Matsya 110

cha
mārkaṇḍeya uvāca || || śṛṇu rājanyayāgasya māhātmyaṃ punareva tu || naimiṣaṃ puṣkarañcaiva gotīrthaṃ sindhusāgaram

gayā ca caitrakañcaiva gaṅgā
sāgarameva ca || ete cānye ca bahavo ye ca puṇyāḥ śiloccayāḥ

daśa tīrthasahasrāṇi triṃśatkoṭyastathā parāḥ || prayāge saṃsthitā nityamevamāhurma
nīṣiṇaḥ

trīṇi cāpyagnikuṇḍāni yeṣāṃ madhye tu jāhnavī || prayāgādabhiniṣkrāntā sarvvatīrthanamaskṛtā

tapanasya sutā devī triṣu lokeṣu
viśrutā || yamunā gaṅgayā sārddhaṃ saṅgatā lokabhāvinī

gaṅgāyamunayormmadhye pṛthivyā jaghanaṃ smṛtam || prayāgaṃ rājaśārdūla kalāṃ nārhanti
ṣoḍaśīm

tisraḥ koṭyo'rddhakoṭiśca tīrthānāṃ vāyurabravīt || divi bhuvyantarikṣe ca tatsarvvaṃ jāhnavī smṛtā

prayāgaṃ samadhiṣṭhānaṃ kambalāśva
tarāvubhau || bhogavatyatha yā caiṣā vedireṣā prajāpateḥ

tatra vedāśca yajñāśca mūrttimanto yudhiṣṭhira || prajāpatimupāsante ṛṣayaśca tapodhanāḥ

yajante kratubhirdevāstathā cakradharā nṛpāḥ || tataḥ puṇyatamaṃ nāsti triṣu lokeṣu bhārata

prabhāvātsarvvatīrthebhyaḥ prabhavatyadhikaṃ vibho
daśa tīrthasahasrāṇi tisraḥ koṭyastathāparāḥ

yatra gaṅgā mahābhāgā sa deśastattapodhanam || siddhakṣetrañca vijñeyaṃ gaṅgātīrasanvitam

idaṃ satyaṃ vijānīyātsādhūnāmātmanaśca vai || suhṛdaśca japetkarṇe śiṣyasyānugatasya ca

idaṃ dhanyamidaṃ svargyamidaṃ satyamidaṃ sukham || idaṃ
puṇyamidaṃ dharmmyaṃ pāvanaṃ dharmmamuttamam

maharṣīṇāmidaṃ guhyaṃ sarvvapāpapraṇāśanam || adhītya ca dvijo'pyetannirmalaḥ svargamāpnuyāt

ya idaṃ śṛṇuyānnityaṃ tīrthaṃ puṇyaṃ sadā śuciḥ || jātismaratvaṃ labhate nākapṛṣṭhe ca modate

prāpyante tāni tīrthāni sadbhiḥ śiṣṭānudarśibhiḥ
snāhi tīrtheṣu kauravya na ca vakramatirbhava

tvayā ca samyak pṛṣṭena kathitaṃ vai mayā vibho || pitarastāritāḥ sarvve tathaiva ca pitāmahāḥ
prayāgasya tu sarvve te kalāṃ nārhanti ṣoḍaśīm

evaṃ jñānañca yogaśca tīrthañcaiva yudhiṣṭhira || bahukleśena yujyante tena yānti parāṃ gatim
trikālaṃ jāyate jñānaṃ svargalokaṃ gamiṣyati

iti śrīmātsye mahāpurāṇe prayāgamāhātmye daśādhikaśatatamo'dhyāyaḥ

Linked texts (6)