Matsya 117
Matsya 117
- Language
- Sanskrit
Contents
- 117.21 — 1 part
117.1
cha || || sūta uvāca || || ālokayan
nadīṃ puṇyāṃ tatsamīrahataśramaḥ || sa gacchanneva dadṛśe himavantaṃ mahāgirim
117.2
khamullikhadbhirbahubhirvṛtaṃ śṛṅgaistu pāṇḍuraiḥ || pakṣiṇāmapi sañcārairvinā
siddhagatiṃ śubhām
117.3
nadīpravāhasañjātasahāśabdaiḥ samantataḥ || asaṃ śrutānyaśabdaṃ taṃ śītatoyaṃ manoramam
117.4
devadāruvanairnīlaiḥ kṛtādhovasanaṃ
śubham || medyottarīyakaṃ śailaṃ dadṛśe sa narādhipaḥ
117.5
śvetameghakṛtoṣṇīṣaṃ candrārkamukuṭaṃ kvacit || himānuliptasarvāṅgaṃ kvaciddhātuvimiśritam
117.6
candanenānuliptāṅgaṃ dattapañcāṅgulaṃ yathā || śītapradaṃ nidāghe'pi śilāvikaṭasaṅkaṭam || sālaktakairapsarasāṃ mudritaṃ caraṇaiḥ kvacit
117.7
kvacitsaṃspṛṣṭasūryyāṃśuṃ kvacicca tamasāvṛtam || darīmukhaiḥ kvacidbhīmaiḥ pivantaṃ salilaṃ mahat
117.8
kvacidvidyādharagaṇaiḥ krīḍadbhirupaśobhitam || upagītaṃ
tathā mukhyaiḥ kinnarāṇāṃ gaṇaiḥ kvacit
117.9
āpānabhūmau galitairgandharvāpsarasāṃ kvacit || puṣpaiḥ santānakādīnāṃ divyaistamupaśobhitam
117.10
suptotthitābhiḥ śayyābhiḥ kusumānāṃ tathā kvacit || mṛditābhiḥ samākīrṇaṃ gandharvāṇāṃ manoramam
117.11
niruddhapavanairddeśairnīlaśādvalamaṇḍitaiḥ
kvacicca kusumayuktairatyantaruciraṃ śubham
117.12
tapasviśaraṇaṃ śailaṃ kāmināmapidurlabham || mṛgairyathānūcaritaṃ dantibhinnamahādrumam
117.13
yatra siṃhaninādena trastānāṃ bhairavaṃ ravam || dṛśyate na ca saṃbhrāntaṃ gajānāmākulaṃ kulam
117.14
taṭāśca tāpasairyetra kuñjadeśaira laṅkṛtāḥ || ratnairyasya
samutpannaistrailokyaṃ samalaṅkṛtam
117.15
ahīnaśaraṇaṃ nityamahīnajanasevitam || ahīnaḥ paśyati girimahīnaṃ ratnasampadā
117.16
alpena tapasā
yatra siddhiṃ prāpsyanti tāpasāḥ || yasya darśanamātreṇa sarvve kalmaṣanāśanam
117.17
mahāprapātasampātaprapātādigatāmbubhiḥ || vāyunītaiḥ sadā tṛpti
kṛtadeśaṃ kvacitkvacit
117.18
samālandhjalaiḥ śṛṅgaiḥ kvaciccāpi samucchritaiḥ || nityārkatāpaviṣamairagamyairmanasā yutam
117.19
devadārumahāvṛkṣa
vajraśākhānirantaraiḥ || vaṃśastambavanākāraiḥ pradeśairupaśobhitam
117.20
himacchannamahāśṛṅgaṃ prapātaśatanirjharam || śabdalabhyāmbuviṣamaṃ himasaṃruddhaka
ndaram
117.21
dṛṣṭvaivaṃ taṃ cārunitambabhūmiṃ mahānubhāvaḥ sa tu madranāthaḥ || babhrāma tatraiva mudā sametaḥ sthānaṃ tadā kiñcidathāsasāda
117.21.p1
iti śrīmātsye mahāpurāṇe bhuvanakoṣe himavadvarṇanaṃ nāma saptadaśādhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit