Matsya 116
Matsya 116
- Language
- Sanskrit
Contents
- 116.25 — 1 part
116.1
śrīmatsyamūrtaye namaḥ || || sūta uvāca || sa dadarśa nadīṃ puṇyāṃ divyāṃ haimavatīṃ śubhām || gandharvaiśca samākīrṇāṃ nityaṃ śakreṇa sevitām
116.2
sure
bhamadasaṃ siktāṃ samantācca virājitām || madhyena śakracāpābhāṃ tasminnahani sarvvadā
116.3
tapasviśaraṇopetāṃ mahābrāhmaṇasevitām || dadarśa tapanīyābhāṃ
mahārājaḥ purūravāḥ
116.4
sitahaṃsāvalicchannāṃ kāśacāmararājitām || sābhiṣiktāmiva satāṃ paśyanprītiṃ parāṃ yayau
116.5
puṇyāṃ suśītalāṃ hṛdyāṃ manasaḥ
prītivarddhinīm || kṣayavṛddhidyutāṃ ramyāṃ somamūrttimivāparām
116.7
suśītaśīghrapānīyāṃ dvijasaṅghaniṣevitām || sutāṃ himavataḥ śreṣṭhāṃ candrārciciṣavirā
jitām ||6||amṛtasvādusalilāṃ tāpasairupaśobhitām || svargārohaṇaniḥśreṇīṃ sarvvakalmaṣanāśinīm
116.8
agyāṃ samudramahiṣīṃ maharṣigaṇasevitām
sarvvalokasya cautsukyakāriṇīṃ sumanoharām
116.9
hitāṃ sarvvasya lokasya nākamārgapradāyikām || gokulākulatīrāntāṃ ramyāṃ śaivālavarjitām
116.10
haṃsasārasasaṅguṣṭāṃ jalajairupaśobhitām || āvarttanābhigambhīrāṃ dvīporujaghanasthalīm
116.11
nīlanīrajanetrābhāmutphullakamalānanām || himābhaphe
navasanāṃ cakravākādharāṃ śubhām || valākāpaṅktidaśanāṃ calanmatsyāvalibhruvam
116.12
svajalodbhūtamātaṅgaramyakumbhapayodharām || haṃsanūpurasa
ṅguṣṭāṃ mṛṇālavalayāvalīm
116.13
tasyāṃ rūpamadonmattā gandharvvānugatāḥ sadā || madhyāhnasamaye rājankrīḍantyapsarasāṃ gaṇāḥ
116.14
tāmapsarovinirmuktaṃ vahantīṃ kuṅkumaṃ śubham || svatīradrumasaṃbhūtanānāvarṇasugandhinīm
116.15
taraṅgavātasaṃkrāntasūryyamaṇḍaladurddaśām || sure
bhajanitāghātavikūladvayabhūṣitām
116.16
śakrabhairaṇḍasalilairdevastrīkucacandanaiḥ || saṃyutaṃ salilaṃ tasyāḥ ṣaṭpadairupasevyate
116.17
tasyā
stīrabhavā vṛkṣāḥ sugandhakusumāśritāḥ || tathāpakṛṣṭasambhrāntabhramarastanitākulāḥ
116.18
yasyāstīre ratiṃ yānti sadā kāmavaśā mṛgāḥ
tapovanāśca ṛṣayastathā devāḥ sahāpsarāḥ
116.19
labhante yatra pūtāṅgā devebhyaḥ pratimānitāḥ || striyaśca nākabahulāḥ padmendupratimānanāḥ
116.20
yā bibhartti sadā toyaṃ devasaṅghairapīḍitam || pulindainṛpasaṅghaiśca vyāghravṛndairapīḍitam
116.21
satāmarasapānīyāṃ satāragaganāmalām || sa tāṃ paśyanyayau
rājā satāmīpsitakāmadām
116.22
yasyāstīraruhaiḥ kāśaiḥ pūrṇenduṃśubhasannibhaiḥ || rājate vividhākārai ramyaṃ tīraṃ mahādrumaiḥ || yā sadā vividhairviprairde
vaiścāpi niṣevyate
116.23
yā ca sadā sakalaughavināśaṃ bhaktajanasya karotyācireṇa || yānugatā saritāṃ hi kadambairyyā'nugatā satataṃ hi munīndraiḥ
116.24
yā hi sutāniva pāti manuṣyān yā ca yutā satataṃ himasanraiḥ || yā ca yutā satataṃ suravṛndairyyā ca janaiḥ svahitāya śritā vai
116.25
yuktā ca kesarigaṇaiḥ karivṛndajuṣṭā santānayuktasalilāpi suvarṇayuktā || sūrkhyāṃśutāpaparivṛddhivivṛddhaśītā śītāṃśutulyayaśasā dadṛśe nṛpeṇa
116.25.p1
iti śrīmatsye mahāpurāṇe bhuvanakoṣe suranadīvarṇanaṃ nāma ṣoḍaśādhikaśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Critical edition (Baroda) — Sanskrit