Matsya 169
Matsya 169
- Language
- Sanskrit
Contents
- 169.16 — 1 part
169.1
matsya
uvāca || || āpavaḥ sa vibhurbhūtvā cārayāmāsa vai tapaḥ || chādayitvātmanodehaṃ yādasāṃ kulasambhavam
169.2
tato mahātmātibalo matiṃ lokasya
sarjjane || mahatāṃ pañcabhūtānāṃ viśvo viśvamacintayat
169.3
tasya cintayamānasya nirvvāte saṃsthite'rṇave || nirākāśe toyamaye sūkṣme jagati gahvare
169.4
īṣat saṃkṣobhayāmāsa so'rṇavaṃ salilāśrayaḥ || anantarormibhiḥ sūkṣmamatha chidramabhūt purā
169.5
śabdaṃ prati tadodbhūto mārutaśchidrasa
mbhavaḥ || sa labdhvāntaramakṣobhyo vyavarddhata samīraṇaḥ
169.6
vivarddhatā balavatā vegādvikṣobhito'rṇavaḥ || tasyārṇavasya kṣubdhasya tasminnambhasi manthite
kṛṣṇavartmā samabhavat prabhurvaiśvānaro mahān
169.7
tataḥ sa śoṣayāmāsa pāvakaḥ salilaṃ bahu || kṣayājjalanidheśchidramabhavadvistṛtaṃ nabhaḥ
169.8
ātmatejodbhavāḥ puṇyā āpo'mṛtarasopamāḥ || ākāśaṃ chidrasambhūtaṃ vāyurākāśasambhavaḥ
169.9
ābhyāṃ saṅgharṣaṇodbhūtaṃ pāvakaṃ vāyusambhavam || dṛṣṭvā
prīto mahādevo mahābhūtavibhāvanaḥ
169.10
dṛṣṭvā bhūtāni bhagavām̐llokasṛṣṭyarthamuttamam || brahmaṇo janmasahitaṃ bahurūpo vyacintayat
169.11
caturyugābhisaṃkhyāte sahasrayugaparyyaye || bahujanmaviśuddhātmabrahmaṇeha nirūcyate
169.12
yatpṛthivyāṃ dvijendrāṇāṃ tapasā bhāvitātmanām || jñānaṃ
dṛṣṭantu viśvārthe yogināṃ yāti mukhyatām
169.13
taṃ yogavantaṃ vijñāya sampūrṇaiśvaryyamuttamam || pade brahmaṇi viśveśaṃ nyayojayata yogavit
169.14
tatastasminmahātoye mahīśo hariracyutaḥ || svayaṃ krīḍaṃśca vidhivanmodate sarvvalokakṛt
169.15
padmaṃ nābhyudbhavañcaikaṃ samutpāditavāṃstadā
sahasraparṇaṃ virajaṃ bhāskarābhaṃ hiraṇmayam
169.16
hutāśanajvalitaśikhojjvalatprabhamupasthitaṃ śaradamalārkatejasam || virājate kamalamudāravarccasaṃ
mamātmanastanuruhacārudarśanam
169.16.p1
iti śrīmātsye mahāpurāṇe padmodbhavaprādurbhāve padmodbhavo nāmāṣṭaṣaṣṭyadhikaśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit