Matsya 112
Matsya 112
- Language
- Sanskrit
Contents
- 112.22 — 1 part
112.1
iti śrīmātsye mahāpurāṇe prayāgamāhātmye ekādaśādhikaśatatamo'dhyāyaḥ || 111|||| cha
nandikeśvara uvāca || || bhrātṛbhiḥ sahitaḥ sarvvairdraupadyā saha bhāryyayā || brāhmaṇebhyo namaskṛtya gurūn devānatarpayat
112.2
vāsudevo'pi
tatraiva kṣaṇenābhyāgatastadā || pāṇḍavaiḥ sahitaiḥ sarvvaiḥ pūjyamānastu mādhavaḥ
112.3
kṛṣṇena sahitaiḥ sarvvaiḥ punareva mahātmabhiḥ || abhiṣiktaḥ
svarājye ca dharmaputro yudhiṣṭhiraḥ
112.4
etasminnantare caiva mārkaṇḍeyo mahāmuniḥ || tataḥ svastīti coktvā tu kṣaṇādāśramamāgamat
112.5
yudhiṣṭhi
ro'pi dharmātmā bhrātṛbhiḥ sahito'vasat || mahādānaṃ tato dattvā dharmaputro mahāmanāḥ
112.6
yastvidaṃ kalya utthāya māhātmyaṃ paṭhate naraḥ || prayāgaṃ
smarate nityaṃ sa yāti paramaṃ padam || mucyate sarvvapāpebhyo rudralokaṃ sa gacchati
112.7
vāsudeva uvāca || || mama vākyañca karttavyaṃ mahārāja
bravīmyaham || nityaṃ japasva juhuṣva prayāge vigatajvaraḥ
112.8
prayāgaṃ smara vai nityaṃ sahāsmābhiryudhiṣṭhira || svayaṃ prāpsyasi rājendra svargalokaṃ na
saṃśayaḥ
112.9
prayāgamanugacchedvā vasate vāpi yo naraḥ || sarvvapāpaviśuddhātmā rudralokaṃ sa gacchati
112.10
pratigrahādupāvṛttaḥ santuṣṭo niyataḥ śuciḥ
ahaṅkāranivṛttaśca sa tīrthaphalamaśnute
112.11
akopanaśca satyaśca satyavādī dṛḍhavrataḥ || ātmopamaśca bhūteṣu sa tīrthaphalamaśnute
112.12
ṛṣibhiḥ
kratavaḥ proktā devaiścāpi yathākramam || na hi śakyā daridreṇa yajñāḥ prāptuṃ mahīpate
112.13
bahūpakaraṇā yajñā nānāsambhāravistarāḥ || prāpyante pārthivai
retaiḥ samṛddhairvā naraiḥ kvacit
112.14
yo daridrairapi vidhiḥ śakyaḥ prāptuṃ nareśvara || tulyo yajñaphalaiḥ puṇyaistannibodha yudhiṣṭhira
112.15
ṛṣīṇāṃ paramaṃ
guhyamidaṃ bharatasattama || tīrthānugamanaṃ puṇyaṃ yajñebhyo'pi viśiṣyate
112.16
daśa tīrthasahasrāṇi tisraḥ koṭyastathā''pagāḥ || māghamāse gamiṣyanti
gaṅgāyāṃ bharatarṣabha
112.17
svastho bhava mahārāja bhuṅkṣva rājyamakaṇṭakam || punardrakṣyasi rājendra yajamāno viśeṣataḥ
112.18
nandikeśvara uvāca
ityuktvā sa mahābhāgo mārkaṇḍeyo mahātapāḥ || yudhiṣṭhirasya nṛpatestatraivāntaradhīyata
112.19
tatastatra samāplāvpa gātrāṇi sagaṇo nṛpaḥ || yatho
ktenātha vidhinā parāṃ nirvṛtimāgamat
112.20
tathā tvamapi devarṣe prayāgābhimukho bhava || abhiṣekantu kṛtvāya kṛtakṛtyo bhaviṣyasi
112.21
sūta uvāca || || evamuktvātha nandīśastatraivāntaradhīyata || nārado'pi jagāmāśu prayāgābhimukhastathā
112.22
tatra snātvā ca japtvā ca
vidhidṛṣṭena karmmaṇā || dānaṃ dattvā dvijāgryebhyo gataḥ svabhavanaṃ tadā
112.22.p1
iti śrīmātsye mahāpurāṇe prayāgamāhātmyaṃ nāma dvādaśādhikaśatatamo' dhyāyaḥ
Linked texts (4)
- Matsyapurāṇa — Vyāsa, Sanskrit
- Varṣakṛtyakaumudī — Govindānandācārya, Sanskrit
- Kriyākaumudī (Govindānanda) — Govindānanda 1500, Sanskrit
- Tīrthakāṇḍa — Lakṣmīdhara, Sanskrit