Matsya 153
Matsya 153
- Language
- Sanskrit
Contents
- 153.36 — 1 part
153.1
cha
sūta uvāca || || tasminvinihate daitye grasane lokanāyake || nirmaryādamayudhyanta hariṇā saha dānavāḥ
153.2
paṭṭiśairmudgalaiḥ
pāśairgadābhiḥ kuṇapairapi || tīkṣṇānanaiśca nārācaiścakraiḥ śaktibhireva ca
153.3
tānastrāndānavairmuktāṃścitrayodhī janārdanaḥ || ekaikaṃ śataśaścakre
bāṇairagniśikhopamaiḥ
153.4
tataḥ kṣīṇāyudhaprāyā dānavā bhrāntacetasaḥ || astrāṇyādātumabhavanna samarthā yadā raṇe
153.5
tadā mṛtai
rgajaiścairjanārdanamayodhayan || samantātkoṭiśo daityāḥ sarvvataḥ pratyayodhayan
153.6
bahu kṛtvā vapurviṣṇuḥ kiñcicchrāntabhujo'bhavat || uvāca ca
garutmantaṃ tasminsutumule raṇe
153.7
garutmankaccicchrāntastvamasminnapi sāmpratam || yadyaśrānto'si tadyāhi mathanasya rathaṃ prati
153.8
śrānto'syatha muhūrttaṃ tvaṃ raṇādapasṛto bhava || ityukto garuḍastena viṣṇunā prabhaviṣṇunā
153.9
āsasāda raṇe daityaṃ mathanaṃ ghoradarśanam || daityastva
bhimukhaṃ dṛṣṭvā śaṅkhacakragadādharam
153.10
jaghāna bhindipālena śitabāṇena vakṣasi || tatprahāramacintyaiva viṣṇustasminmahāhave
153.11
jaghāna pañcabhirvāṇairmārjitaiśca śilāśitaiḥ|| punardaśabhirākṛṣṭaistaṃ tatāḍa stanāntare
153.12
viddho marmasu daityendro haribāṇairakampata || sa muhūrttaṃ
samāśrvāsya jagrāha parighaṃ tadā
153.13
jaghne janārdanaṃ cāpi parigheṇāgnivarcasā || viṣṇustena prahāreṇa kiñcidāghūrṇito'bhavat
153.14
tataḥ
krodhavivṛttākṣo gadāṃ jagrāha mādhavaḥ || mathanaṃ sarathaṃ roṣānniṣpipeṣātha roṣataḥ
153.15
sa papātātha daityendraḥ kṣayakāle'calo yathā || tasminnipatite
bhūmau dānave vīryaśālini
153.16
avasādaṃ yayurdaityāḥ karddame kariṇo yathā || tatasteṣu vipanneṣu dānaveṣvatimāniṣu
153.17
prakopādraktanayano
mahiṣo dānaveśvaraḥ || pratyudyayau hariṃ raudraḥ svabāhubalamāsthitaḥ
153.18
tīkṣṇadhāreṇa śūlena mahiṣo harimardayan || śaktyā ca garuḍaṃ
vīro mahiṣo'bhyahanaddhṛdi
153.19
tato vyāvṛttya vadanaṃ mahācalaguhānibham || grastumaicchadraṇe daityaḥ sa garutmantamacyutam
153.20
athācyuto'pi vijñāya dānavasya cikīrṣitam || vadanaṃ pūrayāmāsa divyairastrairmahābalaḥ
153.21
mahiṣasyātha sasṛje bāṇaughaṃ garuḍadhvajaḥ
pidhāya vadanaṃ divyairdivyāstraparimantritaiḥ
153.22
sa tairbāṇairabhihato mahiṣo'calasannibhaḥ || parivarttitakāyo'dhaḥ papāta na mamāra ca
153.23
mahiṣaṃ patitaṃ dṛṣṭvā bhūmau provāca keśavaḥ || mahiṣāsura mattastvaṃ vadhaṃ nābhirihārhasi
153.24
yoṣidvadhyaḥ purokto'si sākṣātkamalayo
ninā || uttiṣṭha jīvitaṃ rakṣa gacchāsmātsaṅgarādrutam
153.25
tasminparāṅmukhe daitye mahiṣe śumbhadānavaḥ || sandaṣṭauṣṭhapuṭaḥ kopādbhrū
kuṭīkuṭilānanaḥ
153.26
nirmathya pāṇinā pāṇiṃ dhanurūādāya bhairavam || sajyaṃ cakāra sa dhanuḥ śarāṃścāśīviṣopamān
153.27
sa
citrayodhī dṛḍhamuṣṭipātastatastu viṣṇuṃ garuḍañca daityaḥ || bāṇairjvaladvahniśikhānikāśaiḥ kṣitairasaṃkhyaiḥ parighātahīnaiḥ
153.28
viṣṇuśca daitye
ndraśarāhato'pi bhuśuṇḍimādāya kṛtāntatulyām || tayā bhuśuṇḍyā ca pipeṣa meṣaṃ śumbhasya patraṃ dharaṇīdharābham
153.29
tasmādavaplutya hatācca
meṣādbhūmau padātiḥ sa tu daityanāthaḥ || tato mahīsthasya hariḥ śaraughānmumoca kālānalatulyabhāsaḥ
153.30
śaraistribhistasya bhujaṃ bibheda
ṣaḍbhiśca śīrṣaṃ daśabhiśca ketum || viṣṇurvikṛṣṭaiḥ śravaṇāvasānaṃ daityasya vivyādha vivṛttanetraḥ
153.31
sa tena viddho vyathito babhūva daityeśvaro visruta
śoṇitaughaḥ || tato'sya kiñciccalitasya dhairyāduvāca śaṅkhāmbujaśāṅgaṃrpāṇiḥ
153.32
kumāravidhyo'si raṇaṃ vimuñca śumbhāsura svalpatarairahobhiḥ
vadhaṃ na matto'rhasi ceha mūḍha vṛthaiva kiṃ yuddhasamutsuko'si
153.33
jambho vaco viṣṇumukhānniśamya nimiśca niṣpeṣṭumiyeṣa viṣṇum || gadāmathodyamya
nimiḥ pracaṇḍāṃ jaghāna gāḍhaṃ garuḍaṃ śirastaḥ
153.34
śumbho'pi viṣṇuṃ parigheṇa mūrdhni prabhṛṣṭaratnaughavicitrabhāsā || tau dānavābhyāṃ viṣamaḥ prahārairni
petururvyāṃ ghanapāvakābhau
153.35
tatkarmma dṛṣṭvā ditijāstu sarvve jagarjuruccaiḥ kṛtasiṃhanādāḥ || dhanūṃṣi cāsphoṭya khurābhighātairvyadārayanbhūmi
mapi pracaṇḍāḥ || vāsāṃsi caivādudhuvuḥ pare tu dadhmuśca śaṅkhānakagomukhaughān
153.36
atha saṃjñāmavāpyāśu garuḍo'pi sakeśavaḥ || parāṅmukho raṇā
ttasmātpalāyata mahājavaḥ
153.36.p1
iti śrīmātsye mahāpurāṇe devāsurasaṃgrāme mathanādisaṃgrāmo nāma dvipañcāśadadhikaśatatamo'dhyāyaḥ
Linked texts (7)
- Matsyapurāṇa — Vyāsa, Sanskrit
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Vaiṣṇavakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit