Pramāṇa · Search · About · API

Matsya 11

Matsya 11

Language
Sanskrit

Contents

11.1

cha || || sūta uvāca || athānviṣanto rājānaṃ bhrātarastasya mānavāḥ || ikṣvākupramukhā jagmu
stadā śaravaṇāntikam

11.2

tataste dadṛśuḥ sarvve vaḍavāmagrataḥ sthitām || ratnaparyyāṇakiraṇadīptakāyāmanuttamām

11.3

paryyāṇapratyabhijñānātsarvve
vismayamāgatāḥ || ayaṃ candraprabho nāma vājī tasya mahātmanaḥ

11.4

agamadvaḍavārūpamuttamaṃ kena hetunā || tatastu maitrāvaruṇiṃ papracchuste purodhasa
m

11.5

kimityetadabhūccitraṃ vada yogavidāṃvara || vasiṣṭhaścābravītsarvvaṃ dṛṣṭvā taddhyānacakṣuṣā

11.6

samayaḥ śambhudayitākṛtaḥ śaravaṇe purā
yaḥ pumān praviśedatra sa nārītvamavāpsyati

11.7

ayamaśvo'pi nārītvamagādrājñā sahaiva tu || punaḥ puruṣatāmeti yathāsau dhanadopamaḥ

11.8

tathaiva
yatnaḥ karttavyaścārādhyaiva pinākinam || tataste mānavā jagmuryyatra devo maheśvaraḥ

11.9

tuṣṭuvurvvividhaiḥ stotraiḥ pārvvatīparameśvarau || tāvūcaturala
ṅghyo'yaṃ samayaḥ kintu sāmpratam

11.10

ikṣvākoraśvamedhena yatphalaṃ syāttadāvayoḥ || dattvā kimpuruṣo vīraḥ sa bhaviṣyatyasaṃśayam

11.11

tathetyuktāstataste tu jagmurvaivasvatātmajāḥ || ikṣvākoścāśvamedhena celaḥ kimpuruṣo'bhavat

11.12

māsamekaṃ pumān vīraḥ strī ca māsamabhūtpunaḥ
budhasya bhavane tiṣṭhannilo garbhadharo'bhavat

11.13

ajījanatputramekamanekaguṇasaṃyutam || budhaścotpādya taṃ putraṃ svarlokaṃmagamattataḥ

11.14

ilasya nāmnā tadvarṣamilāvṛttamabhūtadā || somārkavaṃśayorādāvilo'bhūnmanunandanaḥ

11.15

evaṃ purūravāḥ puṃsorabhavadvaṃśavarddhanaḥ || ikṣvākura
rkavaṃśasya tathaivoktastapodhanāḥ

11.16

ilaḥ kimpuruṣatve ca sudyumna iti cocyate || punaḥ putratrayamabhūtsudyumnasyāparājitam

11.17

utkalo
vai gayastadvaddharitāśvaśca vīryyavān || utkalasyotkalā nāma gayasya tu gayā matā

11.18

haritāśvasya dikpūrvvā viśrutā kurubhiḥ saha
pratiṣṭhāne'bhiṣicyātha sa purūravasaṃ sutam

11.19

jagāmelāvṛtaṃ bhoktuṃ varṣaṃ divyaphalāśanam || ikṣvākurjyeṣṭhadāyādo madhyadeśamavāptavān

11.20

nāriṣyantasya putro'bhūcchuco nāma mahābalaḥ || nābhāgasyāmbarīṣastu dhṛṣṭasya ca sutatrayam

11.21

dhṛtaketuścitranātho raṇadhṛṣṭaśca vīryyavān
ānartto nāma śaryyāteḥ sukanyā caiva dārikā

11.22

ānarttasyābhavatputro rocamānaḥ pratāpavān || ānartto nāma deśo'bhūnnagarī ca kuśasthalī

11.23

rocamānasya putro'bhūddevo raivata eva ca || kakudmī cāparaṃ nāma jyeṣṭhaḥ putraśatasya ca

11.24

revatī tasya sā kanyā bhāryā rāmasya viśrutā
karūṣasya tu kārūṣā bahavaḥ prathitā bhuvi

11.25

pṛṣadhro govadhācchūdro guruśāpādajāyata || ikṣvākuvaṃśaṃ vakṣyāmi śṛṇudhvamṛṣisattamāḥ

11.26

ikṣvākoḥ putratāmāpa vikukṣirnāma devarāṭ || jyeṣṭhaḥ putraśatasyāsīddaśa pañca ca tatsutāḥ

11.27

meroruttarataste tu jātāḥ pārthivasattamāḥ || caturdaśottarañcānyacchatamasya tathābhavat

11.28

merordakṣiṇato ye vai rājānaḥ samprakīrttitāḥ || jyeṣṭhaḥ kakutstho nāmnābhūttatsutastu suyodhanaḥ

11.29

tasya putraḥ pṛthurnāma viśvagaśca pṛthoḥ sutaḥ || induṃstasya ca putro'bhūdyuvanāśvastato'bhavat

11.30

śrāvastaśca mahātejā vatsakastatsuto'bhavat
nirmitā yena śrāvastī gauḍadeśe dvijottamāḥ

11.31

śrāvastādvṛhadaśvo'bhūtkuvalāśvastato'bhavat || dhundhumāratvamagamaddhundhunāmnā hataḥ purā

11.32

tasya putrāstrayo jātā dṛḍhāśvo daṇḍa eva ca || kapilāśvaśca vikhyāto dhaundhumāriḥ pratāpavān

11.33

dṛḍhāśvasya pramodaśca haryyaśvastasya
cātmajaḥ || haryyaśvasya nikumbho'bhūtsaṃhatāśvastato'bhavat

11.34

akṛtāśvo raṇāśvaśca saṃhatāśvasutāvubhau || yuvanāśvo raṇāśvasya māndhātā ca tato'bhavat

11.35

māndhātuḥ purukutso'bhūddharmasenaśca pārthivaḥ || mucukundaśca vikhyātaḥ śatrujicca pratāpavān

11.36

purukutmasya putro'bhūddbrasudo narme
dāpatiḥ || sambhūtistasya putrobhūttridhanvā ca tato'bhavat

11.37

tridhanvanaḥ suto jātastrayyāruṇa iti smṛtaḥ||tasmātsatyavrato nāma tasmātsatyarathaḥ
smṛtaḥ

11.38

tasya putro hariścandro hariścandrācca rohitaḥ || rohitācca vṛko jāto vṛkādvāhurajāyata

11.39

sagarastasya putro'bhūdrājā paramadhā
rmikaḥ || dve bhārye sagarasyāpi prabhā bhānumatī tathā

11.40

tābhyāmārādhitaḥ pūrvvamaurvvoḍigniḥ putrakāmyayā || aurvvastuṣṭastayoḥ prādādyatheṣṭaṃ
varamuttamam

11.41

ekā ṣaṣṭisahasrāṇi sutamekaṃ tathāparā || gṛhṇātu vaṃśakarttāraṃ prabhā'gṛhlādvahūm̐stadā

11.42

ekaṃ bhānumatī putramagṛhlādasamañja
sam || tataḥ ṣaṣṭisahasrāṇi suṣuve yādavī prabhā

11.43

khanantaḥ pṛthivīṃ dagdhā viṣṇunā ye'śvamārgaṇe || asamañjasastu tanayo yo'ṃśumānnāma
viśrutaḥ

11.44

tasya putro dilīpastu dilīpāttu bhagīrathaḥ || yena bhāgīrathī gaṅgā tapaḥ kṛtvāvatāritā

11.45

bhagīrathasya tanayo nābhāga iti
viśrutaḥ || nābhāgasyāmbarīṣo'bhūtsindhudvīpastato'bhavat

11.46

tasyāyutāyuḥ putro'bhūdṛttuparṇastato'bhavat || tasya kalmāṣapādastu sarvvakarmā
tataḥ smṛtaḥ

11.47

tasyānaraṇyaḥ putro'bhūnnighnastasya suto'bhavat || nighnaputrāvubhau jātāvanāmitrarahū nṛpau

11.48

anamitro vanamagādṛkṣitā sa
kṛte nṛpaḥ || raghorabhūddilīpastu dilīpādajakastathā

11.49

dīrghabāhurjātaścājapālastato nṛpaḥ || tasmāddaśaratho jātastasya putracatuṣṭayam

11.50

nārāyaṇātmakāḥ sarvve rāmasteṣvagrajo'bhavat || rāvaṇāntakarastadvadraghūṇāṃ vaṃśavarddhanaḥ

11.51

vālmīkistasya caritaṃ cakre bhārgavasattamaḥ || tasya putrau
kuśalavāvikṣvākukulavarddhanau

11.52

atithistu kuśājjajñe niṣadhastasya cātmajaḥ || nalastu naiṣadhastasmānnabhāstasmādajāyata

11.53

nabha
saḥ puṇḍarīko'bhūtkṣemadhanvā tataḥ smṛtaḥ || tasya putro'bhavadvīro devānīkaḥ pratāpavān

11.54

ahīnagustasya sutaḥ sahasrāśvastataḥ paraḥ || tata
ścandrāvalokastu tārāpīḍastato'bhavat

11.55

tasyātmajaścandragirirbhānuścandrastato'bhavat || śrutāyurabhavattasmādbhārate yo nipātitaḥ

11.56

nalau dvāveva vikhyātau vaṃśe kaśyapasambhave || vīrasenasutastadvannaiṣadhaśca narādhipaḥ

11.57

ete vaivasvate vaṃśe rājāno bhūridakṣiṇāḥ || ikṣvākuvaṃśaprabhavāḥ
prādhānyena prakīrttitāḥ

11.57.p1

iti śrīmātsye mahāpurāṇe sūryyavaṃśānukīrttanaṃ nāma dvādaśo'dhyāyaḥ

Linked texts (11)