Matsya 161
Matsya 161
- Language
- Sanskrit
Contents
- 161.32 — 1 part
161.1
sūta uvāca|| || śrutvaitattā
rakaḥ sarvvamuddhuṣṭaṃ devavandibhiḥ|| sasmāra brahmaṇo vākyaṃ vadhaṃ bālādupasthitam
161.2
smṛtvā dharmma hyadharmmāṅgaḥ padātirapadāyugaḥ|| mandirāgnirjagāmāśu
śokagrastena cetasā
161.3
kālanemimukhā daityāḥ saṃrambhādbhrāntacetasaḥ|| yodhā dhāvata gṛhṇīta yojayadhvaṃ varūthinim
161.4
kumāraṃ tārako dṛṣṭvā babhāṣe
bhīṣaṇākṛtiḥ|| kiṃ bāla yoddhukāmo'si krīḍa kandukalīlayā
161.5
tvayā na dānavā dṛṣṭā yatsaṅgaravibhīṣakāḥ|| bālatvādya te buddhirevaṃ svalpā
rthadarśinī
161.6
kumāro'pi tamagrasthaṃ babhāṣe harṣayansurān || śṛṇu tāraka śāstrārthastava caiva nirūpyate
161.7
śāstrairnā na dṛśyante samaye nirbhaye
bhaṭaiḥ|| śiśutvaṃ māvamaṃsthā me śiśuḥ kālabhujaṅgamaḥ
161.8
duṣprekṣyo bhāskaro bālastathāhaṃ durjayaḥ śiśuḥ|| alpākṣaro na mantraḥ kiṃ susphuro daitya
dṛśyate
161.9
kumāre proktavatyevaṃ daityaścikṣepa mudgaram|| kumārastaṃ nirasyātha vajreṇāmodhavarccasā
161.10
tataścikṣepa daityendro bhindipālamayaumayam
kareṇa tacca jagrāha kārttikeyo'marārihā
161.11
gadāṃ mumoca daityāya ṣaṇmukho'pi kharasvanām|| tayā hatastato daityaścakampe'calarāḍiva
161.12
mene ca durjayaṃ daityastadā ṣaḍvadanaṃ raṇe || cintayāmāsa buddhyā vai prāptaḥ kālo na saṃśayaḥ
161.13
kupitantu tamālokya kālanemipurogamāḥ
sarvve daityeśvarā jaghnuḥ kumāraṃ raṇadāruṇam
161.14
sa taiḥ prahārairaspṛṣṭo vṛthākleśo mahādyutiḥ|| raṇaśauṇḍāstu daityendrāḥ punaḥ prāsaiḥ śilīmukhaiḥ
161.15
kumāraṃ sāmaraṃ jaghnurbalino devakaṇṭakāḥ|| kumārasya vyathā nābhūddaityāstrāṇihatasya tu
161.16
prāṇāntakaraṇo jāto devānāṃ dānavāhavaḥ|| devāntri
pīḍitāndṛṣṭvā kumāraḥ kopamāviśat
161.17
tato'strairvārayāmāsa dānavānāmanokinīm|| tatastairniṣpratīkāraistāḍitāḥ surakaṇṭakāḥ
161.18
kālanemimukhāḥ sarvve raṇādāsanparāṅmukhāḥ|| vidruteṣvatha daityeṣu hateṣu ca samantataḥ
161.19
tataḥ kruddho mahādaityastārako'suranāyakaḥ|| jagrāha ca
gadāṃ divyāṃ hemajālapariṣkṛtām
161.20
jaghne kumāraṃ gadayā niṣṭaptakanakāṅgadaḥ || śarairmayūraṃ citraiśca cakāra vimukhaṃ raṇe
161.21
dṛṣṭvā parāṅmukhaṃ
devo muktamuktaṃ svavāhanam || jagrāha śaktiṃ vimalāṃ raṇe kanakabhūṣaṇām
161.22
bāhunā hemakeyūrarucireṇa ṣaḍānanaḥ || tato javānmahāsenastārakaṃ dāna
vādhipam
161.23
tiṣṭha tiṣṭha sudurbuddhe jīvalokaṃ vilokaya || hato'syadya mayā śaktyā smara śastraṃ suśikṣitam
161.24
ityuktvā ca tataḥ śaktiṃ
mumoca ditijaṃ prati || sā kumārabhujotsṛṣṭā tatkeyūraravānugā || bibheda daityahṛdayaṃ vajraśailendrakarkaśam
161.25
gatāsuḥ sa papātorvyāṃ pralaye bhūdharo
yathā || vikīrṇamukuṭoṣṇīṣo visrastākhilabhūṣaṇaḥ
161.26
tasminvinihate daitye tridaśānāṃ mahotsavaḥ || nābhūtkaścittadā duḥkhī narakeṣvapi pāpakṛt
161.27
stuvantaḥ ṣaṇmukhaṃ devāḥ krīḍantaścāṅganāyutāḥ || jagmuḥ svāneva bhavanānbhūridhāmāna utsukāḥ
161.28
daduścāpi varaṃ sarve devāḥ skandamukhaṃ
prati || tuṣṭāḥ samprāptasarvvecchāḥ saha siddhaistapodhanaiḥ
161.29
devā ūcuḥ || || yaḥ paṭhetskandasambaddhāṃ kathāṃ martyo mahāmatiḥ || śṛṇuyācchrāvaye
dvāpi sa bhavetkīrttimānnaraḥ
161.30
vahāyuḥ subhagaḥ śrīmānkāntimāñchubhadarśanaḥ || bhūtebhyo nirbhayaścāpi sarvvaduḥkhavivarjitaḥ
161.31
sandhyāmupāsya
yaḥ pūrvī skandasya caritaṃ paṭhet || sa muktaḥ kilviṣaiḥ sarvairmahādhanapatirbhavet
161.32
bālānāṃ vyādhijuṣṭānāṃ rājadvārañca sevatām || idaṃ tatparamaṃ
divyaṃ sarvvadā sarvvakāmadam || tanukṣaye ca sāyujyaṃ ṣaṇmukhasya vrajennaraḥ
161.32.p1
iti śrīmātsye mahāpurāṇe tārakavadho nāma ṣaṣṭyadhikaśatatamo' dhyāyaḥ
Linked texts (8)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Vaiṣṇavakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit