Matsya 139
Matsya 139
- Language
- Sanskrit
Contents
- 139.57 — 1 part
139.1
cha || || sūta uvāca || madhavā tu nihantuṃ tānasurānamareśvaraḥ || lokapālā yayuḥ sarvve gaṇapālāśca sarvvaśaḥ
139.3
īśvarā moditāḥ sarvve utpre
tuścāmbare tadā || khagatāstu virejaste pakṣavanta ivācalāḥ||2||prayayustatpuraṃ hantuṃ śarīramiva vyādhayaḥ || śaṅkhāḍambaranirghoṣaiḥ paṇavānpaṭahānāpi || nāda
yantaḥ puro devā dṛṣṭāstripuravāsibhiḥ
139.4
haraḥ prāpta itīvoktvā balinaste mahāsurāḥ || ājagmuḥ paramaṃ kṣobhamatyayeṣviva sāgarāḥ
139.5
suratūryyakhe śrutvā
dānavā bhīmadarśanāḥ || ninedurvādayantaśca nānāvādyānyanekaśaḥ
139.6
bhūyodīritavīryyāste parasparakṛtāgasaḥ|| pūrvvadevāśca devāśca sūdayantaḥ parasparam
139.7
ākrośo'pi samagrakhye teṣāṃ dehinikṛntanam || pravṛttaṃ yuddhamatulaṃ prahārakṛtaniḥsvanam
139.8
niṣpatanta ivādityāḥ prajvalanta ivāgnayaḥ
śaṃsanta iva nāgendrā bhramanta eva pakṣiṇaḥ || girīndrā iva kampanto garjanta iva toyadāḥ
139.9
jṛmbhanta iva śārdūlāḥ pravānta iva vāyavaḥ || pravṛddho
rmpitaraṅgoghāḥ kṣubhyanta iva sāgarāḥ
139.10
pramathāśca mahāśūrā dānavāśca mahābalāḥ || yuyudhurniśścalā bhūtvā vajrā iva mahācalaiḥ
139.11
kārmukāṇāṃ vikṛṣṭānāṃ babhūvurdāruṇā ravāḥ || kālānugānāṃ meghānāṃ yathā viyati vāyunā
139.12
āhuśca yuddhe mā bhaiṣīḥ kva yāsyasi mṛto hyasi
praharāśu sthito'smyatra ehi darśaya pauruṣam
139.13
gṛhāṇa chindhi bhindhīti khāda māraya dāraya || ityanyo'nyamanūccāryya prayayuryamasādanam
139.14
khaṅgāpavarjitāḥ kecitkecicchinnāḥ paraśvadhaiḥ || kecinmudgaracūrṇāśca kecidbāhubhirāhatāḥ
139.15
paṭṭiśaiḥ sūditāḥ kecitkecicchūlavidāritāḥ
dānavāḥ śarapuṣpābhāḥ savanā iva parvvatāḥ || nipatantyarṇavajale bhīmanakrātimiṅgile
139.16
vyasubhiḥ sunivaddhāṅgaiḥ patamānaiḥ suretaraiḥ || sambabhūvārṇave
śabdaḥ sajalāmbudanisvanaḥ
139.17
tena śabdena makarā nakrāstimitimiścilāḥ || mattā lohitagandhena kṣobhayanto mahārṇavam
139.18
paraspareṇa
kalahaṃ kurvvāṇā bhīmamūrtayaḥ || bhramante bhakṣayantaśca dānavānāñca lohitam
139.19
sarathānsāyudhānsāśvānsavastrābharaṇāvṛtān || jayamustisamayo daityā
ndrāvayanto jalecarān
139.20
mṛdhaṃ yathāsurāṇāñca pramathānāṃ pravarttate || ambare'mbhasi ca tathā yuddhaṃ cakrurjalecarāḥ
139.21
yathā bhramanti pramathāḥ
sadaityāstathā bhramante timayaḥ sanakrāḥ || yathaiva chindanti parasparantu tathaiva krandanti vibhinnadehāḥ
139.22
vraṇānanai raṅgarasaṃ sravadbhiḥ surāsurairnakra
timiṅgi laiśca || kṛto muhūrttena samudradeśaḥ saraktatoyaḥ samudīrṇatoyaḥ
139.23
pūrvvaṃ mahāmbhodharaparvvatābhaṃ dvāraṃ mahāntaṃ tripurasya śakraḥ || nipīḍya
tasthau mahatā balena yukto'marāṇāṃ mahatā balena
139.24
tathottaraṃ so'ntarajo harasya bālārkajāmbūnadatulyavarṇaḥ || skandaḥ puradvāramathāruroha
vṛddho'staśṛṅgaṃ prapatannivārkaḥ
139.25
yamaśca vittādhipatiśca devo daṇḍānvitaḥ pāśavarāyudhaśca || devārigrastasya purasya dvāraṃ tābhyāntu
tatpaścimato niruddham
139.26
dakṣārirudrastapanāyutābhaḥ sa bhāsvatā devarathena devaḥ || taddakṣiṇadvāramareḥ purasya ruddhāvatasthau bhagavāṃstrinetraḥ
139.27
tuṅgāni veśmāni sagopurāṇi svarṇāni kailāsaśaśiprabhāṇi || prahlādarūpāḥ pramathāvaruddhā jyotīṃṣi meghā iva cāptavarṣāḥ
139.28
utpāṭya
cotpāṭya gṛhāṇi teṣāṃ saśailamālāsamavedikāni || prakṣipya prakṣipya samudramadhye kālāmbudābhāḥ pramathā vineduḥ
139.29
raktāni cāśeṣavanairyutāni
sāśokakhaṇḍāni sakokilāni || gṛhāṇi he nātha pitaḥ suteti bhrāteti kānteti priyeti cāpi || utpāṭyamāneṣu gṛheṣu nāyaistvanāyyaiśśabdānvividhā
npracakruḥ
139.30
kalatraputrakṣayaprāṇanāśe tasminpure yuddhamatipravṛtte || mahāsurāḥ sāgaratulyavegā gaṇeśvarāḥ kopavṛtāḥ pratīyuḥ
139.31
paraśvadhaistatra śilopalaiśca triśūlavajrottamakampaneśca || śarīrasaṅkhakṣapaṇaṃ sughoraṃ yuddhaṃ pravṛttaṃ dṛḍhavairabaddham
139.32
anyonyamuddiśya vimardaitāśca pradhāva
tāñcaiva vinighnatāñca || śabdo babhūvāmaradānavānāṃ yugāntakāleṣviva sāgarāntaḥ
139.33
vraṇairajasraṃ kṣatajaṃ vamantaḥ kopoparaktā bahudhā nadantaḥ || gaṇe
śvarāste'surapuṅgavāśca yudhyanti śabdaśca mahantvanante
139.34
mārgāḥ pure lohitakarddamālāḥ svarṇaiṣṭakāsphāṭikabhinnacitrāḥ || kṛtā muhūrtena sukhena
gantuṃ chinnottamāṅgāṅghrikarāḥ karālāḥ
139.35
kopāvṛtākṣaḥ sa tu tārakākhyaḥ saṃkhye savṛkṣaḥ sagirirnilīnaḥ || tasminkṣaṇe dvāravaraṃ rirakṣo ruddhaṃ
bhavenādbhutavikrameṇa
139.36
sa tatra prākāragatāṃśca bhūtāñchātmanmahānadbhutavīryyasattvaḥ || cacāra cātendriyagarvvahaptaḥ purādviniṣkramya rarāsa ghoram
139.37
tataḥ sa daityottamaparvvatābho yathā'sā nāga ivābhimattaḥ || nivārito rudraraṃthaṃ jighṛkṣuryathārṇavaḥ sarpati cātivelaḥ
139.38
śeṣaḥ sudhanvā
giriśaśca devaśrcaturmukho yaḥ sa trilocanaśca || te tārakākhyābhigatā gatāṇau kṣobhaṃ yathā vāyuvaśātsamudrāḥ
139.39
śeṣo girīśaḥ sapitāmaheśrvo
tkṣubhyamāṇaḥ sa rathe'mbarasthaḥ || vibheda sandhiṣu balābhiṣannaḥ kūjanninādāṃśca karoti ghorān
139.40
ekantu ṛgvedaturaṅgamasya pṛṣṭhe padaṃ nyasya vṛṣasya
caikam || tasthau bhavaḥ sodyatabāṇacāpaḥ purasya tatsaṅgamamīkṣamāṇaḥ
139.41
tadā bhavapadanyāsāddvayasya vṛṣabhasya ca || petuḥ stanāśca dantāśca pīḍitābhyāṃ
triśūlinā
139.42
tataḥprabhṛti cāśvānāṃ stanā dantā gavāṃ tathā || gūḍhāḥ samabhavaṃstena cādṛśyatvamupāgatāḥ
139.43
tārakākhyastu bhīmākṣo
raudraraktāntarekṣaṇaḥ || rudrāntike susaṃruddho nandinā kulanndinā
139.44
paraśvadhena tīkṣṇena sa nandī dānaveśvaram || takṣayāmāsa vai takṣā candanaṃ gandhado
yathā
139.45
paraśvadhahataḥ śūraḥ śailādiḥ śarabho yathā || dudrāva khaṅgaṃ niṣkṛṣya tārakākhyo gaṇeśvaram
139.46
yajñopavītamādāya ciccheda
ca nanāda ca || tataḥ siṃharavo ghoraḥ śaṅkhaśabdaśca bhairavaḥ || gaṇeśvaraiḥ kṛtastatra tārakākhye niṣpīḍite
139.47
pramathārasitaṃ śrutvā vāditrasvanameva ca
pārśvasthaḥ sumahāpārśvaṃ vidyunmāli mayo'bravīt
139.48
bahuvadanavatāṃ kimeṣa śabdo nadatāṃ śrūyate bhinnasāgarabhaḥ || vada vacanaṃ taḍimālinkiṃ kime
tadgaṇapālā yuyudhuryyugajendrāḥ
139.49
itiṃ mayavacanāṅkuśādditastaṃ taḍimālī ravirivāṃgśumālī || raṇaśirasi samāgataḥ surāṇāṃ nijagādedamarindamo'
tiharṣyāt
139.50
yamavaruṇamahendrarudravīryyastava yaśaso nidhirdhīra tārakākhyaḥ || sakalasamaraśīrṣaparvvatendro yuddhā yastapati hi tārako gaṇendraiḥ
139.51
mṛditamupani Shamya tārakākhyaṃ ravidīptānalabhīṣaṇāyatākṣam || hṛṣitasakalanetralomasattvāḥ pramathāstoyamuco yathā nadanti
139.52
iti suhṛdo vacanaṃ niśamya tattvaṃ taḍimāleḥ sa mayassuvarṇamālī || raṇaśirasyasitāñjanācalābho jagade vākyamidaṃ navendumālim
139.53
vidyu
nmālinna naḥ kālaḥ sādhituṃ hyavahelayā || karomi vikrameṇaitatpuraṃ vyasanavarjitam
139.54
vidyunmālī tataḥ kruddho mayaśca tripureśvaraḥ || gaṇāṃścanustu
drāghiṣṭhāḥ sahitāstairmahāsuraiḥ
139.55
yena yena tato vidyunmālī yāti mayaśca saḥ || tena tena puraṃ śūnyaṃ pramathaiḥ prahataiḥ kṛtam
139.56
atha yamava
ruṇamṛdaṅgaghoṣaiḥ paṇavaḍiṇḍimajyāsravanapraghoṣaiḥ || sakaratalapuṭaiśca siṃhanādairbhavamabhipūjya surāvatasthuḥ
139.57
sampūjyamāno ditijairmahātmabhiḥ saha
sraraśmipratimaujasairvibhuḥ || abhiṣṭutaḥ satyarataistapodhanairyathāstaśṛṅgābhigato divākaraḥ
139.57.p1
iti śrīmatsye mahāpurāṇe tripuradāhe tārakākhya vadho nāmāṣṭātriṃśadadhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit