[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Natural and Omen Astrology (divination)](https://indike.org/pramana/in.astro.samhita) › [Saṃhitās ascribed to sages](https://indike.org/pramana/in.astro.samhita.rsi) › [Matsya](https://indike.org/pramana/in.astro.samhita.rsi.matsya) › 167 # Matsya 167 Matsya 167 - **Language:** Sanskrit ## Contents - [167.24](https://indike.org/pramana/in.astro.samhita.rsi.matsya.167.24) — 1 part ### [167.1](https://indike.org/pramana/in.astro.samhita.rsi.matsya.167.1) cha matsya uvāca || || bhūtvā nārāyaṇo yogī sattvamūrttirvibhāvasuḥ || gabhastibhiḥ pradīptābhiḥ saṃśoṣayati sāgarān ### [167.2](https://indike.org/pramana/in.astro.samhita.rsi.matsya.167.2) tataḥ pītvārṇavānsarvvāndīḥ kūṃpāṃśca sarvvaśaḥ || parvvatānāñca salilaṃ sarvvamādāya raśmibhiḥ ### [167.3](https://indike.org/pramana/in.astro.samhita.rsi.matsya.167.3) bhittvā gabhastibhiścaiva mahīṃ gatvā rasātalāt || pātālajalamādāya pivate rasa muttamam ### [167.4](https://indike.org/pramana/in.astro.samhita.rsi.matsya.167.4) mūtrāsrukṛṅmedamanyacca yadasti prāṇiṣu dhruvam || tatsarvvamaravindākṣa ādatte puruṣottamaḥ ### [167.5](https://indike.org/pramana/in.astro.samhita.rsi.matsya.167.5) vāyuśca bhagavānbhūtvā vidhunvāno'khilaṃ jagat || prāṇāpānasamānādyānvāyūnākarṣate hariḥ ### [167.6](https://indike.org/pramana/in.astro.samhita.rsi.matsya.167.6) tato devagaṇāḥ sarve bhūtānyeva ca yāni tu || gandho ghrāṇaṃ śarīrañca pṛthivīṃ saṃśritā guṇāḥ ### [167.7](https://indike.org/pramana/in.astro.samhita.rsi.matsya.167.7) jihvā rasaśca snehaśca saṃśritāḥ salile guṇāḥ || rūpaṃ cakṣurvipākaśca jyotirevāśritā guṇāḥ ### [167.8](https://indike.org/pramana/in.astro.samhita.rsi.matsya.167.8) sparśaḥ prāṇaśca ceṣṭā ca pavane saṃśritā guṇāḥ śabdaḥ śrotrañca khānyeva gagane saṃśritā guṇāḥ ### [167.9](https://indike.org/pramana/in.astro.samhita.rsi.matsya.167.9) lokamāyā bhagavatā muhūrtena vināśitā || mano buddhiśca sarveṣāṃ kṣetrajñaśceti yaḥ śrutaḥ ### [167.10](https://indike.org/pramana/in.astro.samhita.rsi.matsya.167.10) taṃ vareṇyaṃ parameṣṭhī hṛṣīkeśamupāśritaḥ || tato bhagavatastasya raśmibhiḥ parivāritaḥ ### [167.11](https://indike.org/pramana/in.astro.samhita.rsi.matsya.167.11) vāyunākramyamāṇāsu drumaśākhāsu cāśritaḥ || teṣāṃ saṅgha rṣagodbhūtaḥ pāvakaḥ śatadhā jvalan ### [167.12](https://indike.org/pramana/in.astro.samhita.rsi.matsya.167.12) adahacca tadā sarvvaṃ vṛtaḥ saṃvarttako'nalaḥ || saparyyata drumāngulmām̐llatāvallīstṛṇāni ca ### [167.13](https://indike.org/pramana/in.astro.samhita.rsi.matsya.167.13) vimā nāni ca divyāni purāṇi vividhāni ca || yāni cāśrayaṇīyāni tāni sarvvāṇi so'dahat ### [167.14](https://indike.org/pramana/in.astro.samhita.rsi.matsya.167.14) bhasmīkṛtya tataḥ sarvvām̐llokām̐llokagururhariḥ bhūyo nirvvāpayāmāsa yugāntena ca karmmaṇā ### [167.15](https://indike.org/pramana/in.astro.samhita.rsi.matsya.167.15) sahastravṛṣṭiḥ śatadhā bhūtvā kṛṣṇo mahābalaḥ || divyatoyena haviṣā tarpayāmāsa medinīm ### [167.16](https://indike.org/pramana/in.astro.samhita.rsi.matsya.167.16) tataḥ kṣīranikāyena svādunā paramāmbhasā || śivena puṇyena mahī nirvvāṇamagamatparam ### [167.17](https://indike.org/pramana/in.astro.samhita.rsi.matsya.167.17) tena rodhena saṃchannā payasāṃ varṣato dharā || ekārṇavajalī bhūtā sarvvasattvavivarjitā ### [167.18](https://indike.org/pramana/in.astro.samhita.rsi.matsya.167.18) mahāsattvānyapi vibhuṃ praviṣṭānyamitaujasam || naṣṭārkapavanākāśe sūkṣme jagati saṃvṛte ### [167.19](https://indike.org/pramana/in.astro.samhita.rsi.matsya.167.19) saṃśoṣyātmanā kṛtvā samudrānapi dehinaḥ || dagdhvā saṃplāvya ca tathā svapityekaḥ sanātanaḥ ### [167.20](https://indike.org/pramana/in.astro.samhita.rsi.matsya.167.20) paurāṇaṃ rūpamāsthāya svapityamitavikramaḥ || ekārṇavajalavyāpī yogī yogamupāśritaḥ ### [167.21](https://indike.org/pramana/in.astro.samhita.rsi.matsya.167.21) anekāni sahasrāṇi yugānyekārṇavāmbhasi || na cainaṃ kaścidavyaktaṃ vyaktaṃ veditumarhati ### [167.22](https://indike.org/pramana/in.astro.samhita.rsi.matsya.167.22) kaścaiva puruṣo nāma kiyogaḥ kaśca yogavān || asau kiyantaṃ kālañca ekārṇavavidhiṃ prabhuḥ || kariṣyatīti bhagavāniti kaścinna buddhayate ### [167.23](https://indike.org/pramana/in.astro.samhita.rsi.matsya.167.23) na draṣṭā naiva gamitā na jñātā naiva pārśvagaḥ || tasya na jñāyate kiñcittamṛte devasattamam ### [167.24](https://indike.org/pramana/in.astro.samhita.rsi.matsya.167.24) nabhaḥ kṣitiṃ pavanamapaḥ prakāśaṃ prajāpatiṃ bhuvanadharaṃ sureśvaram || pitāmahaṃ śrutinilayaṃ mahāmuniṃ praśāmya bhūyaḥ śayanaṃ hyarocayat ### [167.24.p1](https://indike.org/pramana/in.astro.samhita.rsi.matsya.167.24.p1) iti śrīmātsye mahāpurāṇe padmodbhavaprādurbhāve ṣaṭṣaṣṭyadhikaśatatamo'dhyāyaḥ ## Linked texts (2) - [Matsyapurāṇa](https://indike.org/pramana/in.purana.matsya.166.2) — Vyāsa, Sanskrit - [Bhāgavatapurāṇa](https://indike.org/pramana/in.purana.bhagavata.10.50.12) — Vyāsa, Sanskrit --- Source: [https://indike.org/pramana/in.astro.samhita.rsi.matsya.167](https://indike.org/pramana/in.astro.samhita.rsi.matsya.167) · Pramāṇa