Matsya 156
Matsya 156
- Language
- Sanskrit
Contents
- 156.34 — 1 part
156.1
cha|| || śarvva uvāca || || śarīre mama tanvaṅgi site bhāsyasi
tadyutiḥ|| bhujaṅgīvāsitā śuddhā saṃśliṣṭā candane tarau
156.2
candrātapena sampṛktā rucirāmbarayā tathā|| rajanīvāsite pakṣe dṛṣṭidoṣaṃ dadāsi me
156.3
ityuktā
girijā tena muktakaṇṭhā pinākinā || uvāca koparaktākṣī bhrukuṭīkuṭilānanā
156.4
devyuvāca || || svakṛtena janaḥ sarvvo jāḍyena paribhūyate || avaśya
marthādāpnoti khaṇḍanaṃ śaśīmaṇḍana
156.5
tapobhirdīrghacaritairyyaśca prārthitavatyaham || tasyā me niyatastveṣa hyavamānaḥ pade pade
156.6
naivāsmi kuṭilā
śarvva viṣamā naiva dhūrjaṭe || saviṣastvaṃ gataḥ khyātiṃ vyaktaṃ doṣākarāśrayāt
156.7
nāhaṃ pūṣṇo'pi daśanā netre cāsmi bhagasya hi || ādityaśca
vijānāti bhagavāñdvādaśātmakaḥ
156.8
mūrdhni śūlaṃ janayasi svairdoṣairmāmadhikṣipan || yastvaṃ māmāha kṛṣṇeti mahākāleti viśrutaḥ
156.9
yāsyāmyahaṃ
parityaktvā cātmānaṃ tapasā girim|| jīvantyā nāsti me kṛtyaṃ dhūrtena paribhūtayā
156.10
niśamya tasyā vacanaṃ kopatīkṣṇākṣaraṃ bhavaḥ||upācādhikasambhrāntaḥ
praṇayenendumaulinā
156.11
śarvva uvāca || || agātmajāsi girrije nāhaṃ nindāparastava || tvadbhaktibuddhyā kṛtavāṃstavāhaṃ nāmasaṃśrayam
156.13
vikalpaḥ
svasthacitte'pi girije naiva kalpanā|| yadyevaṃ kupitā bhīru tvaṃ tvāhaṃ na vai punaḥ||12||narmmavādī bhaviṣyāmi jahi kopaṃ śucismite || śirasā praṇataścāhaṃ
racitaste mayāñjaliḥ
156.14
snehenāpyavamānena ninditenaiti vikriyām || tasmānna jātu ruṣṭasya narmmaspṛṣṭo janaḥ kila
156.15
anekaiścāṭubhirde
vī devena pratibodhitā || kopaṃ tīvraṃ na tatyāja satī marmaṇi ghaṭṭitā
156.16
avaṣṭabhyamathāsphālya vāsaḥ śaṅkarapāṇinā || viparyyastālakā vegādyā
tumaicchata śailajā
156.17
tasyā vrajantyāḥ kopena punarāha purāntakaḥ || satyaṃ sarvvairavayavaiḥ sutāsi sadṛśī pituḥ
156.18
himācalasya śṛṅgaistai
rmeghajālākulairnabhaḥ || tathā duravagāhebhyo hṛdayebhyastavāśayaḥ
156.19
kāṭhinyāṅgastvamarumabhyaṃ vanebhyo bahudhā gatā || kuṭilatvañca vartmabhyo duḥse
vyatvaṃ himādapi || saṃkrānti sarvvadaiveti tanvaṅgi himaśailarāṭ
156.20
ityuktā sā punaḥ prāha giriśaṃ śailajā tadā || kopakampitamūrddhā ca prasphura
ddaśanacchadā
156.21
umovāca || || mā sarvvāndoṣadānena nindānyānguṇino janān || tavāpi duṣṭasamparkātsaṃkrātaṃ sarvvameva hi
156.22
vyālebhyo'dhikajihmatvaṃ bhasmanā snehabandhanam || hṛtkāluṣyaṃ śaśāṅkāttu durvbodhitvaṃ vṛṣādapi
156.23
tathā bahu kimuktena alaṃ vācā śrameṇa te
śmaśānavāsātrirbhīstvaṃ nagnatvānna tava trapā
156.24
nirguṇatvaṃ kapālitvādadyā te vigatā ciram || ityuktvā mandirāttasmānnirjagāma himādrijā
156.25
tasyāṃ vrajantyāṃ deveśagaṇaiḥ kilakilo dhvaniḥ || kva mātargacchasi tyaktvā rudanto dhāvitāḥ punaḥ
156.26
viṣṭabhya caraṇau devyā vīrako
bāṣpagadgadam || provāca mātaḥ kintvetatkva yāsi kupitāntarā
156.27
ahaṃ tvāmanuyāsyāmi vrajantīṃ snehavarjitām || no cet patiṣye śikharā
ttaponiṣṭhe tvayojjhitaḥ
156.28
utnāmya vadanaṃ devī dakṣiṇena tu pāṇinā || uvāca vīrakaṃ mātā śokaṃ putraka mā kṛthāḥ
156.29
śailāgrātpatituṃ
naiva na cāgantuṃ mayā saha || yuktaṃ te putra vakṣyāmi yena kāryyeṇa tacchṛṇu
156.30
kṛṣṇetyuktvā hareṇāhaṃ ninditā cāpyaninditā || sāhaṃ tapaḥ kari
ṣyāmi yena gaurītvamāpnuyām
156.31
eṣa strīlampaṭo devo yātāyāṃ mayyanantaram || dvārarakṣā tvayā kāryā nityaṃ randhrānvevekṣiṇā
156.32
yathā
na kācitpraviśedyoṣidatra harāntikam || dṛṣṭvā parastriyaścātra vadethā mama putraka
156.33
śīghrameva kariṣyāmi yathāyuktamanantaram || evamastviti
devīṃ sa vīrakaḥ prāha sāmpratam
156.34
māturājñāmṛtāhlādaplāvitāṅgo gatajvaraḥ || jagāma kakṣyāṃ sandraṣṭuṃ praṇipatya ca mātaram
156.34.p1
iti śrīmatsye mahāpurāṇe kumārasambhave devyāstapo'nugamanaṃ nāma pañcapañcāśadadhikaśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Vaiṣṇavakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit