Matsya 109
Matsya 109
- Language
- Sanskrit
Contents
- 109.25 — 1 part
109.1
cha || || mārkaṇḍeya uvāca || || śrutaṃ me brahmaṇā proktaṃ purāṇe brahmasambhave || tīrthānāntu sahasrāṇi śatāni
niyutāni ca || sarvve puṇyāḥ pavitrāśca gatiśca paramā smṛtā
109.2
somatīrthaṃ mahāpuṇyaṃ mahāpātakanāśanam || snānamātreṇa rājendra puruṣāṃ
stārayecchatam || tasmātsarvvaprayatnena tatra snānaṃ samācaret
109.3
yudhiṣṭhira uvāca || || pṛthivyāṃ naimiṣaṃ puṇyamantarikṣe ca puṣkaram
trayāṇāmapi lokānāṃ kurukṣetraṃ viśiṣyate
109.4
sarvvāṇi tāni santyajya kathamekaṃ praśaṃsasi || apramāṇantu tatroktamaśraddheyamanuttamam
109.5
gatiñca paramāṃ divyāṃ bhogāṃścaiva yathepsitān || kimarthamalpayogena bahu dharmmaṃ praśaṃsasi || etanme saṃśayaṃ brūhi yathādṛṣṭaṃ yathāśrutam
109.6
mārkaṇḍeya uvāca || || aśraddheyaṃ na vaktavyaṃ pratyakṣamapi yadbhavet || narasyāśraddadhānasya pāpopahatacetasaḥ
109.7
aśraddadhāno hyaśucirdu
rmmatistyaktamaṅgalaḥ || ete pātakinaḥ sarvve tenedaṃ bhāṣitaṃ tvayā
109.8
śṛṇu prayāgamāhātmyaṃ yathādṛṣṭaṃ yathāśrutam || pratyakṣañca parokṣañca
yathānyastaṃ bhaviṣyati
109.9
yathaivānyadadṛṣṭañca yathādṛṣṭaṃ yathāśrutam || śāstraṃ pramāṇaṃ kṛtvā ca yujyate yogamātmanaḥ
109.10
kriyate cāparastatra
naiva yogamavāpnuyāt || janmāntarasahasrebhyo yogo labhyeta mānavaiḥ
109.11
yathā yogasahasreṇa yogo labhyeta mānavaiḥ || yastu sarvvāṇi ratnāni brāhma
ṇebhyaḥ prayacchati
109.12
tena dānena dattena yogaṃ nābhyeti mānavaḥ || prayāge tu mṛtasyedaṃ sarvvaṃ bhavati nānyathā
109.13
pradhānahetuṃ vakṣyāmi śradda
dhatsva ca bhārata || yathā sarvveṣu bhūteṣu brahma sarvvatra dṛśyate
109.14
brāhmaṇe vāsti yatkiñcidabrāhmamiti vocyate || evaṃ sarvveṣu bhūteṣu brahma sarvvatra
pūjyate
109.15
tathā sarvveṣu lokeṣu prayāgaṃ pūjayedbudhaḥ || pūjyate tīrtharājastu satyameva yudhiṣṭhira
109.16
brahmāpi smarate nityaṃ prayāgaṃ tīrthamutta
mam || tīrtharājamanuprāpya na cānyatkiñcidaīti
109.17
ko hi devatvamāsādya manuṣyatvaṃ cikīrṣati || anenaivopamānena tvaṃ jñāsyasi yudhiṣṭhira || yathā
puṇyatamañcāsti tathaiva kathitaṃ mayā
109.18
yudhiṣṭhira uvāca || || śrutañcedaṃ tvayā proktaṃ vismito'haṃ punaḥ punaḥ || kathaṃ yogena tatprāptiḥ
svargavāsastu karmmaṇā
109.19
dātā vai labhate bhogāngāñca yatkarmmaṇaḥ phalam || tāni karmmāṇi pṛcchāmi punastaiḥ prāpyate mahī
109.20
mārkaṇḍeya uvāca || || śṛṇu rājanmahābāho yathoktakaraṇaṃ mahīm || gāmāgiṃ brāhmaṇaṃ śāstraṃ kāñcanaṃ salilaṃ striyaḥ
109.21
mātaraṃ pitarañcaiva
ye nindanti narādhamāḥ || na teṣāmūrddhagamanamidamāha prajāpatiḥ
109.22
evaṃ yogasya samprāptisthānaṃ paramadurlabham || gacchanti narakaṃ ghoraṃ ye narāḥ
pāpakarmmiṇaḥ
109.23
hastyaśvaṃ gāmanaḍvāhaṃ maṇimuktādikāñcanam || parokṣaṃ harate yastu paścāddānaṃ prayacchati
109.24
na te gacchanti vai svargaṃ dātāro
yatra bhoginaḥ || anekakarmmaṇā yuktāḥ pacyante narake punaḥ
109.25
evaṃ yogañca dharmmañca dātārañca yudhiṣṭhira || yathā satyamasatyaṃ vā asti nāstīti
yatphalam || niruktantu pravakṣyāmi yathāha svayamaṃśumān
109.25.p1
iti śrīmatsye mahāpurāṇe prayāgamāhātmye navādhikaśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Critical edition (BORI) — Sanskrit
- Saṃskārasāra — Dalapatirāja, Sanskrit