Matsya 133
Matsya 133
- Language
- Sanskrit
Contents
- 133.28-2 — 1 part
133.1
cha || || sūta uvāca || aśīleṣu praduṣṭeṣu dānaveṣu durātmasu || lokeṣūtsāyamāneṣu tapodhana
vaneṣu ca
133.2
siṃhanāde vyomagānāṃ teṣu bhīteṣu jantuṣu || trailokye bhayasaṃmūḍhe tamo'ndhatvamupāgate
133.3
ādityā vasavaḥ sādhyāḥ pitaro marutāṃ gaṇāḥ
bhītāḥ śaraṇamājagmurbrahmāṇaṃ prapitāmaham
133.4
te taṃ svarṇotpalāsīnaṃ brahmāṇaṃ samupāgatāḥ || neśurucuśca sahitāḥ pañcāsyaṃ caturānanam
133.5
varaguptāstvayaive
ha dānavāstripurālayāḥ || bādhante smānyathā preṣyānanuśādhi tato'nagha
133.6
meghāgame yathā haṃsā mṛgāḥ siṃhabhayādiva || dānavānāṃ bhayāt tadvadbhramāma
prapitāmaha
133.7
putrāṇāṃ nāmadheyāni kalatrāṇāṃ tathaiva ca || dānavairbhrāmyamāṇānāṃ vismṛtāni tato'nagha
133.8
devaveimaprabhaṅgāśca āśramabhraṃśanāni ca
dānavairlobhamohāndhaiḥ kriyante ca bhramanti ca
133.9
yadi na trāyase lokaṃ dānavairvidrutaṃ drutam || dharṣaṇenena nirdevaṃ nirmanuṣyāśramaṃ jagat
133.10
ityevaṃ tridaśairuktaḥ padmayoniḥ pitāmahaḥ || pratyāha tridaśānsendrānindusulyānanaḥ prabhuḥ
133.11
mayasya yo varo datto mayā matimatāṃ varāḥ
tasyānta epa samprāpto yaḥ purokto mayā surāḥ
133.12
tacca teṣāmadhiṣṭhānaṃ tripuraṃ tridaśarṣabhāḥ || ekeṣupātamokṣeṇa hantavyaṃ neṣuvṛṣṭibhiḥ
133.13
bhavatāñca na paśyāmi kamapyatra surarṣabhāḥ || yastu caikaprahāreṇa puraṃ hanyātsadānavam
133.14
tripuraṃ nālpavīryeṇa śakyaṃ hantuṃ śareṇa tu || ekaṃ
muktvā mahādevaṃ maheśānaṃ prajāpatim
133.15
te yūyaṃ yadi anye ca ṛtuvidhvaṃsakaṃ haram || yācāmaḥ sahitā devaṃ tripuraṃ sa haniṣyati
133.16
kṛtaḥ purāṇāṃ viṣkambho yojanānāṃ śataṃ śatam || yathā caikaprahāreṇa hanyate vai bhavena tu || puṣyayogena yuktāni tāni caikakṣaṇena tu
133.17
tato devaiśca samprokto yāsyāma iti duḥkhitaiḥ || pitāmahaśca taiḥ sārddhaṃ bhavasaṃsadamāgataḥ
133.18
taṃ bhavaṃ bhūtabhavyeśaṃ giriśaṃ śūlapāṇinam
paśyanti comayā sārddhaṃ nandinā ca mahātmanā
133.19
agnivarṇamajaṃ devamagnikuṇḍanibhekṣaṇam || agnyādityasahasrābhamagnivarṇavibhūṣitam
133.20
candrāvayavalakṣmāṇaṃ candrasaumyatarānanam || āgamya tamajaṃ devamatha taṃ nīlalohitam
133.21
stuvanto varadaṃ śambhuṃ gopatiṃ pārvvatīpatim
133.22
devā ūcuḥ || || namo bhavāya śarvvāya rudrāya varadāya ca || paśūnāṃ pataye nityamugrāya ca kapardine
133.23
mahādevāya bhīmāya tryambakāya ca
śāntaye || īśānāya bhayaghnāya namastvandhakaghātine
133.24
nīlagrīvāya bhīmāya vedhase vedhasā stute || kumāraśatrunighnāya kumārajanakāya ca
133.25
vilohitāya dhūmrāya varāya krathanāya ca || nityaṃ nīlaśikhaṇḍāya śūline divyaśāyine
133.26
uragāya trinetrāya hiraṇyavasurettase || acintyāyāmbi
kābhartre sarvvadevastutāya ca
133.27
vṛṣadhvajāya muṇḍāya jaṭine brahmacāriṇe || tapyamānāya salile brahmaṇvāyājitāya ca
133.28
viśvātmane viśva
sṛje viśvamāvṛtya tiṣṭhate || namo'stu divyarūpāya prabhave divyaśambhave
133.28-2
abhigamyāya kāmyāya stutyāyārcyoya sarvvadā || bhaktānukampine
nityaṃ diśate yanmanogatam
133.28-2.p1
iti śrīmātsye mahāpurāṇe tripuradāhe brahmādisarvvadevakṛtamaheśvarasta vo nāma dvātriṃśadadhikaśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Critical edition (BORI) — Sanskrit
- Varāhapurāṇa — Vyāsa, Sanskrit