Matsya 135
Matsya 135
- Language
- Sanskrit
Contents
- 135.33 — 1 part
135.1
cha|| || sūta uvāca || || pūjyamāne rathe tasmin lokairdevai rathe
sthite || pramatheṣu nadatsūgraṃ pravadatsu ca sādhviti
135.2
īśvarasvaraghoṣeṇa nardamāne mahāvṛṣe || jayatsu vipreṣu tathā garjatsu turageṣu ca
135.3
raṇāṅga
ṇāt samutpatya devarṣirnāradaḥ prabhuḥ || kāntyā candropamastūrṇaṃ tripuraṃ puramāgataḥ
135.4
autpātikantu daityānāṃ tripure varttate dhruvam || nāradaścātra
bhagavān prādurbhūtastapodhanaḥ
135.5
āgataṃ jaladābhāsaṃ sametāḥ sarvvadānavāḥ || uttasthurnāradaṃ dṛṣṭvā abhivādanavādinaḥ
135.6
tamarghyeṇa ca pādyena
madhuparkeṇa ceśvarāḥ || nāradaṃ pūjayāmāsurbrahmāṇamiva vāsavaḥ
135.7
teṣāṃ sa pūjāṃ pūjārhaḥ pratigṛhya tapodhanaḥ || nāradaḥ sukhamāsīnaḥ kāñcane paramāsane
135.8
mayastu sukhamāsīne nārade nāradodbhave || yathārhaṃ dānavaiḥ sārddhamāsīno dānavādhipaḥ
135.11
āsīnaṃ nāradaṃ prekṣya mayastvatha mahāsuraḥ || abra
vīdvacanaṃ tuṣṭo hṛṣṭaromānanekṣaṇaḥ||9||autpātikaṃ puresmākaṃ yathā nānyatra kutracit||varttate varttamānajña vada tvaṃ hi ca nārada ||10||dṛśyante bhayadāḥ svapnā
bhajyante ca dhvajāḥ param || vinā ca vāyunā ketuḥ patate ca tathā bhuvi
135.12
aṭṭālakāśca nṛtyante sapatākāḥ sagopurāḥ || hiṃsahiṃseti śrūyante
giraśca bhayadāḥ pure
135.13
nāhaṃ bibhemi devānāṃ sendrāṇāmapi nārada || muktvaikaṃ varadaṃ sthāṇuṃ bhaktābhayaṃkaraṃ haram
135.14
bhagavan nāstyaviditamu
tpāteṣu tavānagha || anāgatamatītaṃñca bhavān jānāti tattvataḥ
135.15
tadetanno bhayasthānamutpātābhiniveditam || kathayasva muniśreṣṭha prapannasya tu
nārada
135.16
ityukto nāradastana mayenāmayavarjitaḥ
135.17
nārada uvāca || || śṛṇu dānava tattvena bhavantyautpātikā yathā || dharmmoti
dhāraṇe dhāturmāhātmye caiva paṭhyate || dhāraṇācca mahattvena dharmma eṣa nirucyate
135.18
sa iṣṭaprāpako dharmma ācāryyerupadiśyate || itaraścāniṣṭaphala
ācāryyairnopadiśyate
135.19
utpathānmārgamāgacchedvimārgāccaiva vimārgatām || vināśastasya nirddeśya iti vedavido viduḥ
135.20
sa svadharmme
rathārūḍhaḥ sahaibhirmattadānavaiḥ || apakāriṣu devānāṃ kuruṣe tvaṃ sahāyatām
135.21
tadetānyevamādīni utpātāveditāni ca || vaināśikāni
dṛśyante dānavānāṃ tathaiva ca
135.22
eṣa rudraḥ samāsthāya mahālokamayaṃ ratham || āyāti tripuraṃ hantuṃ maya tvāmasurānapi
135.23
sa tvaṃ mahau
jasaṃ nityaṃ prapadyasva maheśvaram || yāsyase saha putreṇa dānavaiḥ saha mānada
135.24
ityevamāvedya bhayaṃ dānavopasthitaṃ mahat || dānavānāṃ punardaivo
devejñāpadamāgataḥ
135.25
nārade tu munau yāte mayo dānavanāyakaḥ || śūrasammatamityevaṃ dānavānāha dānavaḥ
135.26
śūrāḥ stha jātaputrāḥ stha kṛta
kṛtyāḥ stha dānavāḥ || yudhyadhvaṃ daivataiḥ sārddhaṃ karttavyañcāpi no bhayam
135.27
jitvā vayaṃ bhaviṣyāma sarvveḍamarasabhāsadaḥ || devāṃśca sendrakānhatvā
lokānbhokṣyāmahe'surāḥ
135.28
aṭṭālakeṣu ca tathā tiṣṭhadhvaṃ śastrapāṇayaḥ || daṃśitā yuddhasajjāśca tiṣṭhadhvaṃ prodyatāyudhāḥ
135.29
purāṇi trīṇi
caitāni yathāsthāneṣu dānavāḥ || tiṣṭhadhvaṃ laṅghanīyāni bhaviṣyanti purāṇi ca
135.30
nabhogatāstathā śūrā devatā viditā hi vaḥ || tāḥ prayatnena
vāryyāśca vidāryyāścaiva sāyakaiḥ
135.31
iti danutanayānmayastathoktvā suragaṇavāraṇavāraṇe vacāṃsi || yuvatijanaviṣaṇṇamānasaṃ tantripurapuraṃ
sahasā viveśa rājā
135.32
atha rajataviśuddhabhāvabhāvo bhavamabhipūjya digambaraṃ sugīrbhiḥ || śaraṇamupajagāma devadevaṃ madanāyryandhakayajñadeha
ghātam
135.33
mayamabhayapadeṣiṇaṃ prapannaṃ na kila bubodha tṛtīyadīptanetraḥ || tadabhimatamadāttataḥ śaśāṅko sa ca kila nirbhaya eva dānavo'bhūt
135.33.p1
iti śrīmatsye mahāpurāṇe tripuradāhe nāradagamanaṃ nāma catustriṃśadadhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit