Matsya 170

cha
matsya uvāca || || atha yogavatāṃ śreṣṭhamasṛjad bhūritejasam || sraṣṭāraṃ sarvvalokānāṃ brahmāṇaṃ sarvvatomukham

yasminhiraṇmaye padme bahuyoja
navistṛte || sarvvatejoguṇamayaṃ pārthivairlakṣaṇairvṛtam

tacca padmaṃ purāṇajñāḥ pṛthivīrūpamuttamam || nārāyaṇasamudbhūtaṃ pravadanti maharṣayaḥ

yā padmā sā rasā devī pṛthivī paricakṣyate || ye padmasāraguravastāndivyānparvvatānviduḥ

himavantañca meruñca nīlaṃ niṣadhameva ca
kailāsaṃ muñjavantañca tathānyaṃ gandhamādanam

puṇyaṃ triśikharañcaiva kāntaṃ mandarameva ca || udayaṃ piñjarañcaiva vindhyavantañca parvvatam

ete deva
gaṇānāñca siddhānāñca mahātmanām || āśrayāḥ puṇyaśīlānāṃ sarvvakāmaphalapradāḥ

eteṣāmantare deśo jambūdvīpa iti smṛtaḥ || jambūdvīpasya
saṃsthānaṃ yajñiyā yatra vai kriyāḥ

ebhyo yatsravate toyaṃ divyāmmratarasopamam || divyāstīrthaśatadhārāḥ suramyāḥ saritaḥ smṛtāḥ

smṛtāni
yāni padmasya kesarāṇi samantataḥ || asaṃkhyeyāḥ pṛthivyāste vijñe ve dhātuparvvatāḥ

yāni padmasya parṇāni bhūriṇi tu narādhipa || te durgamāḥ
śailacitā mlecchadeśā vikalpitāḥ

yānyadhobhāgaparṇāni te nivāsāstu bhāgaśaḥ || daityānāmuragāṇāñca pataṅgānāñca pārthiva

teṣāṃ mahārṇavo yatra tadrasetyabhisaṃjñitam || mahāpātakakarmmāṇo majjante yatra mānavāḥ

padmasyāntarato yattadekārṇavagatā mahī || proktātha
dikṣu sarvvāsu catvāraḥ salilākarāḥ

evaṃ nārāyaṇasyārthe mahī puṣkarasambhavā || prādurbhāvo'pyayaṃ tasmānnāmnā puṣkarasaṃjñitaḥ

etasmā
tkāraṇāttajjñaiḥ purāṇaiḥ paramarṣibhiḥ || yājñikairvedadṛṣṭāntairyajñe padmavidhiḥ smṛtaḥ

evaṃ bhagavatā tena viśveṣāṃ dhāraṇāvidhiḥ || parvvatānāṃ nadī
nāñca hradānāñcaiva nirmmitaḥ

vibhustathaivāpratimaprabhāvaḥ prabhākarābho varuṇāsitadyutiḥ || śanaiḥ svayambhūḥ śayanaṃ sṛjattadā jaganmayaṃ padmavidhiṃ
mahārṇave

iti śrīmatsye mahāpurāṇe padmodbhavaprādurbhāve ekonasaptatyadhikaśatatamo'dhyāyaḥ

Linked texts (1)