Matsya 160
Matsya 160
- Language
- Sanskrit
Contents
- 160.43 — 1 part
160.1
sūta uvāca || || vāmaṃ vidāryya niṣkrāntaḥ suto devyāḥ punaḥ śiśuḥ || skandācca vadane
vahneḥ śukrātsuvadano'rihā
160.2
kṛttikāmelanādeva śākhābhiḥ saviśeṣataḥ || śākhābhidhāḥ samākhyātāḥ ṣaṭsu vaktreṣu vistrṛtāḥ
160.3
yatastato viśā
kho'sau khyāto lokeṣu ṣaṇmukhaḥ || skando viśākhaḥ ṣaḍvaktraḥ kārttikeyaśca viśrutaḥ
160.4
caitrasya bahule pakṣe pañcadaśyāṃ mahābalau || saṃbhūtāvarkasadṛśau viśāle
śarakānane
160.5
caitrasyaiva site pakṣe pañcamyāṃ pākaśāsanaḥ || bālakābhyāṃ cakāraikaṃ matvā cāmarabhūtaye
160.6
tasyāmeva tataḥ ṣaṣṭhyāmabhiṣikto
guhaḥ prabhuḥ || sarvvairamarasaṅghātairbrahmendropendrabhāskaraiḥ
160.7
gandhamālyaiḥ śubhairdhūpaistathā krīḍanakairapi || chatraiścāmarajālaiśca bhūṣaṇaiśca vilepanaiḥ
160.8
abhipikto vidhānena yathāvatṣaṇmukhaḥ prabhuḥ || sutāmasmai dadau śakro devaseneti viśrutām
160.9
patnyarthaṃ devadevasya dadau viṣṇustadāyudhān
yakṣāṇāṃ daśalakṣāṇi dadāvasmai dhanādhipaḥ
160.10
dadau hutāśanastejo dadau vāyuśca vāhanam || dadau krīḍanakaṃ tvaṣṭā kukkuṭaṃ kāmarūpiṇam || evaṃ surā
stu te sarvve parivāramanuttamam
160.11
dadurmuditacetaskāḥ skandāyādityavarcase
160.12
jānubhyāmavanau sthitvā surasaṅghāstamastuvan
stotreṇānena varadaṃ ṣaṇmukhaṃ surayajñāḥ surāḥ
160.13
devā ūcuḥ || || namaḥ kumārāya mahāprabhāya skandāya ca skanditadānavāya
navārkavidyuddyutaye namo'stute namo'stu te ṣaṇmukha kāmarūpa
160.14
pinaddhanānābharaṇāya bhartre namo raṇe dāruṇadāruṇāya || namo'stu te'rkapratimapra
bhāya namo'stu guhyāya guhāya tubhyam
160.15
namo'stu trailokyabhayāpahāya namo'stu te bāla kṛpāparāya || namo viśālāmalalocanāya namo viśākhāya
mahāvratāya
160.16
namo namaste'stu manoharāya namo namaste'stu raṇotkaṭāya || namo mayū rojjvalavāhanāya namostu keyūravarāya
tubhyam
160.17
namo dhṛtodagrapatākine namo namaḥ prabhāvapraṇatāya te'stu || namo namaste varavīryyaśāline kriyāparāṇāṃ bhavabhavyamūrttaye
160.18
kriyāparā yajñapatiñca stutvā viremureva tvamarādhipādyāḥ || evaṃ tadā ṣaḍvadanantu sendrā mudā sutuṣṭuśca guhastatastān || nirīkṣya netrairamalaiḥ sureśān
śatrūn haniṣyāmi gatajvarāḥ stha
160.19
kumāra uvāca || || kaṃ vaḥ kāmaṃ prayacchāmi devatā brūta nirvṛtāḥ || yadyapyasādhyaṃ hyayaṃ vo hṛdaye cintitaṃ
param
160.20
ityuktāstu surāstena stutvā praṇatamaulyaḥ || sarvva eva mahātmānaṃ guhaṃ tadgatamānasāḥ
160.21
daityendrastārako nāma sarvvāmarakulā
ntakṛt || balavān durjayo duṣṭo durācārotikopanaḥ || tameva jahi hyartho'rtha eṣo'smākaṃ bhayāpaha
160.22
evamuktastathetyuktvā sarvvāmarapadānugaḥ
jagāma jagatāṃ nāthaḥ stūyamāno'mareśvaraiḥ
