Matsya 115
Matsya 115
- Language
- Sanskrit
Contents
- 115.19 — 1 part
115.1
cha
manuruvāca || || caritaṃ budhaputrasya janārddana mayā śrutam || śrutaḥ śrāddhavidhiḥ puṇyaḥ sarvvapāpapraṇāśanaḥ
115.3
dhenvāḥ prasūyamānāyāḥ phalaṃ
dānasya me śrutam || kṛṣṇajinapradānañca vṛṣotsargastathaiva ca||2||śrutvā rūpaṃ narendrasya budhaputrasya keśava || kautūhalaṃ samutpannaṃ tanmamācakṣva pṛcchataḥ
115.4
kena karmavipākena sa tu rājā purūravāḥ || avāpa tādṛśaṃ rūpaṃ saubhāgyamapi cottamam
115.5
devāṃstribhuvanaśreṣṭhāngandharvāṃśca manoramān || urvvaśī saṅgatā tyaktvā sarvvabhāvena taṃ nṛpam
115.6
matsya uvāca || || śṛṇu karmmavipākena yena rājā purūravāḥ || avāpa tādṛśaṃ rūpaṃ saubhāgyamapi cottamam
115.7
atīte janmani purā yo'yaṃ rājā purūravāḥ || purūravā iti khyāto madradeśādhipo hi saḥ
115.8
cākṣuṣasyānvaye rājā cākṣuṣasyāntare
manoḥ || sa vai nṛpaguṇairyuktaḥ kevalaṃ rūpavarjjitaḥ
115.9
ṛṣaya ūcuḥ || || purūravā madrapatiḥ karmmaṇā kena pārthivaḥ || babhūva karmmaṇā kena
rūpavāṃścaiva sūtaja
115.10
sūta uvāca || || dvijagrāme dvijaśreṣṭho nāmnā cāsītpurūravāḥ || nadyāḥ kūle mahārājaḥ pūrvajanmani pārthivaḥ
115.11
sa tu madrapatī rājā yastuṃ nāmnā purūravāḥ || tasmiñjanmanyasau vipro dvādaśyāntu sadā'nagha
115.12
upoṣya pūjayāmāsa rājyakāmo janārddanam
cakāra sopavāsaśca snānamabhyaṅgapūrvvakam
115.13
upavāsaphalātprāptaṃ rājyaṃ maṃdreśvakaṇṭakam || upoṣitastathābhyaṅgādrūpahīno vyajāyata
115.14
upoṣitairnaraistasmātsnānamabhyaṅgapūrvvakam || varjanīyaṃ prayatnena rūpaghnaṃ tatparaṃ nṛpa
115.15
etadraḥ kathitaṃ sarvvaṃ yadvṛttaṃ pūrvvajanmani || madreśvara
tvacaritaṃ śṛṇu tasya mahīpateḥ
115.16
tasya rājagauḥ sarvvaiḥ samupetasya bhūpateḥ || janānurāgo naivāsīdrūpahīnasya tasya vai
115.17
rūpakāmaḥ
sa madreṅgastapase kṛtaniścayaḥ || rājyaṃ mantrigataṃ kṛtvā jagāma himaparvvatam
115.18
vyavasāyadvitīyastu paddhyāmeva mahāyaśāḥ || draṣṭuṃ sa tīrthasadanaṃ
viṣayānte svake nadīm || airāvatīti vikhyātāṃ dadarśātimanoramām
115.19
tuhinagiribhavāṃ mahaughavegāṃ tuhinagabhastisamānaśītodām || tuhinasa
dṛśahaimavarṇapuñjāṃ tuhinayaśāḥ saritaṃ dadarśa rājā
115.19.p1
iti śrīmātsye mahāpurāṇe tapovanāgamanaṃ nāma pañcadaśādhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit