloke mahīyate || sthāna
ñca labhate nityaṃ dhanadhānyasamākulam

108.17

evaṃ jñānena sampūrṇaḥ sadā bhavati bhogavān || tāritāḥ pitarastena narakātprapitāmahāḥ

108.18

dharmmānusāri tattvajña pṛcchataste punaḥ punaḥ|| tvatprītyarthaṃ samākhyātaṃ guhyametatsanātanam

108.19

yudhiṣṭhira uvāca || || adya me saphalaṃ janma
adya me tāritaṃ kulam || prīto'smyanugṛhīto'smi darśanādeva te mune

108.20

tvaddarśanāttu dharmmātmanmukto'hañcādya kilviṣāt || idānīṃ vedmi
cātmānaṃ bhagavangatakalmaṣam

108.21

mārkaṇḍeya uvāca || || diṣṭyā te saphalaṃ janma diṣṭyā te tāritaṃ kulam || kīrttanādvarddhate puṇyaṃ śrutā
tpāpapraṇāśanam

108.22

yudhiṣṭhira uvāca || || yamunāyāntu kiṃ puṇyaṃ kiṃ phalantu mahāmune || etanme sarvvamākhyāhi yathāhaṣṭaṃ yathāśrutam

108.23

mārkaṇḍeya uvāca || || tapanasya sutā devī triṣu lokeṣu viśrutā || samākhyātā mahābhāgā yamunā tatra nimnagā

108.24

yenaiva niḥsṛtā
gaṅgā tenaiva yamunāgatā || yojanānāṃ sahasreṣu kīrttanātpāpanāśinī

108.26

tatra snātvā ca pītvā ca yamunāyāṃ yudhiṣṭhira || kīrttanāllabhate puṇyaṃ
dṛṣṭvā bhadrāṇi paśyati

108.26-2

avagāhya ca pītvā ca punātyāsaptamaṃ kulam || prāṇāṃstyajati yastatra sa yāti paramāṃ gatim

108.27

agnitīrthamiti
khyātaṃ yamunādakṣiṇe taṭe || paścime dharmarājasya tīrthaṃntu narakaṃ smṛtam

108.28

tatra snātvā divaṃ yānti ye mṛtāste'punarbhavāḥ || evaṃ tīrthasaha
srāṇi yamunādakṣiṇe taṭe

108.29

uttareṇa pravakṣyāmi ādityasya mahātmanaḥ || tīrthaṃ nirañjanaṃ nāma yatra devāḥ savāsavāḥ

108.30

upāsate sma sandhyāṃ
ye trikālaṃ hi yudhiṣṭhira || devāḥ sevanti tattīrthaṃ ye cānye vibudhā janāḥ

108.31

śraddadhānaparo bhūtvā kuru tīrthābhiṣecanam || anye ca bahavastīrthāḥ
sarvvapāpaharāḥ smṛtāḥ || teṣu snātvā divaṃ yānti ye mṛtāste'punarbhavāḥ

108.32

gaṅgā ca yamunā caiva ubhe tulyaphale smṛte || kevalaṃ jyeṣṭhabhā
vena gaṅgā sarvvatra pūjyate

108.33

evaṃ kuruṣva kaunteya sarvvatīrthābhiṣecanam || yāvajjīvakṛtaṃ pāpaṃ tatkṣaṇādeva naśyati

108.34

yastvimaṃ
kalya utthāya paṭhate ca śṛṇoti ca || mucyate sarvvapāpebhyaḥ svargalokaṃ sa gacchati

108.34.p1

iti śrīmātsye mahāpurāṇe prayāgamāhātmye 'ṣṭādhikaśatatamo'dhyāyaḥ

Linked texts (6)