Matsya 148
Matsya 148
- Language
- Sanskrit
Contents
- 148.29 — 1 part
148.1
varāṅgyuvāca || || trāsitāsmyapaviddhāsmi tāḍitā pīḍitāpi ca || raudreṇa devarājena naṣṭanātheva bhūriśaḥ
148.2
duḥkhapāramapaśyantī prāṇāṃstyaktuṃ vyavasthitā || putraṃ me tārakaṃ dehi duḥkhaśokamahārṇavāt
148.3
evamuktaḥ sa daityendraḥ kopavyākulalocanaḥ
śakto'pi devarājasya pratikartuṃ mahāsuraḥ
148.4
tapaḥ kartuṃ punardaityo vyavasyeta mahābalaḥ || jñātvā tu tasya saṅkalpaṃ brahmā krūrataraṃ punaḥ
148.5
ājagāma tadā tatra yatrāsau ditinandanaḥ || uvāca tasmai bhagavānprabhurmadhurayā girā
148.6
brahmovāca || || kimarthaṃ putra bhūyastvaṃ niyamaṃ krūramicchasi
āhārābhimukho daitya tanno brūhi mahāvrata
148.7
yāvadabdasahasreṇa nirāhārasya yatphalam || kṣaṇenaikena tallabhyaṃ tyakttvāhārādupasthitam
148.8
tyāgo hyaprāptakāmānāṃ kāmebhyo na tathā guruḥ || yathā prāptaṃ parityajya kāmaṃ kamalocana
148.9
śrutvaitadbrahmaṇo vākyaṃ daityaḥ prāñjalirabravīt
cintayaṃstapasā yukto hṛdi brahma mukheritam
148.10
vajrāṅga uvāca || || utthitena mayā dṛṣṭā samādhānāttadāṅgayā || mahiṣī bhīṣitā dīnā rudatī
śākhinastale
148.11
sā mayoktā tu tanvaṅgī dūyamānena cetasā || kimevaṃ varttase bhīru vada tvaṃ kiṃ cikīrṣasi
148.12
ityuktā sā mayā deva
provāca skhalitākṣaram || vākyaṃ vācaspate bhītā tanvaṅgī hetusaṃhitam
148.13
varāṅgyuvāca || || trāsitāsmyapaviddhāsmi karpitā pīḍitāsmi
ca || raudreṇa devarājena naṣṭanātheva bhūriśaḥ
148.14
duḥkhasyāntamapaśyantī prāṇāṃstyaktuṃ vyavasthitā || putraṃ me tārakaṃ dehi hyasmādduḥkhamahārṇavāt
148.15
evamuktastu saṃkṣubdhastasyāḥ putrārthamudyataḥ || tapo ghoraṃ kariṣyāmi jayāya tridivaukasām
148.16
etacchrutvā vaco devaḥ padmagarbhaidbhavastadā || uvāca
daityarājānaṃ prasannaścaturānanaḥ
148.17
brahmovāca || || alaṃ te tapasā vatsa mā kleśe dustare viśa || putraste tārako nāma bhaviṣyati mahābalaḥ
148.18
devasīmantinīnāntu dhammillasya vimokṣaṇaḥ || ityukto daityanāthastu praṇipatya pitāmaham
148.19
āgatyānandayāmāsa mahiṣīṃ harṣitānanaḥ || tau
dampatī kṛtārthau tu jagmatuḥ svāśramaṃ mudā
148.20
vajrāṅgeṇāhitaṃ garbhaṃ varāṅgī varavarṇinī || pūrṇaṃ varṣasahasrañca dadhārodara eva hi
148.21
tato varṣe
sahasrānte varāṅgī suṣuve sutam || jāyamāne tu daityendre tasmiṃllokabhayaṅkare
148.22
cacāla sakalā pṛthvo samudrāśca cakampire || celurmahīdharāḥ
sarvve vavurvātāśca bhīṣaṇāḥ
148.23
jepurjapyaṃ munivarā nedurvyālamṛgā api || candrasūryyau jahuḥ kānti sanīhārā diśo'bhavan
148.24
jāte mahā
sure tasmin sarvve cāpi mahāsurāḥ || ājagmurharṣitāstatra tathā cāsurayoṣitaḥ
148.25
jagurharṣasamāviṣṭā nanṛtuścāsurāṅganāḥ || tato mahotsavo
jāto dānavānāṃ dvijottamāḥ
148.26
viṣaṇṇamanaso devāḥ samahendrāstadābhavan || varāṅgī svasutaṃ dṛṣṭvā harṣeṇāpūritā tadā
148.27
bahu mene na
devendravijayantu tadaiva sā || jātamātrastu daityendrastārakaścaṇḍavikramaḥ
148.28
abhiṣikto'suraiḥ sarvvaiḥ kujambhamahiṣādibhiḥ || sarvvāsuramahārājye
pṛthivīcalanakṣamaiḥ
148.29
sa tu prāpya mahārājyaṃ tārako munisattamāḥ || uvāca dānavaśreṣṭhān yuktiyuktamidaṃ vacaḥ
148.29.p1
iti śrīmatsye mahāpurāṇe tārakāsuropākhyāne tārakotpattirnāma saptacatvāriṃśadadhikaśatatamo'dhyāyaḥ
Linked texts (8)
- Matsyapurāṇa — Vyāsa, Sanskrit
- Skandamahāpurāṇa (vulgate) — Sanskrit
- Padmapurāṇa — Vyāsa, Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Vaiṣṇavakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit