Matsya 127
Matsya 127
- Language
- Sanskrit
Contents
- 127.72 — 1 part
127.59
apāṃ sāramayasyendo rasamātrāmakasya ca || pibantyambumayaṃ devā madhusaumyaṃ tathāmṛtam
127.60
sambhṛtantvarddhamāsena amṛtaṃ sūryyatejasā || akṣārthamā
gataṃ somaṃ paurṇamāsyāmupāsate
127.61
ekarātraṃ surāḥ sārddhaṃ pitṛbhirṛṣibhiśca vai || somasya kṛṣṇapakṣādau bhāskarābhimukhasya vai
127.62
prakṣīyate
pare hyātmā pīyamānakalākramāt || trayaśca triṃśatā sārddhaṃ trayastriṃśacchatāni tu
127.63
trayastriṃśat sahasrāṇi devāḥ somaṃ pibanti vai || ityevaṃ pīyamā
nasya kṛṣṇe varddhanti tāḥ kalāḥ
127.64
kṣīyante ca tataḥ śuklāḥ kṛṣṇā hyāpyāyayanti ca || evaṃ dinakramāt pīte devaiścāpi niśākare
127.65
pītvārddhamāsaṃ gacchanti amāvāsyāṃ surāśca te || pitaraścopatiṣṭhanti amāvāsyāṃ niśākaram
127.66
tataḥ pañcadaśe bhāge kiñciccheṣe niśākare
tato'parāhne pitaro yadanyādivase punaḥ
127.67
pibanti dvikalaṃ kālaṃ śiṣṭāstāstu kalāstu yāḥ || viniḥsṛṣṭaṃ tvamāvāsyāṃ gabhastibhyastadāmṛtam
127.68
arddhamāsasamāptau tu pītvā gacchanti te'mṛtam || saumyāḥ barhiṣadaścaiva agniṣvāttāśca ye smṛtāḥ
127.69
kāvyāścaiva tu ye proktāḥ pitaraḥ sarvva eva te
saṃvatsarāśca ye kāvyāḥ pañcābdā vai dvijāḥ smṛtāḥ
127.70
saumyāḥ sutapaso jñeyāḥ saumyā barhiṣadastathā || agniṣvāttāśchrayaścaiva pitṛsargasthitā dvijāḥ
127.72
pitṛbhiḥ pīyamānāyāṃ pañcadaśyāntu vai kalām || yāvacca kṣīyate tasmādbhāgaḥ pañcadaśastu saḥ||71||amāvāsyāṃ tathā tasya antarā pūryyate paraḥ
vṛddhikṣayau vai pakṣādau ṣoḍaśyāṃ śaśinaḥ smṛtau || evaṃ sūryyanimitte te kṣayavṛddhī niśākare
127.72.p1
iti śrīmātsye mahāpurāṇe bhuvanakoṣe sūryyādigamanaṃ nāma ṣaḍviṃśatyadhikaśatatamo'dhyāyaḥ
Linked texts (5)
- Matsyapurāṇa — Vyāsa, Sanskrit
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Viṣṇupurāṇa (vulgate) — Sanskrit
- Prakriyāpāda — Sanskrit