Matsya 111
Matsya 111
- Language
- Sanskrit
111.1
cha
yudhiṣṭhira uvāca || || kathaṃ sarvvamidaṃ proktaṃ prayāgasya mahāmune || etannaḥ sarvvamākhyāhi yathā hi mama tārayet
111.2
mārkaṇḍeya uvāca
śṛṇu rājan prayāge tu proktaṃ sarvvamidaṃ jagat || brahmā viṣṇustatheśāno devatāḥ prabhuravyayaḥ
111.3
brahmā sṛjati bhūtāni sthāvaraṃ jaṅgamañca yat || tānye
tāni paraṃ loke viṣṇuḥ saṃvarddhate prajāḥ
111.4
kalpānte tat samagraṃ hi rudraḥ saṃharate jagat || tadā prayāgatīrthañca na kadācidvinaśyati
111.5
īśvaraḥ sarvvabhūtānāṃ yaḥ paśyati sa paśyati || yatnenānena tiṣṭhanti te yānti paramāṃ gatim
111.6
yudhiṣṭhira uvāca || || ākhyāhi me yathātathyaṃ
yathaiṣā tiṣṭhati śrutiḥ || kena vā kāraṇenaiva tiṣṭhante lokasattamāḥ
111.7
mārkaṇḍeya uvāca || || prayāge nivasantyete brahmaviṣṇumaheśvarāḥ || kāraṇaṃ
tat pravakṣyāmi śṛṇu tattvaṃ yudhiṣṭhira
111.8
pañcayojanavistīrṇaṃ prayāgasya tu maṇḍalam || tiṣṭhanti rakṣaṇāẏātra pāpakarmanivāraṇāt
111.9
uttareṇa
pratiṣṭhānācchadmanā brahma tiṣṭhati || veṇīmādhavarūpī tu bhagavāṃstatra tiṣṭhati
111.10
māheśvaro vaṭo bhūtvā tiṣṭhate parameśvaraḥ || tato devāḥ sagandharvvāḥ
siddhāśca paramarṣayaḥ || rakṣanti maṇḍalaṃ nityaṃ pāpakarmanivāraṇāt
111.11
yasmin juhvan svakaṃ pāpaṃ narakañca na paśyati || evaṃ brahmā ca viṣṇuśca
prayāge sa maheśvaraḥ
111.12
saptadvīpāḥ samudrāśca parvvatāśca mahītale || rakṣamāṇāśca tiṣṭhanti yāvadābhūtasaṃplavam
111.13
ye cānye bahavaḥ sarvve tiṣṭhanti
ca yudhiṣṭhira || pṛthivīṃ tattamāśritya nirmmitā daivataistribhiḥ
111.14
prajāpateridaṃ kṣetraṃ prayāgamiti viśrutam || etat puṇyaṃ pavitraṃ vai prayāgañca yudhi
ṣṭhira || svarājyaṃ kuru rājendra bhrātṛbhiḥ sahito'nagha
Linked texts (1)
- Matsyapurāṇa — Vyāsa, Sanskrit