Matsya 163
Matsya 163
- Language
- Sanskrit
Contents
- 163.38 — 1 part
163.1
cha || || sūta uvāca || || tato dṛṣṭvā mahātmānaṃ kālacakramivāgatam || narasiṃhavapuśchannaṃ bhasmacchannami
vānalam
163.2
hiraṇyakaśipoḥ putraḥ prahlādo nāma vīryyavān || divyena cakṣuṣā siṃhamapaśyaddevamāgatam
163.3
taṃ dṛṣṭvā rukmaśailābhamapūrvvāṃ tanumāśritam
vismitā dānavāḥ sarvve hiraṇyakaśipuśca saḥ
163.4
prahlāda uvāca || || mahābāho mahārāja daityānāmādisambhava || na śrutaṃ na ca no dṛṣṭaṃ
nārasiṃhamidaṃ vapuḥ
163.5
avyaktaprabhavaṃ divyaṃ kimidaṃ rūpamāgatam || daityāntakaraṇaṃ ghoraṃ saṃśatīva mano mama
163.6
asya devāḥ śarīrasthāḥ
sāgarāḥ saritaśca yāḥ || himavān pāriyātraśca ye cānye kulaparvvatāḥ
163.7
candramāśca sanakṣatrairādityairvasubhiḥ saha || dhanado varuṇaścaiva yamaḥ śakraḥ
śacīpatiḥ
163.8
maruto devagandharvvā ṛṣayaśca tapodhanāḥ || nāgā yakṣāḥ piśācāśca rākṣasā bhīmavikramāḥ
163.9
brahmā devaḥ paśupatirlalāṭasthā
bhramanti vai || sthāvarāṇi ca sarvvāṇi jaṅgamāni tathaiva ca
163.10
bhavāṃśca sahito'smābhiḥ sarvvairdaityagaṇairvṛtaḥ || vimānaśatasaṅkīrṇā tathaiva bhavataḥ sabhā
163.11
sarvvaṃ tribhuvanaṃ rājam̐llokadharmmāśca śāśvatāḥ || dṛśyante nārasiṃhe'smiṃstathedaṃmakhilaṃ jagat
163.12
prajāpatiścātra manurmahātmā grahāśca yogā
śca mahīruhāśca || utpātakālaśca dhṛtirmatiśca || ratiśca satyañca tapo damaśca
163.13
sanatkumāraśca mahānubhāvo viśveca devā ṛṣayaśca sarvve || krodha
śca kāmaśca tathaiva harṣo dharmmaśca mohaḥ pitaraśca sarvve
163.14
prahlādasya vacaḥ śrutvā hiraṇyakaśipuḥ prabhuḥ || uvāca dānavānsarvvānmaṇāṃśca sa gaṇā
dhipaḥ
163.15
mṛgendro gṛhyatāmeṣa apūrvī tanumāsthitaḥ || yadi vā saṃśayaḥ kaścidbadhyatāṃ vanagocaraḥ
163.16
te dānavagaṇāḥ sarvve mṛgendraṃ bhīmavi
kramam || parikṣipanto muditāstrāsayāmāsurojasā
163.17
siṃhanādaṃ vimucyātha narasiṃho mahābalaḥ || babhañja tāṃ sabhāṃ sarvvīṃ vyāditāsya ivāntakaḥ
163.18
sabhāyāṃ bhajyamānāyāṃ hiraṇyakaśipuḥ svayam || cikṣepāstrāṇi siṃhasya roṣādvyākulalocanaḥ
163.19
sarvvāstrāṇāmatha jyeṣṭhaṃ daṇḍamastraṃ
sudāruṇam || kālacakraṃ tathā'ghoraṃ viṣṇucakraṃ tathā param
163.20
paitāmahaṃ tathātyugraṃ trailokyadahanaṃ mahat || vicitrā maśanīñcaiva śuṣkārdrvāśanidvayam
163.21
raudraṃ tathograṃ śūlañca kaṅkālaṃ musalaṃ tathā || mohanaṃ śoṣaṇañcaiva santāpanavilāpanam
163.22
vāyavyaṃ mathanañcaiva kāpālamatha kaṅkaram
tathāpratihatāṃ śaktiṃ kauñcamastraṃ tathaiva ca
163.23
astraṃ brahmaśiraścaiva somāstraṃ śiśiraṃ tathā || kampanaṃ śātanañcaiva tvāṣṭrañcaiva subhairavam
163.24
kālamudgaramakṣobhyaṃ tapanañca mahābalam || saṃvarttanaṃ mādanañca tathā māyādharaṃ param
163.25
gāndharvvamastraṃ dayitamasiratnañca nandakam
prasvāpanaṃ pramathanaṃ vāruṇāstramuttamam || astraṃ pāśupatañcaiva yasyāpratihatā gatiḥ
163.26
astraṃ hayaśiraścaiva brāhmamastraṃ tathaiva ca
nārāyaṇāstramaindrañca sārpamastraṃ tathādbhutam
163.27
paiśācamastramajitaṃ śoṣadaṃ śāmanaṃ tathā || mahābalaṃ bhāvanañca prasthāpanavikampane
163.28
etānyastrāṇi divyāni hiraṇyakaśipustadā || asṛjannarasiṃhasya dīptasyāgnerivāhutim
163.29
astraiḥ prajvalitaiḥ siṃhamāvṛṇodasurottamaḥ
vivasvāndharmmasamaye himavantamivāṃśubhiḥ
163.30
sa hyamarṣānilodbhūto daityānāṃ sainyasāgaraḥ || kṣaṇena plāvayāmāsa mainākamiva sāgaraḥ
163.31
prāsaiḥ pāśaiśca khaṅgaiśca gadābhirmusalaistathā || vajrairaśanibhiścaiva sāgnibhiśca mahādrumaiḥ
163.32
muṅgarairbhindipālaiśca śiloborderlūkhalaparvvataiḥ
śataghnībhiśca dīptābhirdaṇḍairapi sudāruṇaiḥ
163.33
te dānavāḥ pāśagṛhītahastā mahendratulyāśanivajravegāḥ|| samantato'bhyudyatabāhukāyāḥ sthitāstriśīrṣā
iva nāgapāśāḥ
163.34
suvarṇamālākulabhūṣitāṅgāḥ pītāṃśukābhogavibhāvitāṅgāḥ || muktāvalīdāmasanāthakakṣā haṃsā ivābhānti viśālapakṣāḥ
163.35
teṣāntu vāyupratimaurasāṃ vai keyūramaulīvalayotkaṭānām || tānyuttamāṅgānyabhito vibhānti prabhātasūryāśusamaprabhāni
163.36
kṣipadbhirugrairvve
litairmahābalairmahāstrapūgaiḥ susamāvṛtto babhau || giriyathā santatavarṣibhirghanaiḥ kṛtāndhakārāntarakandaro drumaiḥ
163.37
tairhanyamāno'pi mahāstrajālairmahā
balairdaityagaṇaiḥ sametaiḥ || nākampatāsau bhagavān pratāpasthitaḥ prakṛtyā himavānivyācalaḥ
163.38
santrāsitāstena nṛsiṃharūpiṇā diteḥ sutāḥ
pāvakatulyatejasā || bhayādvicekuḥ pavanoddhatāṅgā yathormmayaḥ sāgaravārisambhavāḥ
163.38.p1
iti śrīmātsye mahāpurāṇe nārasiṃhaprādurbhāvo nāma dvipa ṣṭyadhikaśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Critical edition (BORI) — Sanskrit