Matsya 131
Matsya 131
- Language
- Sanskrit
Contents
- 131.28 — 1 part
131.1
sūta uvāca || || iti cintya mayo daityo divyopāyaprabhāvajam || cakāra
tripuraṃ durgaṃ manaḥsañcāracāritam
131.3
prākāro'nena mārgeṇa iha cāmutra gopuram || iha cāṭṭālakadvāramiha cāṭṭālagopuram ||2||rājamārga itaścāpi vipulo
bhavatāmiti || rathyoparathyāḥ sadṛśā iha catvara eva ca
131.4
idamantaḥpurasthānaṃ rudrāyatanamatra ca || savaṭāni taḍāgāni hyatra vāpyaḥ sarāṃsi
ca
131.5
ārāmāśca sabhāścātra udyānānyatra vā tathā || upanirgamo dānavānāṃ bhavatyatra manoharaḥ
131.6
ityevaṃ mānasaṃ tatrākalpayat purakalpavit
mayena tatpuraṃ sṛṣṭaṃ tripurantviti naḥ śrutam
131.7
kārṣṇāyasamaya yattu mayena vihitaṃ puram || tārakākhyo'dhipastatra kṛtasthānādhipo'vasat
131.8
yattu pūrṇendusaṅkāśaṃ rājataṃ nirmitaṃ puram || vidyunmālī prabhustatra vidyunmālī tvivāmbudaḥ
131.9
suvarṇādhikṛtaṃ yacca mayena vihitaṃ puram
svayameva mayastatra gatastadadhipaḥ prabhuḥ
131.10
tārakasya puraṃ tatra śatayojanamantaram || vidyunmālipurañcāpi śatayojanake'ntare
131.11
meruparvvatasaṅkāśaṃ mayasyāpi puraṃ mahat || puṣyasaṃyogamātreṇa kālena sa mayaḥ purā
131.12
kṛtavāṃstripuraṃ daityastrinetraḥ puṣpakaṃ yathā || yena yena mayo
yāti prakurvvāṇaḥ puraṃ purāt
131.13
praśastāstatra tatraiva vāruṇyāmālyāḥ svayam || rukmarūpyāyasānāñca śataśo'tha sahasraśaḥ
131.14
ratnācitāni
śobhante purāṇyamaravidviṣām || prāsādaśatajuṣṭāni kūṭāgārotkaṭāni ca
131.15
sarvveṣāṃ kāmagāni syuḥ sarvvalokātigāni ca || sodyānavāpīkū
pāni sapadmasaravanti ca
131.16
aśokavanabhūtāni kokilārutavanti ca || citraśālāviśālāni catuḥśālottamāni ca
131.17
saptāṣṭadaśabhaumāni
satkṛtāni mayena ca || bahudhvajapatākāni sragdāmālaṅkṛtāni ca
131.18
kiṅkiṇījālaśabdāni gandhavanti mahānti ca || susaṃyuktopaliptāni puṣpanaive
dyavanti ca
131.19
yajñadhūmrāndhakārāṇi sampūrṇakalaśāni ca || gaganāvaraṇābhāni haṃsapaṅktinibhāni ca
131.20
paṅkīkṛtāni rājante gṛhāṇi tripure
pure || muktākalāpailambadbhirhasantīva śaśiśriyam
131.21
mallikāmañjarīpuṣpairgandhadhūpādhivāsitaiḥ || pañcendriyasukhairnityaṃ samaiḥ satpuruṣairiva
131.22
hemarajatalohādyamaṇiratnānanāṅkitāḥ || prākārāstripure tasmin giriprākārasannibhāḥ
131.23
ekaikasminpure tasmingopurāṇāṃ śataṃ śatam || sapa
tākādhvajavatīrhīkṣyante giriśṛṅgavat
131.24
nūpurārāvaramyāṇi tripure tatpurāṇyapi || svargātiriktaśrīkāṇi tatra kanyāpurāṇi ca
131.25
ārāmaiśca vihāraiśca taḍāgavaṭacatvaraiḥ || sarobhiśca saridbhiśca vanaiścopavanairapi
131.26
divyabhogopabhogāni nānāratnayutāni ca || puṣpotkaraiśca subhagā
stripurasyopanirgamāḥ || parikhāśatagambhīrāḥ kṛtā māyānivāraṇaiḥ
131.27
niśamya taddurgavidhānamuttamaṃ kṛtaṃ mayenādbhutavīryyakarmmaṇā
diteḥ sutā daivatarājavairiṇaḥ sahasraśaḥ prāpuranantavikramāḥ
131.28
tadā'surairdarpitavairimarddanairjanārddanaiḥ śailakarīndrasannibhaiḥ || babhūva pūrṇaṃ tripuraṃ tathā
purā yathāmbaraṃ bhūrijalairjalapradaiḥ
131.28.p1
iti śrīmātsye mahāpurāṇe tripuropākhyāne triṃśadadhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit