Pramāṇa · Search · About · API

Matsya 128

Matsya 128

Language
Sanskrit

Contents

128.1

cha || || sūta uvāca || || tārāgrahāṇāṃ vakṣyāmi svarbhānostu rathaṃ punaḥ|| atha
tejomayaḥ śubhraḥ somaputrasya vai rathaḥ

128.2

yukto hayaiḥ piśaṅgairastu daśabhirvātaraṃhasaiḥ || śvetaḥ piśaṅgaḥ sāraṅgo nīlaḥ śyāmo vilohitaḥ

128.3

śvetaśca haritaścaiva pṛṣato vṛṣṇirakhaṃ ca || daśābhistu mahābhāgairuruttamairvātasambhavaiḥ

128.4

tato bhaumarathaścāpi aṣṭāṅgaḥ kāñcanaḥ smṛtaḥ || aṣṭabhirlohitai
rathaiḥ sadhvajairagnisambhavaiḥ || sarpate'sau kumāro vai ṛjuvakrānuvakragaḥ

128.5

ataścāṅgiraso vidvān devācāryo bṛhaspatiḥ || gaurāśvena tu raukmeṇa syanda
nena visarpati

128.6

yuktenāṣṭābhiraśvaiśca dhvajairagnisamudbhavaiḥ || abdaṃ vasati yo rāśau svadiśaṃ tena gacchati

128.7

yuktenāṣṭābhiraśvaiśca sadhvajairagni
sannibhaiḥ || rathena kṣipravegena bhārgavastena gacchati

128.9

tataḥ śanaiścaro'pyaśvaiḥ sabalairvātaraṃhasaiḥ || kārṣṇāyasaṃ samāruhya syandanaṃ yātyasau śaniḥ||8||svarbhā
nostu yathāṣṭāśvāḥ kṛṣṇā vai vātaraṃhasaḥ || rathaṃ tamomayaṃ tasya vahanti sma sudaṃśitāḥ

128.10

ādityanilayo rāhuḥ somaṃ gacchati parvvasu || ādityameti
somācca tamaso'nteṣu parvvasu

128.11

tataḥ ketumatastvaśvā aṣṭau te vātaraṃhasaḥ || palāladhūmavarṇābhāḥ kṣāmadehāḥ sudāruṇāḥ

128.12

ete vāhā grahāṇāṃ vai mayā
proktā rathaiḥ saha || sarvve dhruve nibaddhāste nibaddhā vātaraśmibhiḥ

128.13

ete vai bhrāmyamāṇāste yathāyogaṃ vahanti vai || vāyavyābhiradṛśyābhiḥ prabaddhā vātara
śmibhiḥ

128.14

paribhramanti tadbaddhāścandrasūryyagrahā divi || yāvattamanvaparyyeti dhruvaṃ vai jyotiṣāṃ gaṇaḥ

128.15

yathā nadyudake naustu udakena sahohyate
tathā devagṛhāṇi syuruhyante vātaraṃhasā || tasmādyāni pragṛhyante vyomni devagṛhā iti

128.16

yāvantyaścaiva tārāḥ syustāvanto'sya marīcayaḥ
sarvvā dhruvanibaddhāstā bhramantyo bhrāmayanti ca

128.17

tailapīḍaṃ yathā cakraṃ bhramate bhrāmayanti vai || tathā bhramanti jyotīṃṣi vātabaddhāni sarvvaśaḥ

128.18

alātacakravadyānti vātacakreritāni tu || yasmātpravahate tāni pravahastena sa smṛtaḥ

128.19

evaṃ dhruve niyukto'sau bhramate jyotiṣāṃ gaṇaḥ
eṣa tārāmayaḥ proktaḥ śiśumāre dhruvo divi

128.20

yadahnā kurute pāpaṃ taṃ dṛṣṭvā niśi muñcati || śiśumāraśarīrasthā yāvatyastārakāstu tāḥ

128.21

varṣāṇi dṛṣṭvā jīveta tāvadevādhikāni tu || śiśumārākṛtiṃ jñātvā pravibhāgena sarvvaśaḥ

128.22

uttānapādastasyātha vijñeyaḥ sottarā hanuḥ || yajñodha
rastu vijñeyo dharmmo mūrddhānamāśritaḥ

128.23

hṛdi nārāyaṇaḥ sādhyā aśvinau pūrvvapādayoḥ || varuṇaścāryyamā caiva paścime tasya sakthinī

128.24

śiśne
saṃvatsaro jñeyo mitraścāpānamāśritaḥ || pucche'gniśca mahendraśca marīciḥ kaśyapo dhruvaḥ

128.25

eṣa tārāmayaḥ stambho nāstameti na vodayam || nakṣatracandrasūryyai
śca grahāstārāgaṇaiḥ saha

128.26

tanmukhābhimukhāḥ sarvve cakrabhūtā divi sthitāḥ || dhruveṇādhiṣṭhitāścaiva dhruvameva pradakṣiṇam

128.27

pariyānti suraśreṣṭhaṃ meḍhībhū
taṃ dhruvaṃ divi || āgrīdhrakāśyapānāntu teṣāṃ sa paramo dhruvaḥ

128.28

eka eva bhramatyeṣa merorantaramūrddhani || jyotiṣāṃ cakramādāya ākarṣaṃstamadhomukhaḥ

128.29

merumālokayanneva pratiyāti pradakṣiṇam

128.29.p1

iti śrīmātsye mahāpurāṇe bhuvanakoṣe dhruvapraśaṃsā nāma saptaviṃśatyadhikaśatatamo'dhyāyaḥ

Linked texts (7)