Matsya 138
Matsya 138
- Language
- Sanskrit
Contents
- 138.36 — 1 part
138.1
cha || || sūta uvāca || || pramathaiḥ samare bhinnāstripurāste surārayaḥ || puraṃ praviviśubhītāḥ pramathairbhagnagopuram
138.2
śīrṇadaṃṣṭrā
yathā nāgā bhagnaśṛṅgā yathā vṛṣāḥ || yathā vipakṣāḥ śakunā nadyaḥ kṣīṇodakā yathā
138.3
mṛtaprāyāstathā daityā devatairvikṛtānanāḥ || vabhūvuste
vimanasaḥ kathaṃ kāryyamiti bruvan
138.4
atha tānmlānamanasastadā tāmarasānanaḥ || uvāca daityo daityānāṃ paramādhipatirmayaḥ
138.5
kṛtvā yuddhāni
ghorāṇi pramathaiḥ saha sāmaraiḥ || toṣayitvā tathā yuddhe pramathānamaraiḥ saha
138.6
yūyaṃ yatprathamaṃ daityāḥ paścācca balapīḍitāḥ || praviṣṭā nagaraṃ trāsātma
mathairbhṛśamarditāḥ
138.7
apriyaṃ kriyate vyaktaṃ devairnāstyatra saṃśayaḥ || yatra nāma mahābhāgāḥ praviśanti girervanam
138.8
aho hi kālasya balamaho
kālo hi durjayaḥ || yatredṛśasya durgasya uparodho'yamāgataḥ
138.9
maye vivadamāne tu nardamāna ivāmbude || babhūvurniṣprabhā daityā grahā indūdaye
yathā
138.10
vāpīpālāstato'bhyetya nabhaḥkāla ivāmbudāḥ || mayamāhuryamaprakhyaṃ sāñjalipragrahāḥ sthitāḥ
138.11
yā sāmṛtarasā gūḍhā vāpī
vai nirmitā tvayā || samākulotpalavanā samīnākulapaṅkajā
138.12
pītā sā vṛṣarūpeṇa kenaciddaityanāyaka || vāpī sā sāmprataṃ dṛṣṭā'
mṛtasaṃjñā ivāṅganā
138.13
vāpīpālavacaḥ śrutvā mayo'sau dānavaprabhuḥ || kaṣṭamityasakṛtprocya ditijānidamabravīt
138.14
mayā māyāvalakṛtā
vāpī pītā tviyaṃ yadi || vinaṣṭāḥ sma na sandehastripuraṃ dānavā gatam
138.15
nihatānnihatāndaityānājīvayati daivataiḥ || pītā vā yadi vā vāpī
pītā vai pītavāsasā
138.16
ko'nyo manmāyayā guptāṃ vāpīmamṛtatoyinīm || pāsyate viṣṇumajitaṃ varjayitvā gadādharam
138.17
suguhyamapi daityānāṃ
nāstyasyāviditaṃ bhuvi || yatra maṅkarakauśalyaṃ vijñātaṃ na vṛtaṃ budhaiḥ
138.18
samo'yaṃ ruciro deśo nirdrumo nidrumācalaḥ || labhemandūrataḥ kṛtvā
bādhante'smāngaṇāmarāḥ
138.19
te yūyaṃ yadi manyadhvaṃ sāgaroparidhiṣṭhitāḥ || pramathānāṃ mahāvegaṃ sahāmaḥ śvasanopamam
138.21
eteṣāñca samārambhā
stasmin sāgarasaṃplave || nirutsāhā bhaviṣyanti etadrathapathāvṛtāḥ||20||yudhyatāṃ nighnatāṃ śatrūn bhītānāñca draviṣyatām || sāgaro'mbarasaṅkāśaḥ śaraṇaṃ
no bhaviṣyati
138.22
ityuktvā sa mayo daityo daityānāmadhipastadā || tripureṇa yayau tūrṇa sāgaraṃ sindhubāndhavam
138.23
sāgare jalagambhīre utpapāta
puraṃ varam || avatasthuḥ purāṇyeṣa gopurābharaṇāni ca
138.24
apakrānte tu tripure tripurāristrilocanaḥ || pitāmahamuvācedaṃ vedavādaviśāradam
138.25
pitāmaha dṛḍhaṃ bhītā bhagavan dānavā hi naḥ || vipulaṃ sāgaraṃ te tu dānavāḥ samupāśritāḥ
138.26
yata eva hi te yātāstripureṇa tu dānavāḥ
tata eva rathaṃ tūrṇa prāpayasva pitāmaha
138.27
siṃhanādaṃ tataḥ kṛtvā devā devarathañca tam || parivārya yayurhṛṣṭāḥ sāyudhāḥ paścimodadhim
138.28
tato'marāmaraguruṃ parivārya bhavaṃ haram || nardayanto yayustūrṇaṃ sāgaraṃ dānavālayam
138.29
atha cārupatākabhūṣitaṃ paṭahāḍambaraśaṅkhanāditam
tripuramabhisamīkṣya devatā vividhabalā nanadurgrathā ghanāḥ
138.30
asuravarapure'pi dāruṇo jaladhararāvamṛdaṅgagahvaraḥ || danutanayaninādamiśritaḥ pratinidhi
saṃkṣubhitārṇavopamaḥ
138.31
atha bhuvanapatirgatiḥ surāṇāmarimṛgayāmmadadāt sulandhabuddhiḥ || tridaśagaṇapatirmuvāca śakraṃ tripuragataṃ sahasā nirīkṣya
śatrum
138.32
tridaśagaṇapate niśāmayaitat tripuraniketanaṃ dānavāḥ praviṣṭāḥ || yamavaruṇakuveraṣaṇmukhaistat saha gaṇapairapi hanmi tāvadeva
138.33
vihitaparabalābhighātabhūtaṃ vraja jaladhestu yataḥ purāṇi tasthuḥ || sa rathavaragato bhavaḥ samartho hyudadhigagātripuraṃ punarniṃghantum
138.34
iti parigaṇaya
nto diteḥ sutā hyavatasthurlavaṇārṇavopariṣṭāt || abhibhavatripuraṃ sadānavendraṃ śaravarṣairmusalaiśca vajramiśraiḥ
138.35
ahamapi rathavaryyamāsthitaḥ suravara
varye bhaveya pṛṣṭhataḥ || asuravaravadhārthamudyatānāṃ pratividadhāmi sukhāya te'nagha
138.36
iti bhavavacanapracodito daśaśata nayanavapuḥ samudyataḥ || tripura
purajighāṃsayā hariḥ pravikasitāmbujalocano yayau
138.36.p1
iti śrīmātsye mahāpurāṇe tripurākramaṇaṃ nāma saptatriṃśadadhikaśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Brahmapurāṇa — Vyāsa, Sanskrit