160.23
tārakasya vadhārthāya jagataḥ kaṇṭakasya vai || tataśca preṣayāmāsa śakro labdhasamāśrayaḥ
160.24
dūtaṃ dānavasiṃhasya paruṣākṣaravādinam || sa tu gatvāgravīddaityaṃ nirbhayo bhīmadarśanaḥ
160.25
dūta uvāca || || śakrastvāmāha deveśo daityaketo
divaspatiḥ || tārakāsura tacchrutvā ghaṭa śaktyā yathecchayā
160.26
yajjagaddalanādāptaṃ kilviṣaṃ dānava tvayā || tasyāhaṃ śāsakaste'dya
rājāsmi bhuvanatraye
160.27
śrutvaitaddūtavacanaṃ kopasaṃraktalocanaḥ || uvāca dūtaṃ duṣṭātmā naṣṭaprāyavibhūtikaḥ
160.28
tāraka uvāca || || dṛṣṭaṃ
te pauruṣaṃ śakra raṇeṣu śataśo mayā || niṣprapatvānna te lajjā vidyate śakra durmate
160.29
evamukte gate dūte cintayāmāsa dānavaḥ || nālabdhasaṃśrayaḥ
śakro vaktumevaṃ hi cārhati
160.30
jitaḥ sa śakro no'kasmājjāyate saṃśrayāśrayaḥ || nimittāni ca duṣṭāni so'paśyadduṣṭaceṣṭitaḥ
160.31
pāṃśuvarṣama
srūkpātaṃ gaganādavanītale || bhujanetraprakampañca vaktraśoṣaṃ manobhramam
160.32
svakāntāvaktrapadmānāṃ mlānatāñca vyalokayat || duṣṭāṃśca prāṇino raudrā
nso'paśyadduṣṭavedinaḥ
160.33
tadvicintyaiva ditijo nyastacintobhavat kṣaṇāt || yāvaddvajaghaṭāghaṇṭā raṇatkāraravotkaṭām
160.34
taddhaturagasaṅghāta
kṣuṇṇabhūreṇupiñjarām || cañcalasyandanodagradhvajarājivirājitām
160.35
vimānaiścādbhutākāraiścālitāmaracāmaraiḥ || tāṃ bhūṣaṇanivaddhāñca kinnarodgīta
nāditām
160.36
nānānākatarūtphullakusumāpīḍadhāriṇīm || vikośāśtrapariṣkārāṃ varmmanirmaladarśanām
160.37
bandudundubhisututirvā nānāvā
dyanināditām || senāṃ nākasada daityaḥ prāsādastho vyalokayat
160.38
cintayāmāsa sa tadā kiñciduddhrāntamānasaḥ || apūrvvaḥ ko bhavedyoddhā yo
mayā na vinirjitaḥ
160.39
tataścintākulo daityaḥ śuśrāva kaṭukākṣaram|| siddhabandibhiruddhuṣṭamidaṃ hṛdayadāraṇam
160.40
atha gāthā|| jaya atulaśaktikadī
dhitipiñjara bhujadaṇḍacaṇḍaraṇarabhasa|| sukhada kumudakānanavikāsanendo|| kumāra jaya ditijakulamahodadhivaḍavānala
160.41
ṣaṇmukha madhuraravamayūraratha
suramukuṭakoṭighaṭṭitacaraṇanavāṅkuramahāsana|| jaya lalitacūḍākalāpanavavimaladalakamalakānta daityavaṃśaduḥsahadāvānala
160.42
jaya viśākha vibho jaya
sakalalokatāraka|| skanda jaya gaurīnandana ghaṇṭāpriya|| priya viśākha vibho dhṛtapatākaprakīrṇapaṭala|| kanakabhūṣaṇabhāsuradinakaracchāya
160.43
jaya janitasambhramalīlālūnakhilārāte jaya sakalalokatāraka ditijāsuravaratārakāntaka|| skanda jaya bāla saptavāsara jaya bhuvanāvaliśokavināśana
160.43.p1
iti śrīmātsye mahāpurāṇe devāsurasaṃgrāme raṇodyogo nāmaikonaṣaṣṭyadhikaśatatamo'dhyāyaḥ
Linked texts (5)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Vaiṣṇavakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit