Matsya 157
Matsya 157
- Language
- Sanskrit
Contents
- 157.39 — 1 part
157.1
cha || || sūta uvāca
devīṃ sāpaśyadāyāntīṃ sakhīṃ mātṛrvibhūṣitām || kusumāmodinīṃ nāma tasya śailasya devatām
157.2
sāpi dṛṣṭvā girisutāṃ snehaviklavamānasā || kva putri
gacchasītyuccairāliṅgyovāca devatā
157.3
sā cāsyai sarvvamācakhyau śaṅkarātkopakāraṇam || punaścovāca girijā devatāṃ mātṛsammatām
157.4
umovāca
nityaṃ śailādhirājasya devatā tvamanindite || sarvvataḥ sannidhānaṃ te mama cātīva vatsalā
157.5
atastu te pravakṣyāmi yadvidheyaṃ tadā dhiyā || anyastrī
sampraveśastu tvayā rakṣyaḥ prayatnataḥ
157.6
rahasyatra prayatnena cetasā satataṃ girau || pinākinaḥ praviṣṭāyāṃ vaktavyaṃ me tvayānaghe
157.7
tato'haṃ saṃvidhā
syāmi yatkṛtyaṃ tadanantaram || ityuktā sā tathetyuktvā jagāma svagiriṃ śubham
157.8
umāpi piturudyānaṃ jagāmādrisutā drutam || antarikṣaṃ samā
viśya meghamālāmiva prabhā
157.9
tato vibhūṣaṇānyasyai vṛkṣavalkaladhāriṇī || grīṣme pañcāgnisantaptā varṣāsu ca jaloṣitā
157.10
vanyāhārā nirāhārā
śuṣkā sthaṇḍilaśāyinī || evaṃ sādhayatī tatra tapasā saṃvyavasthitā
157.11
jñātvā tu tāṃ girisutāṃ daityastatrāntare balī || andhakasya suto
hṛtaḥ piturvadhamanusmaran
157.12
devānsarvvānvijityājau bakabhrātā raṇotkaṭaḥ || āḍarnīmāntaraprekṣī satataṃ candramaulinaḥ
157.13
ājagāmāmara
ripuḥ puraṃ tripuraghātinaḥ || sa tatrāgatya dadṛśe vīrakaṃ dvāryyavasthitam
157.14
vicintyāsīdvaraṃ dattaṃ sa purā padmajanmanā || hate tadandhake
daitye giriśenāmarādviṣi
157.15
āḍiścakāra vipulaṃ tapaḥ paramadāruṇam || tamāgatyābravīdbrahmā tapasā paritoṣitaḥ
157.16
kimāḍe
dānavaśreṣṭha tapasā prāptumicchasi || brahmāṇamāha daityastu nirmṛtyutvamahaṃ vṛṇe
157.17
brahmovāca || || na kaścicca vinā mṛtyuṃ naro dānava vidyate
yatastato'pi daityendra mṛtyuḥ prāpyaḥ śarīriṇā
157.18
ityukto daityasiṃhastu provācāmbujasambhavam || rūpasya parivartauṃ me yadā syātpadmasambhava
157.19
tadā mṛtyurmama bhavedandhathā tvamaro hyaham || ityuktastu tadovāca tuṣṭaḥ kamalasambhavaḥ
157.20
yadā dvitīyo rūpasya vivarttaste bhaviṣyati || tadā te
bhavitā mṛtyuranyathā na bhaviṣyati
157.21
ityukto'maratāṃ mene daityasūnurmahābalaḥ|| tasminkāle tu saṃsmṛtya tadvadhopāyamātmanaḥ
157.22
pariha
rtuṃ dṛṣṭipathaṃ vīrakasyābhavattadā || bhujaṅgarūpī randhreṇa praviveśa dṛśaḥ patham
157.23
parihṛtya gaṇeśasya dānavo'sau sudurjayaḥ || alakṣito gaṇeśena
praviṣṭo'tha purāntakam
157.24
bhujaṅgarūpaṃ santyajya babhūvātha mahāsuraḥ || umārūpī cchalayituṃ giriśaṃ mūḍhacetanaḥ
157.25
kṛtvā māyāṃ tato rūpa
mapratarkyamanoharam || sarvāvayavasaṃpūrṇaṃ sarvābhijñānasaṃvṛtam
157.26
kṛtvā mukhāntare dantāndaityo vajropamāndṛḍhān || tīkṣṇāgrānbuddhimohena giriśaṃ
hantumudyataḥ
157.27
kṛtvomārūpasaṃsthānaṃ gato daityo harāntikam || pāpo ramyākṛtiścitrabhūṣaṇāmbarabhūṣitaḥ
157.28
taṃ dṛṣṭvā giriśastuṣṭastadā
liṅgya mahāsuram || manyamāno girisutāṃ sarvvārvayavāntaraiḥ
157.29
apṛcchatsādhu te bhāvo giriputri na kṛtrimaḥ || yā tvaṃ madāśayaṃ jñātvā prāpteha
varavarṇini
157.30
tvayā virahitaṃ śūnyaṃ manyamāno jagattrayam || prāptā prasannavadanā yuktamevaṃvidhaṃ tvayi
157.31
ityukto dānavendrastu tadābhāṣatasma
yañchanaiḥ || na cābudhyadabhijñānaṃ prāyastripuraghātinaḥ
157.32
devyuvāca || || yātāsmyahaṃ tapaścartuṃ vāllabhyāya tavātulam || ratiśca tatra me nābhūttataḥ
prāptā tvadantikam
157.33
ityuktaḥ śaṅkaraḥ śaṅkāṃ kācitprāpyāvadhārayat || hṛdayena samādhāya devaḥ prahasitānanaḥ
157.34
kupitā
mayi tanvaṅgī prakṛtyā ca dṛḍhavratā || aprāptakāmā samprāptā kimetatsaṃśayo mama
157.35
iti cintya harastasyā abhijñānaṃ vidhārayan || nāpaśyadvā
mapārśve tu tadaṅge padmalakṣaṇam
157.36
lomāvarttantu racitaṃ tato devaḥ pinākadhṛk || abudhyaddānavīṃ māyāmākāraṃ gūhayaṃstataḥ
157.37
meḍhre vajrāstramādāya dānavaṃ tamasūdayat || abudhyadvīrako naiva dānavendraṃ niṣpiditam
157.38
hareṇa sūdataṃ dṛṣṭvā strīrūpaṃ dānaveśvaram || aparicchinnata
ttvārthā śailaputryai nyavedayat
157.39
dūtena mārutenāśugāminā nagadevatā || śrutvā vāyumukhāddevī krodharaktavilocanā || aśapadvīrakaṃ putraṃ hṛdayena
vidūyatā
157.39.p1
iti śrīmātsye mahāpurāṇe kumārasambhave āḍivadho nāma ṣaṭpañcāśādadhikaśatatamo'dhyāyaḥ
Linked texts (8)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Vaiṣṇavakhaṇḍa — Sanskrit