Matsya 152
Matsya 152
- Language
- Sanskrit
Contents
- 152.36 — 1 part
152.1
sūta uvāca || || taṃ
dṛṣṭvā dānavāḥ kruddhāścairuḥ svairūdhairbalairvṛtāḥ || saraghā iva mākṣīkaharaṇe sarvvato diśam
152.2
kṛṣṇacāmarajālānye sudhāviracitāṅgare || citrapañcapatāke
tu prabhinnakaraṭāmukhe
152.3
parvatābhe gaje bhīme madasrāviṇi durddhare || āruhyājau nimirdaityo hariṃ pratyudyayau balī
152.4
tasyāsandānavā raudrā
gajasya padarakṣiṇaḥ || saptaviṃśatisāhasrāḥ kirīṭakavacojjvalāḥ
152.5
aśvārūḍhaśca mathano jambhakaścoṣṭravāhanaḥ || śumbho'pi vipulaṃ meṣaṃ samāruhyābraja
draṇam
152.6
apare dānavendrāstu yattā nānāstrapāṇayaḥ || ājaghnuḥ samare kruddhā viṣṇumakliṣṭakāriṇam
152.7
parigheṇa nimirdaityo mathano mugareṇa tu
śumbhaḥ śūlena tīkṣṇena prāsena grasanastathā
152.8
cakreṇa mahiṣaḥ kruddho jambhaḥ śaktyā mahāraṇe || jaghnurnārāyaṇaṃ sarvve śeṣāstīkṣṇaiśca mārgaṇaiḥ
152.9
tānyastrāṇi prayuktāni śarīraṃ viviśurhareḥ || gurūktānyupadiṣṭāni sacchiṣyasya śrutāviva
152.11
asambhrānto raṇe viṣṇuratha jagrāha kārmukam
śarāṃścāśīviṣākārāṃstailadhautānajihmagān||10||tato'bhisandhya daityāstānākarṇākṛṣṭakārmukaḥ|| abhyadravadraṇe kruddho daityānīke tu pauruṣāt
152.12
nimirvvivyādha viṃśatyā bāṇānāmagnivarcasām || mathanaṃ daśabhirbāṇaiḥ śumbhaṃ pañcabhireva ca
152.13
ekena mahiṣaṃ kruddho vivyādhorasi patriṇā || jambhaṃ
dvādaśabhistīkṣṇaiḥ sarvvāṃścaikaikaśo'ṣṭabhiḥ
152.14
tasya tallāghavaṃ dṛṣṭvā dānavāḥ krodhamūrcchitāḥ|| nardamānāḥ prayatnena cakruratyadbhutaṃ raṇam
152.15
cicchedātha dhanurviṣṇornimirbhallena dānavaḥ || sandhyamānaṃ śaraṃ haste ciccheda mahiṣāsuraḥ
152.16
pīḍayāmāsa garuḍaṃ jambhastīkṣṇaistu sāyakaiḥ
bhujaṃ tasyāhanadgāḍhaṃ śumbho bhūdharasannibhaḥ
152.17
chinne dhanuṣi govindo gadāṃ jagrāha bhīṣaṇām || tāṃ prāhiṇot sa vegena mathanāya mahāhave
152.18
tāmaprāptāṃ nimirbāṇaiściccheda tilaśo raṇe || tāṃ nāśamāgatāṃ dṛṣṭvā hīnāgre prārthanābhiva
152.19
jagrāha mudgaraṃ ghoraṃ divyaralaparaṣkṛtam || taṃ
mumocātha vegena nimimuddiśya dānavam
152.20
tamāyāntaṃ viyatyeva trayo daityā nyavārayan || gadayā jambhadaityastu grasanaḥ paṭṭiśena tu
152.21
śaktyā ca mahiṣo daityaḥ svapakṣajayakāṅkṣayā || nirākṛtaṃ tamālokya durjane praṇayaṃ yathā
152.22
jagrāha śaktimugrāyāmaṣṭaghaṇṭoṭkaṭasvanām
jambhāya tāṃ samuddiśya prāhiṇodraṇabhīṣaṇaḥ
152.23
tāmambarasthāṃ jagrāha gajo dānavanandanaḥ || gṛhītāṃ tāṃ samālokya śikṣāmiva vivekibhiḥ
152.24
dṛḍhaṃ bhārasahaṃ sāramanyadādāya kārmukam || raudrāstramabhisandhāya tasmin bāṇaṃ sumoca ha
152.25
tato'stratejasā sarvvaṃ vyāptaṃ lokaṃ carācaram
tato bāṇamayaṃ sarvvamākāśaṃ samadṛśyata
152.26
bhūrdiśo vidiśaścaiva bāṇajālamayā babhuḥ || dṛṣṭvā tadastramāhātmyaṃ senānīrgrasano'suraḥ
152.27
brāhmamastraṃ cakārāsau sarvvāstravinivāraṇam || tena tat praśamaṃ yātaṃ raudrāstraṃ lokaghasmaram
152.28
astre pratihate tasmin viṣṇurdānavasūdanaḥ
kāladaṇḍāstramakarot sarvvalokabhayaṅkaram
152.29
sandhīyamāne tasmiṃstu mārutaḥ paruṣo vavau || cakampe ca mahī devī daityā bhinnadhiyo'bhavan
152.30
tadastramugraṃ dṛṣṭvā tu dānavā yuddhadurmadāḥ || cakrurastrāṇi divyāni nānārūpāṇi saṃyuge
152.31
nārāyaṇāstraṃ grasano gṛhītvā cakraṃ nimiḥ svāstravaraṃ
sumoca || aiṣīkamastrañca cakāra jambhastatkāladaṇḍāstranivāraṇāya
152.32
yāvanna sandhānadaśāṃ prayānti daityeśvarāścāstranivāraṇāya || tāvatkṣaṇenaiva
jaghāna koṭīrdaityeśvarāṇāṃ sagajānsahāśvān
152.33
anantaraṃ śāntamabhūttadastraṃ daityāstrayogena tu kāladaṇḍam || śāntaṃ tadālokya hariḥ svaśastraṃ
svavikrame manyuparītattiḥ
152.34
jagrāha cakraṃ tapanāyutābhamugrāramātmānamiva dvitīyam || cikṣepa senāpataye'bhisandhya kaṇṭhasthalaṃ vajrakaṭhoramugram
152.35
cakraṃ tadākāśagataṃ vilokya sarvvātmanā daityavarāḥ svavīryyaiḥ || nāśaknuvannivārayituṃ pracaṇḍaṃ daivaṃ yathā karmma sudhā prapannam
152.36
tamapratarkyaṃ janayannajayyaṃ cakraṃ papāta grasanasya kaṇṭhe || dvidhā tu kṛtvā grasanasya kaṇṭhaṃ tadraktadhārāruṇaghoranābhi || jagāma bhūyo'pi janārdanasya
pāṇiṃ pravṛddhānalatulyadīpti
152.36.p1
iti śrīmatsye mahāpurāṇe devāsurasaṃgrāme grasanavadho nāmaikapañcāśadadhikaśatatamo'dhyāyaḥ
Linked texts (7)
- Matsyapurāṇa — Vyāsa, Sanskrit
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Vaiṣṇavakhaṇḍa — Sanskrit