Matsya 14

Language: Sanskrit

14.43 — 1 part

14.1

sūta
uvāca || || vibhrājā nāma cānye tu divi santi suvarcasaḥ || lokā barhiṣado yatra pitaraḥ santi suvratāḥ

14.2

yatra barhiṇayuktāni
vimānāni sahasraśaḥ || saṅkalpyā barhiṣo yatra tiṣṭhanti phaladāyinaḥ

14.3

yatrābhyudayaśālāsu modante śrāddhadāyinaḥ || yāṃśca devāsuragaṇā
gandharvvāpsarasāṃ gaṇāḥ

14.4

yakṣarakṣogaṇāścaiva yajanti divi devatāḥ || pulastyaputrāḥ śataśastapoyogasamanvitāḥ

14.5

mahātmāno mahābhāgā
bhaktānāmabhayapradāḥ || eteṣāṃ pīvarī kanyā mānasī divi viśrutā

14.6

yoginī yogamātā ca tapaścakre sudāruṇam || prasanno bhagavāṃ
stasyā varaṃ vavre tu sā hareḥ

14.7

yogavantaṃ surūpañca bharttāraṃ vijitendriyam || dehi deva prasannastvaṃ patiṃ me vadatāṃ varam

14.8

uvāca devo
bhavitā vyāsaputro yadā śukaḥ || bhavitā tasya bhāryyā tvaṃ yogācāryyasya suvrate

14.9

bhaviṣyati ca te kanyā kṛtvī nāma ca yoginī || pāñcālā
dhipaterdeyā mānuṣasya tvayā tadā

14.10

jananī brahmadattasya yogasiddhā ca gauḥ smṛtā || kṛṣṇo gauraḥ prabhuḥ śambhurbhaviṣyanti ca te sutāḥ

14.11

mahātmāno mahābhāgā gamiṣyanti paraṃ padam || tānutpādya punaryoġātsavarā mokṣameṣyasi

14.12

sumūrttimantaḥ pitaro vasiṣṭhasya sutāḥ smṛtāḥ
nāmnā tu mānasāḥ sarvve sarvve te dharmmamūrttayaḥ

14.13

jyotirbhāsiṣu lokeṣu ye vasanti divaḥ param || virājamānāḥ krīḍanti yatra te śrāddhadāyinaḥ

14.14

sarvvakāmasamṛddheṣu vimāneṣvapi pādajāḥ || kiṃ punaḥ śrāddhadā viprā bhaktimantaḥ kriyānvitāḥ

14.15

gaurnāma kanyā yeṣāntu mānasī divi rājate
śukrasya dayitā patnī sādhyānāṃ kīrttivarddhinī

14.16

marīcigarbhā nāmnā tu lokā mārttaṇḍamaṇḍale || pitaro yatra tiṣṭhanti haviṣmaṃto'ṅgiraḥ
sutāḥ

14.17

tīrthaśrāddhapradā yānti ye ca kṣatriyasattamāḥ || rājñāntu pitaraste vai svargamokṣaphalapradāḥ

14.18

eteṣāṃ mānasī kanyā yaśodā lo
kaviśrutā || patnī hyaṃśumataḥ śreṣṭhā snuṣā pañcajanasya ca

14.19

jananyatha dilīpasya bhagīrathapitāmahī || lokā kāmadughā nāma kāmabhogaphalapra
dāḥ

14.20

susvadhā nāma pitaro yatra tiṣṭhanti suvratāḥ || ājyapā nāma lokeṣu karddamasya prajāpateḥ

14.21

pulahāṅġajadāyādā vaiśyāstā
nbhāvayanti ca || yatra śrāddhakṛtaḥ sarvve paśyanti yugapadgatāḥ

14.22

mātṛbhrātṛpitṛsvasṛsakhisambandhibāndhavān || api janmāyutairdṛṣṭānanubhūtā
nsahasraśaḥ

14.23

eteṣāṃ mānasī kanyā virajā nāma viśrutā || yā patnī nahuṣasyāsīdyayāterjananī tathā

14.24

ekāṣṭakābhavatpaścādbra
hmaloke gatā satī || traya ete gaṇāḥ proktāścaturthentu vadāmyataḥ

14.25

lokāstu mānasā nāma brahmāṇḍopari saṃsthitāḥ || yeṣāntu mānasī kanyā
narmmadā nāma viśrutā

14.26

somapā nāma pitaro yatra tiṣṭhanti śāśvatāḥ || dharmmamūrttidharāḥ sarvve parato brahmaṇaḥ smṛtāḥ

14.27

utpannāḥ svadhayā te tu
brahmatvaṃ prāpya yoginaḥ || kṛtvā sṛṣṭyādikaṃ sarvvaṃ mānase sāmprataṃ sthitāḥ

14.28

narmmadā nāma teṣāntu kanyā toyavahā sarit || bhūtāni yā pāvayati
dakṣiṇāpathagāminī

14.29

tebhyaḥ sarvve tu manavaḥ prajāḥ sargeṣu nirmitāḥ || jñātvā śrāddhāni kurvvanti dharmmābhāve'pi sarvvadā

14.30

tebhya eva punaḥ prāsuṃ
prasādādyogasantātim || pitṛṇāmādisarge tu śrāddhameva vinirmitam

sarveṣāṃ rajataṃ pātramathavā rajatānvitam || dattaṃ svadhā purodhāya pitṝnprīṇāti sarva
dā||31||agnīṣomayamamānāntu kāryyamāpyāyanaṃ budhaiḥ || addhyabhāve'pi viprasya pāṇāvapi jale'thavā||32||ajākarṇe'śvakarṇe vā goṣṭhe vā salilāntike
pitṝṇāmambaraṃ sthānaṃ dakṣiṇā dik praśasyate

Linked texts (5)

Matsyapurāṇa — Vyāsa, Sanskrit
Padmapurāṇa — Vyāsa, Sanskrit
Viṣṇupurāṇa (critical edition) — Sanskrit
Śrāddhakaumudī — Govindānanda 1500, Sanskrit
Vaikhānasasmārtasūtra (तिरुमलतिरुपतिदेवस्थानम्, 1997) — Sanskrit

Matsya 14

Contents

Linked texts (5)