Matsya 132
Matsya 132
- Language
- Sanskrit
Contents
- 132.50 — 1 part
132.1
cha
sūta uvāca || || nirmmite tripure durge mayenāsuraśilpinā || taddurgaṃ durgatāṃ prāptaṃ baddhavairaiḥ surāsuraiḥ
132.2
sakalatrāḥ saputrāśca śastravanto'ntakopamāḥ
mayādiṣṭāni viviśurgṛhāṇi hṛṣitāśca te
132.3
siṃhā vanamivāneke makarā iva sāgaram || roṣaiścaivātipāruṣyaiḥ śarīramiva saṃhataiḥ
132.4
tadvrvvali
bhiradhyastaṃ tatpuraṃ devatāribhiḥ || tripuraṃ saṅkulaṃ jātaṃ daityakoṭiśatākulam
132.5
sutalādapi niṣpatya pātālāddānavālayāt || upatasthuḥ payodābhā
ye ca giryyupajīvinaḥ
132.6
yo yaṃ prārthayate kāmaṃ samprāptastripurāśrayāt || tasya tasya mayastatra māyayā vidadhāti saḥ
132.9
sacandreṣu ca doṣeṣu sāmbujeṣu
saraḥsu ca|| ārāmeṣu sacūteṣu tapodhanavaneṣu ca||7||svaṅgāścandanadigdhāṅgā mātaṅgāḥ samadā iva||mṛṣṭābharaṇavastrāśca mṛṣṭasraganulepanāḥ||8||priyābhiḥ priyakāmā
bhirhāvabhāvaprasūtibhiḥ| nārībhiḥ satataṃ remurmuditāścaiva dānavāḥ
132.10
mayena nirmite sthāne modamānā mahāsurāḥ| arthe dharmme ca kāme ca nidadhuste matīḥ svayam
132.11
teṣāṃ tripurayuktānāṃ tripure tridaśāriṇām || vrajati sma sukhaṃ kālaḥ svargasthānāṃ yathā tathā
132.12
śuśrūṣante pitṝnputrā patnyaścāpi patīṃstathā
visuktakalahāścāpi prītayaḥ pracurābhavan
132.13
nādharmmastripurasthānāṃ bādhate vīryyavānapi || arcayanto diteḥ putrāstripurāyatane haram
132.14
puṇyāhaśabdānuccairurāśīrvādāṃśca vedagān || svanannūpurakhānimnān veṇuvīṇāravānapi
132.15
hāsaśca varanārīṇāṃ cittavyākulakārakaḥ || tripure
dānavendrāṇāṃ ramatāṃ śrūyate sadā
132.16
teṣāmarcayatāṃ devān brāhmaṇāṃśca namasyatām || dharmmārthakāmatantrāṇāṃ mahān kālo'bhyavarttata
132.17
athālakṣmīrasūyā ca tṛḍbubhukṣe tathaiva ca || kaliñca kalahaścaiva tripuraṃ viviśuḥ saha
132.18
sandhyākālaṃ praviṣṭāste tripurañca bhayāvahāḥ || sama
dhyāsuḥ samaṃ ghorāḥ śarīrāṇi yathā''mayāḥ
132.19
sarvva ete viśantastu mayena tripurāntaram || svapne bhayāvahā dṛṣṭā āviśantastu dānavān
132.20
udite ca sahasrāṃśau śubhabhāsākare ravau || mayaḥ sabhāmāviveśa bhāskarābhyāmivāmbudaḥ
132.21
merukūṭanibhe ramye āsane svarṇamaṇḍite || āsīnāḥ
kāñcanagireḥ śṛṅge toyamuco yathā
132.22
pārśvayostārakāruyaśca vidyunmālī ca dānavaḥ || upaviṣṭau mayasyānte hastinaḥ kalabhāviva
132.23
tataḥ surārayaḥ sarvve'śeṣakopā raṇājire || upaviṣṭā dṛḍhaṃ viddhā dānavā devaśatravaḥ
132.24
teṣvāsīneṣu sarvveṣu sukhāsanagateṣu ca || mayo
māyāvijanaka ityuvāca sa dānavān
132.25
khecarāḥ khecarārāvā bho bho dākṣāyaṇīsutāḥ || niśāmayadhvaṃ svapno'yaṃ mayā dṛṣṭo bhayāvahaḥ
132.26
catasraḥ pramadāstatra trayo marttyā bhayāvahāḥ || kopānalā dīptamukhāḥ praviṣṭāstripurārddinaḥ
132.27
praviśya ruṣitāste ca purāṇayatulavikramāḥ || pravi
ṣṭāsmaccharīrāṇi bhūtvā bahuśarīriṇaḥ
132.28
nagaraṃ tripurañcedaṃ tamasā samavasthitam || sagṛhaṃ saha yuṣmābhiḥ sāgarāmbhasi majjitam
132.29
ulūkaṃ rucirā nārī nagnā rūḍhā kharaṃ tathā || puruṣaḥ sindutilakaścaturaṅgistrilocanaḥ
132.30
yena sā pramadā nunnā ahañcaiva vibodhitaḥ
īdṛśī pramadā dṛṣṭā mayā cātibhayāvahā
132.31
eṣa īdṛśikaḥ svapno dṛṣṭo vai ditinandanāḥ || dṛṣṭaḥ kathaṃ hi kaṣṭāya asurāṇāṃ bhaviṣyati
132.32
yadi vo'haṃ kṣamo rājā yadidaṃ vettha ceddhitam || nibodhadhvaṃ sumanaso na cāsūyitumarhatha
132.33
kāmañceṣyañca kopañca asūyāṃ saṃvihāya ca || satye
dame ca dharmme ca munivāde ca tiṣṭhata
132.34
śāntayaśca prayujyantāṃ pūjyatāñca maheśvaraḥ || yadi nāmāsya svapnasya hyevañcopaśamo bhavet
132.35
kupyate no dhruvaṃ rudro devadevastrilocanaḥ || bhaviṣyāṇi ca dṛśyante yato nastripure'surāḥ
132.36
kalahaṃ varjayantaśca arjayantastathārjavam || svapnodayaṃ
pratīkṣadhvaṃ kālodayamathāpi ca
132.37
śrutvā dākṣāyaṇīputrā ityevaṃ mayabhāṣitam || krodherṣyāvivrvaśayā yuktā dṛśyante ca vināśagāḥ
132.38
vināśamupapaśyanto hyalakṣmyādhyāpitāsurāḥ || tatraiva dṛṣṭvā te'nyonyaṃ saṃkrodhāpūritekṣaṇāḥ
132.39
atha daivaparidhvastā dānavāstripurālayāḥ || hitvā
satyañca dharmmañca akāryāṇyapi cakramuḥ
132.40
dviṣanti brāhmaṇān puṇyān na cārccanti hi devatāḥ || gurūñcaiva na manyante hyanyonyañcāpi cukrudhuḥ
132.41
kalaheṣu ca sajjante svadharmmeṣu hasanti ca || parasparañca nindanti ahamityeva vādinaḥ
132.42
uccairgurūnprabhāṣante nābhibhāṣanti pūjitāḥ || aka
smātsāśrunayanā jāyante ca samutsukāḥ
132.43
dadhisaktūnpayaścaiva kapitthāni ca rātriṣu || bhakṣayanti ca śeranta ucchiṣṭāḥ saṃvṛtāstathā
132.44
mūtraṃ kṛtvopaspṛśanti cākṛtvā pādadhāvanam || saṃviśanti ca śayyāsu śaucācāravivarjjitāḥ
132.45
saṅkucanti bhayāccaiva mārjārāṇāṃ yathākhukaḥ
bhāryyā gatvā na śudhyanti rahovṛtttiṣu niṣkṛpāḥ
132.46
purā suśīlā bhūtvā ca duḥśīlatvamupāgatāḥ || devāṃstapodhanāṃścaiva bādhante tripurālayāḥ
132.47
mayena vāryyamāṇāpi te vināśamupasthitāḥ || vipriyāṇyeva viprāṇāṃ kurvvāṇāḥ kalahaiṣiṇaḥ
132.48
vaibhrājaṃ nandanañcaiva tathā caitrarathaṃ vanam
aśokañca varāśokaṃ sarvvarttukamathāpi ca
132.49
svargañca devatāvāsaṃ pūrvvadevavaśānugāḥ || vidhvaṃsayanti saṃkruddhāstapodhanavanāni ca
132.50
vidhva
stadevayātanāśramañca sambhagnadevadvijapūjakantu || jagadbhūvāmarājaduṣṭairabhidrutaṃ sasyamivālivṛndaiḥ
132.50.p1
iti śrīmatsye mahāpurāṇe tripuropākhyāne duḥsvapnadarśanaṃ nāmaikātriṃśadadhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit