Pramāṇa · Search · About · API

Matsya 120: Ailāśramavarṇanam

Matsya 120

Language
Sanskrit

Contents

Ailāśramavarṇanam

120.1

cha
sūta uvāca || || sa tvāśramapade ramye tyaktāhāraparicchadaḥ || krīḍāvihāraṃ gandharvvaiḥ paśyatyapsarasāṃ saha

120.2

kṛtvā puṣpoccayaṃ bhūri
grathayitvā tathā srajaḥ || agraṃ nivedya devāya gandharvvebhyastadā dadau

120.3

puṣpoccayaprasaktānāṃ krīḍantīnāṃ yathāsukham || ceṣṭā nānāvidhā
kārāḥ paśyannapi na paśyati

120.4

kācit puṣpoccaye saktā latājālena veṣṭitā || sakhījanena santyaktā kāntenābhisamujjhitā

120.5

kācitkama
lagandhābhā niḥśvāsapavanāhataiḥ || madhupairākulamukhī kāntenaparimocitā

120.6

makarandasamākrāntanayanā kācidaṅganā || kāntaniḥśvāsavātena nīraja
skakṛtekṣaṇā

120.7

kāciduccīya puṣpāṇi dadau kāntasya bhāminī || kāntasaṃgrathitaiḥ puṣpai rarāja kṛtaśekharā

120.8

uccīya svayamuddhṛtya
kāntena kṛtaśekharā || kṛtakṛtyamivātmānaṃ mene manmathavarddhinī

120.9

astyasmin gahane kuñje viśiṣṭakusumā latā || kācidevaṃ raho nītā ramaṇena śiraṃ
sunā

120.10

kāntasannāmitalatā kusumāni vicinvatī || sarvābhyaḥ kācidātmānaṃ mene sarvvaguṇādhikam

120.11

kāścitpaśyaṃti bhūpālaṃ nalinīṣu pṛthak
pṛthak || krīḍamānāstu gandharvvairdevarāmā manoramāḥ

120.12

kācidātāḍayatkāntamudakena śucismitā|| tāḍyamānā'tha kāntena prītiṃ kācidupāyayau

120.13

kāntañca tāḍayāmāsa jātakhedā varāṅganā || ahasyata varārohā śvāsanṛtyatpayodharā

120.14

kāntāmbutāḍane dṛṣṭakeśapāśānivandhanā || keśākula
mukhī bhāti madhupairiva padminī

120.15

svacakṣuḥsadṛśaiḥ puṣpaiḥ sañchanne nalinīvane || channā kāciccirātprāptā kāntenānviṣya yatnataḥ

120.16

snātā śītā
padeśena kācit prāhāṅganā bhṛśam || ramaṇā liṅganaṃ cakre mano'bhilaṣitaṃ ciram

120.17

jalādvevasanaṃ sūkṣmamaṅgalīnāṃ śucismitā || dhārayantī janaṃ cakre
kācit tatra samanmatham

120.18

kaṇṭhamālyaguṇaiḥ kācit kāntena kṛṣyatāmbhasi|| cucyuttvagdāmapatitaṃ ramaṇaṃ prāhasacciram

120.19

kācidguptā sakhīdattajānu
deśe nakhakṣatā || sambhrāntā kāntaśaraṇaṃ yayā kāciddrutā ciram

120.20

kācit pṛṣṭhakṛtādityā keśanistoyakāriṇī || śilātalagatā bhartrā dṛṣṭā
kāmārttacakṣuṣā

120.21

kṛtamālyaṃ vilulitaṃ saṃkrāntakucakuṅkumam || ratikrīḍitakānteva rarāja tat sarodakam

120.22

susnātadevagandharvvadevarāmāga
ṇena ca || pūjyamānañca dadṛśe devadevaṃ janārdanam

120.23

kvacicca dadṛśe rājā latāgṛhagatāḥ striyaḥ || maṇḍayantīḥ svagātrāṇi kāntasaṅgavyastamānasāḥ

120.24

kācidādarśanakarā vyagrā dūtīmukhodgatam || śṛṇvatī kāntavacanamadhikā tu tathā babhau

120.25

kācit satvaritā dūtyā bhūṣaṇānāṃ
viparyyayam || kurvvāṇā naiva bubudhe manmathāviṣṭacetanā

120.26

vāyununnātisurabhikusumotkaramaṇḍite || kācit pibantī dadṛśe maireyaṃ nīlaśādvale

120.27

pāyayāmāsa ramaṇaṃ svayaṃ kācidvarāṅganā || kācit papau varārohā kāntapāṇisamarpitam

120.28

kācit svanetracapaunīlotpalayutaṃ payaḥ
pītvā papraccha ramaṇaṃ kva gatau tau mamotpalau

120.29

tvayaiva pītau tau nūnamityuktā ramaṇena sā || tathā viditvā mugdhatvādvabhūva vrīḍitā bhṛśam

120.30

kācit kāntārpitaṃ subhrūḥ kāntapītāvaśeṣitam || saviśeṣarasaṃ pānaṃ papau manmathavarddhanam

120.31

āpānagoṣṭhīṣu tathā tāsāṃ sa narapuṅgavaḥ
śuśrāva vividhaṃ gītaṃ tantrīsvaravimiśritam

120.32

pradoṣasamaye tāśca devadevaṃ janārddanam || rājan sadopanṛtyanti nānāvādyapuraḥsarāḥ

120.33

yāmamātre gate rātrau vinirgatya guhāmukhāt || āvasan saṃyutāḥ kāntaiḥ pararddhiracitāṃ guhām

120.34

nānāgandhānvitalatāṃ nānāgandhasugandhinām
nānāvicitraśayanāṃ kusumotkaramaṇḍitām

120.35

evamapsarasāṃ paśyan krīḍitāni sa parvvate || tapastepe mahārājan keśavārpitamānasaḥ

120.36

tamūcurnṛpatiṃ gatvā gandharvvāpsarasāṃ gaṇāḥ || rājan svargopamaṃ deśamimaṃ prāpto'syarindama

120.37

vayaṃ hi te pradāsyāmo manasaḥ kāṅkṣitān varān
tānādāya gṛhaṃ gaccha tiṣṭheha yadi vā punaḥ

120.38

rājovāca || || amoghadarśanāḥ sarvve bhavantastvamitaujasaḥ || varaṃ vitaratādyaiva prasādaṃ madhusū
danāt

120.39

evamastvityathoktastaiḥ sa tu rājā purūravāḥ || tatrovāsa sukhī māsaṃ pūjayatto janārddanam

120.40

priya eva sadaivārsīdgandharvvāpsa
rasāṃ nṛpaḥ || tutoṣa sa jano rājñastasyālaulyena karmmaṇā

120.41

māsasya madhye sa nṛpaḥ praviṣṭastadāśramaṃ ratnasahasracitram || toyāśanastatra
hyuvāsa māsaṃ yāvatsitānto nṛpa phālgunasya

120.42

phālgunāmalapakṣānte rājā svapne purūravāḥ || tasyaiva devadevasya śrutavāngaditaṃ śubham

120.43

rātryāmasyāṃ vyatītāyāmatriṇā tvaṃ sameṣyasi || tena rājansamāgamya kṛtakṛtyo bhaviṣyasi

120.44

svapnamevaṃ sa rājarṣirdṛṣṭvā devendravikramaḥ || pratyū
ṣakāle vidhivatsnātaḥ sa prayatendriyaḥ

120.45

kṛtakṛtyo yathākāmaṃ pūjayitvā janārddanam || dadarśātriṃ muniṃ rājā pratyakṣaṃ tapasāṃ nidhim

120.46

svapnantu devadevasya nyavedayata dhārmmikaḥ || tataḥ śuśrāva vacanaṃ devatānāṃ samīritam

120.47

evametanmahīpāla nātra kāryā vicāraṇā || evaṃ
prasādaṃ samprāpya devadevājjanārddanāt

120.48

kṛtadevārśvano rājā tathā hutahutāśanaḥ || sarvvānkāmānavāpto'sau varadānena keśavāt

120.48.p1

iti śrīmātsye mahāpurāṇe bhuvanakoṣe ailāśramavarṇanaṃ nāma viṃśatyadhikaśatatamo'dhyāyaḥ

Linked texts (2)