Pramāṇa · Search · About · API

Matsya 13

Matsya 13

Language
Sanskrit

Contents

13.1

sūta uvāca || || lokāḥ somapathā nāma yatra mārīcanandanāḥ || varttante devapitaro devā yānbhāvayantyalam

13.2

agniṣvā
ttā iti khyātā yajvāno yatra saṃsthitāḥ || acchodā nāma teṣāntu mānasī kanyakā nadī

13.3

acchodaṃ nāma ca saraḥ pitṛbhirnirmitaṃ purā
acchodā tu tapaścakre divyaṃ varṣasahasrakam

13.4

ājagmuḥ pitarastuṣṭāḥ kila dātuñca tāṃ varam || divyarūpadharāḥ sarvve divyamālyānulepanāḥ

13.5

sarvve yuvāno balinaḥ kusumāyudhasannibhāḥ || tanmadhye'māvasuṃ nāma pitaraṃ vīkṣya sā'ṅganā

13.6

vavre varārthinī saṅgaṃ kusumāyudhapīḍitā
yogādbhraṣṭā tu sā tena vyabhicāreṇa bhāminī

13.7

dharāntu nāspṛśatpūrvvaṃ papātātha bhuvatale || tithāvamāvasūryasyāmicchāṃ cakre na tāṃ prati

13.8

dhairyyeṇa tasya sā lokairamāvāsyeti viśrutā || pitṝṇāṃ vallabhā tasmāttasyāmakṣayakārakam

13.9

acchodādhomukhī dīnā lajjitā tapasaḥ kṣayāt
sā pitṝnprārthayāmāsa pure cātmaprasiddhaye

13.10

vilapyamānā pitṛbhiridamuktā tapasvinī || bhaviṣyamarthamālokya devakāryyañca te tadā

13.11

idamūcurmahābhāgāḥ prasādaśuubhayā girā || divi divyaśarīreṇa yatkiñcitkriyate budhaiḥ

13.12

tenaiva tatkarmaphalaṃ bhujyate varavarṇini || sadyaḥ
phalanti karmmāṇi devatve pretya mānuṣe

13.13

tasmāttvaṃ putritapasaḥ prāpsyase pretya tatphalam || aṣṭāviṃśe bhavitrī tvaṃ dvāpare matsyayonijā

13.14

vyatikramātpitṝṇāṃ tvaṃ kaṣṭaṃ kulamavāpsyasi || tasmādrājño vasoḥ kanyā tvamavaśyaṃ bhaviṣyasi

13.15

kanyā bhūtvā ca lokānsvānpunarāpsyasi durla
bhān || parāśarasya vīryyeṇa putramekamavāpsyasi

13.16

dvīpe tu badarīprāye bādarāyaṇamacyutam || sa vedamakaṃ bahudhā vibhajiṣyati te sutaḥ

13.17

pauravasyātmajau dvau tu samudrāṃśasya śantanoḥ || vicitravīryyastanayastathā citrāṅgado nṛpaḥ

13.18

imāvutpādya tanayau kṣetrajāvasya dhīmataḥ || prauṣṭha
padyaṣṭakārūpā pitṛloke bhaviṣyasi

13.19

nāmnā satyavatī loke pitṛloke tathāṣṭakā || āyurārogyadā nityaṃ sarvvakāmaphalapradā

13.20

bhaviṣyasi pare kāle nadīttvañca gamiṣyasi || puṇyatoyā saricchreṣṭhā loke hyacchodanāmikā

13.21

ityuktvā sa gaṇasteṣāṃ tatraivāntaradhīyata
sāpyavāpa ca tatsarvvaṃ phalaṃ yaduditaṃ purā

13.21.p1

iti śrīmātsye mahāpurāṇe pitṛvaṃśātukīrttanaṃ nāma caturddaśo'dhyāyaḥ

Linked texts (3)