Matsya 130
Matsya 130
- Language
- Sanskrit
Contents
- 130.36 — 1 part
130.1
cha
ṛṣaya ūcuḥ || || kathaṃ jagāma bhagavānpurāritvaṃ maheśvaraḥ || dadāha ca kathaṃ devastanno vistarato vada
130.2
pṛcchāmastvāṃ vayaṃ sarvve bahumā
nātpunaḥ punaḥ || tripuraṃ tadyathā durgaṃ mayamāyāvinirmmitam || devairnekeṣuṇā dagdhaṃ tathā no vada mānada
130.3
sūta uvāca || || śṛṇudhvaṃ tripuraṃ
devo yathā dāritavān bhavaḥ || mayo nāma mahāmāyo māyānāṃ janako'suraḥ
130.4
nirjitaḥ sa tu saṃgrāme tatāpa paramaṃ tapaḥ || taparūyantantu taṃ viprā
daityāvanyāvajugrahāt
130.5
tasyaiva kṛtyamuddiśya tepatuḥ paramaṃ tapaḥ || vidyunmālī ca balavāṃstārakākhyaśca vīryyavān
130.6
mayatejaḥsamākrāntau tepatu
rmayapārśvagau || lokā iva yathā mūrttāstriyaścaya ivāgnayaḥ
130.7
lokatrayaṃ tāpayantaste tepurdānavāstapaḥ || hemante jalaśayyāsu grīṣme pañcatape tathā
130.8
varṣāsu ca tathākāśe kṣapayantastanūḥ priyāḥ || sevānāḥ phalamūlāni puṣpāṇi ca jalāni ca
130.9
anyadācaritāhārāḥ paṅkenācitavalkalāḥ
magnāḥ śaivālapaṅkeṣu vimalā vimaleṣu ca
130.10
nirmāṃsāśca tato jātāḥ kṛśā dhamanisantatāḥ || teṣāṃ tapaḥprabhāvena prabhāvāvidhutaṃ yathā
130.11
niṣprabhantu jagat sarvaṃ mandamevābhibhāṣitam || dahyamāneṣu lokeṣu taistribhirdānavāgnibhiḥ
130.12
teṣāmagre jagadbandhuḥ prādurbhūtaḥ pitāmahaḥ || tataḥ
sāhasakarttāraḥ prāhuste sahasāgatam
130.13
svakaṃ pitāmahaṃ daityāstaṃ vai tuṣṭuvureva ca || atha tāndānavānbrahmā tapasā tapanaprabhān
130.14
uvāca harṣapūrṇākṣo harṣapūrṇamukhastadā || varado'haṃ hi vo vatsāstapastopita āgataḥ
130.15
vriyatāmīpsitaṃ yacca sābhilāṣaṃ taducyatām
ityevamucyamānantu pratipannaṃ pitāmaham
130.16
viśvakarmā mayaḥ prāha praharṣotphullalocanaḥ || deva daityāḥ purā devaiḥ saṃgrāme tārakāmaye
130.17
nirjitāstāḍitāścaiva hatāścāpyāyudhairapi || devairvairānubandhācca dhāvanto bhayavepitāḥ
130.18
śaraṇaṃ naiva jānīmaḥ śarmma vā śaraṇā
rthinaḥ || so'haṃ tapaḥprabhāvena tava bhaktyā tathaiva ca
130.19
icchāmi kartuṃ taddurgaṃ yaddevairapi dustaram || tasmiṃśca tripure durge matkṛte kṛtināṃ
vara
130.20
bhūmyānāṃ jalajānāñca śāpānāṃ munitejasām || devapraharaṇānāñca devānāñca prajāpate
130.21
alaṅghanīyaṃ bhavatu tripuraṃ
yadi te priyam || viśvakarmmā itīvoktaḥ sa tadā viśvakarmmaṇā
130.22
uvāca prahasanvākyaṃ mayaṃ daityagaṇādhipam || sarvvāmaratvaṃ naivāsti
asaṅghattasya dānava
130.23
tasmāddurgavidhānaṃ hi tṛṇādapi vidhīyatām || pitāmahavacaḥ śrutvā tadaivaṃ dānavo mayaḥ
130.24
prāñjaliḥ punarapyāha
brahmāṇaṃ padmasambhavam || śāmbhurekeṣuṇā durgaṃ sakṛnmuktena nirddahet
130.25
samaṃ sa saṃyuge hanyādavadhyaṃ śeṣato bhavet || evamastviti cāpyuktvā mayaṃ devaḥ
pitāmahaḥ
130.26
svapne labdho yathārtho vai tatraivādarśanaṃ yayau || gate pitāmahe daityā gatā mayaśaviprabhāḥ
130.27
varadānādvirejaste tapasā ca
mahāvalāḥ|| sa mayastu mahābuddhirdānavo vṛṣasattamaḥ
130.28
durgaṃ vyavasthitaḥ karttumiti cācintayattadā || kathaṃ nāma bhaveddurgaṃ tanmayā tripuraṃ kṛtam
130.29
vatsyate tatpuraṃ divyaṃ matto nānyairna saṃśayaḥ || yathā caikeṣuṇā tena tatpuraṃ na hi hanyate
130.30
devaistathā vidhātavyaṃ mayā mativicāraṇam
vistāro yojanaśatamaikaikasya purasya tu
130.31
kāryyasteṣāñca viṣkambhaścaikaikaśatayojanam || puṣyayogena nirmāṇaṃ purāñca bhaviṣyati
130.32
puṣyayogena ca divi sameṣyanti parasparam || puṣyayogena yuktāni yastānyāsādayiṣyati
130.33
purāṇyekaprahāreṇa śatāni nihaniṣyati || āyasantu
kṣititale rājatantu nabhastale
130.34
rājatasyopariṣṭāttu sauvarṇaṃ bhavitā puram || evaṃ tribhiḥ purairyuktaṃ tripuraṃ tadbhaviṣyati || śatayojanaviṣkambhaira
ntaraistaddurāsadam
130.35
aṭṭālakairyantraśatāgnibhiśca sacakraśūlopalakampanaiśca || dvārairmahāmandaramerukalpaiḥ prākāraśṛṅgaiḥ suvirājamānam
130.36
satāra
kākhyena mayena guptaṃ khasthañca guptaṃ taḍimālināpi || ko nāma hantuṃ tripuraṃ samarthoṃ muktvā trinetraṃ bhagavantamekam
130.36.p1
iti śrīmātsye mahā purāṇe tripuropākhyāne ekonatriṃśadadhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit