Matsya 159
Matsya 159
- Language
- Sanskrit
Contents
- 159.41 — 1 part
159.1
cha || || vīraka uvāca || || evamuktvā girisutā mātā me snehavatsalā || praveśaṃ labhate nānyā nārī
kamalalocane
159.2
ityuktā tu tadā devī cintayāmāsa cetasā || na sā nārīti daityo'sau vāyubhaiṃ yāmabhāṣata
159.3
vṛthaiva vīrakaḥ śapto mayā krodhaparī
tayā || akāryaṃ kriyate mūḍhaiḥ prāyaḥ krodhasamīritaiḥ
159.4
krodhena naśyate kīrttiḥ krodho hanti sthirāṃ śriyam || aparicchinnatattvārtho putraṃ śāpitava
tyaham || viparīttārthabuddhīnāṃ sulabho vipadodayaḥ
159.5
sañcintyaivamuvācedaṃ vīrakaṃ prati śailajā || lajjāsañjāvikāreṇa vadanenāmbujatviṣā
159.6
devyuvāca || || ahaṃ vīraka te mātā mā te'stu manaso bhramaḥ || śaṅkarasyāsmi dayitā sutā tu himabhūbhṛtaḥ
159.7
mama gātracchavibhrāntyā mā śaṅkāṃ
putra bhāvaya || tuṣṭena gauratā dattā mameyaṃ padmajanmanā
159.8
mayā śapto'syavidite vṛttānte daityanirmite || jñātvā nārīpraveśantu śaṅkare rahasi
sthite
159.9
na nivarttayituṃ śakyaḥ śāpaḥ kintu bravīmi te || śīghrameṣyasi mānuṣyātsa tvaṃ kāmasamanvitaḥ
159.10
śirasā tu tato vandya
mātaraṃ pūrṇamānasaḥ || uvācāmitapūrṇendudyutiñca himaśailajām
159.11
vīraka uvāca || || natasurāsuramaulimilanmaṇipracayakāntikarā
lanakhāṅkite || nagasute śaraṇāgatavatsale tava nato'smi natārttivināśini
159.12
tapanamaṇḍalamaṇḍitakandhare pṛthusuvarṇasuvarṇanagadyute
viṣabhujaṅganiṣaṅgavibhūṣite girisute bhavatīmahamāśraye
159.13
jagati kaḥ praṇatābhimataṃ dadau jhaṭiti siddhanute bhavatī yathā || jagati
kāñca na vāñchati śaṅkaro bhuvanadhṛttanaye bhavatīṃ yathā
159.14
vimalayo turnvinirmitadurjjayasvatanutulyamaheśvaramaṇḍale || vidalitāndhakabāndhavasaṃ
hatiḥ suravaraiḥ prathamaṃ tvamabhigroups
159.15
sitasaṭāpaṭaloddhatakandharābharamahāmṛgarājasthāsthitā || vimalaśaktimukhānalapiṅgalāyatabhujaughavipi
ṣṭamahāsurā
159.16
nigaditā bhuvanairiti caṇḍikā janani śumbhaniśumbhaniṣūdanī || praṇatacintitadānavadānavapramathanaikamatistara sādhuvi
159.17
viyati vāyupathe jvalanojjvale'vanilele tava devi ca yadvapuḥ || tadajite'pratime praṇamāmyahaṃ bhuvanabhāvini te bhavavallabhe
159.18
jaladhayo lalitoddhatavīcayo hutavahadyutayaśca carācaram || phaṇasahasrabhṛtaśca bhujaṅgamāstvadabhidhāsyāti mayyabhayaṅkarāḥ
159.19
bhagavati
sthirabhaktajanāśraye pratigato bhavatīcaraṇāśrayam || karaṇajātamihāstu mamācalaṃ nutilavāptiphalāśayahetutaḥ || praśamamehi mamātmajavatsale namo'stu
te devi jagattrayāśraye
159.20
sūta uvāca || || prasannā tu tato devī vīrakasyeti saṃstutā || praviveśa śubhaṃ bharturbhavanaṃ bhūdharātmajā
159.21
dvārastho vīrako devān haradarśanakāṅkṣiṇaḥ || vyasarjayat svakānyeva gṛhāṇyādarapūrvakaḥ
159.22
nāstyatrāvasaro devā devyā saha vṛṣākapiḥ
nibhṛtaḥ krīḍatītyuktā yayuste ca yathāgatam
159.23
gate varṣasahasre tu devāstvaritamānasāḥ || jvalanaṃ codayāmāsurjñātuṃ śaṅkaraceṣṭitam
159.24
praviśya jālarandhreṇa śukarūpī hutāśanaḥ || dadṛśe śayane śarvvaṃ rataṃ girijayā saha
159.25
dadṛśe tañca deveśo hutāśaṃ śukarūpiṇam || tamuvāca
mahādevaḥ kiñcitkopasamanvitaḥ
159.26
śarvva uvāca || || yasmāttu tvatkṛto vighnastasmāttvadyupupadyate || ityuktaḥ prāñjalirvahnirpiṣadvīyaṃma
hitam
159.27
tenāpūryyata tāndevāṃstattatkāyavibhedataḥ || vipāṭya jaṭharaṃ teṣāṃ vīryyaṃ māheśvaraṃ tataḥ
159.28
viṣkrāntaṃ taptahemābhaṃ vitate śaṅkarāśrame
tasminsaro mahajjātaṃ vimalaṃ bahuyojanam
159.29
protphullahemakamalaṃ nānāvihaganāditam || tacchrutvā tu tato devī hemadrumamahājalam
159.30
jagāma kautukāviṣṭā tatsaraḥ kanakāmbujam || tatra kṛtvā jalakrīḍāṃ tadabjakṛtaśekharā
159.31
upaviṣṭā tatastasya tīre devī sakhīyutā
pātukāmā ca tattāyaṃ svādu nirmalapaṅkajam
159.32
apaśyatkṛttikāḥ snātāḥ ṣaḍarkadyutisannibham || padmapatre tu tadvāri gṛhītvopasthitā gṛham
159.33
harṣāḍuvāca paśyāmi padmapatre sthitaṃ payaḥ || tatastā ūcurakhilaṃ kṛttikā himaśailajām
159.34
kṛttikā ūcuḥ|| || dāsyāmo yadi te garbhaḥ
sambhūtò yo bhaviṣyati||so'smākamapi putraḥ syādasmannāmnā ca varttatām || bhavellokeṣu vikhyātaḥ sarvveṣvapi śubhānane
159.35
ityuktovāca girijā
kathaṃ madgātrasambhavaḥ || sarvvairavayavairyukto bhavatībhyaḥ suto bhavet
159.36
tatastāṃ kṛttikā ūcurvidhāsyāmo'sya vai vayam || uttamānyuttamā
ṅgāni yadyevantu bhaviṣyati
159.37
uktā vai śailajā prāha bhavatvevamaninditāḥ || tatastā harṣasampūrṇāḥ padmapatrasthitaṃ payaḥ
159.38
tasyai dadu
stayā cāpi tatpītaṃ kramaśò jalam || pīte tu salile tasmiṃstatastasminsarovare
159.39
vipāṭya devyāśca tato dakṣiṇāṃ kukṣimudgataḥ || niṣkra
krāmādbhuto bālaḥ sarvvalokavibhāsakaḥ
159.40
prabhākaraprabhākāraḥ prakāśakanakaprabhaḥ || gṛhītanirmalodyagraśaktiśūlaḥ ṣaḍānanaḥ
159.41
dīpto
mārayituṃ daityānkutsitānkanakacchaviḥ||etasmātkāraṇādevaḥ kumāraścāpi so'bhavat
159.41.p1
iti śrīmātsye mahāpurāṇe tārakopākhyāne kumārasaṃbha vo nāmāṣṭapañcāśadadhikaśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Vaiṣṇavakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit