Matsya 171
Matsya 171
- Language
- Sanskrit
Contents
- 171.30 — 1 part
171.1
cha || || matsya
uvāca || || vighnastapasi sambhūto madhurnāma mahāsuraḥ || tenaiva ca sahodbhūto rajasā kaiṭabhastataḥ
171.2
tau rajastamasau vighnasambhūtau tāmasau
gaṇau || ekārṇave jagatsarvvaṃ kṣobhayantau mahābalau
171.3
divyaraktāmbaradharau śvetadīptāgradaṃṣṭriṇau || kirīṭakuṇḍalodgrau keyūravalayojjvalau
171.4
mahāvikramatāmrākṣau pīnoraskau mahābhujau || mahāgireḥ saṃhananau jaṅgamaviva parvvatau
171.5
nagameghapratīkāśāvādityasadṛśānanau || vidyudābhau gadā
grābhyāṃ karābhyāmatibhīṣaṇau
171.6
tau pādayostu vinyāsādutkṣipantāvivārṇavam || kampayantāviva hariṃ śayānaṃ madhusūdanam
171.7
tau tatra vicarantau
sma puṣkare viśvatomukham || yogināṃ śreṣṭhamāsādya dīptaṃ dadṛśatustadā
171.8
nārāyaṇasamājñātaṃ sṛjantarmākhalāḥ prajāḥ || daivatāni ca viśvāni māna
sānasurānṛṣīn
171.9
tatastāvabrūtūstatra brahmāṇamasurottamau || dīptau mumūrṣuḥ saṃkruddhau roṣavyāku litekṣaṇau
171.10
kastvaṃ puṣkaramadhyasthaḥ sitoṣṇīṣa
ścaturbhujaḥ || ādhāya niyamaṃ mohādāste tvaṃ vigatajvaraḥ
171.11
ehyāgacchāvayoruddhaṃ dehi tvaṃ kamalodbhavaḥ || āvābhyāṃ paramīkṣābhyāmaśaktastvamihā
rṇave
171.12
tatra kaścodbhavastubhyaṃ kena vāsi na yojitaḥ || kaḥ sraṣṭā kaśca te goptā kena nāmnā vidhīyase
171.13
brahmovāca || || eka
ityucyate lokairavicintyaḥ sahasradṛk || tatsaṃyogena bhavato karmma nāmāvagacchatām
171.14
madhukaiṭabhāvūcatuḥ || || nāvayoḥ paramaṃ loke kiñcidasti
mahāmate || āvābhyāṃ chādyate viśvaṃ tamasā rajasātha vai
171.15
rajastamomayāvāvāmṛṣīṇāmavalaṅghitau || chādyamānau dharmmaśīlau dustarau sarvvadehinām
171.16
āvābhyāmuhyate loko duṣkarābhyāṃ yuge yuge || āvāmarthaśca kāmaśca yajñaḥ svargaparigrahaḥ
171.17
sukhaṃ yatra mudā yuktaṃ yatra śrīḥ kīrttireva ca
yeṣāṃ yatkāṅkṣitañcaiva tattadāvāṃ vicintaya
171.18
brahmovāca || || yatnādyogavato dṛṣṭvā yogaḥ pūrvvaṃ mayārjjitaḥ || taṃ samādhāya guṇavatsattvañcāsmi
samāśritaḥ
171.19
yaḥ paro yogamatimānyogārakhyaḥ sattvameva ca || rajastamamasaścaiva yaḥ sraṣṭā viśvasambhavaḥ
171.20
tato bhūtāni jāyante sāttvikānī
tarāṇi ca || sa eva hi yuvāṃ nāśe vaśī devo haniṣyati
171.21
svapanneva tataḥ śrīmānbahuyojanavistṛtam || bāhuṃ nārāyaṇo brahma kṛtavānātmamāyayā
171.22
kṛṣyamāṇau tatastasya bāhunā bāhuśālinaḥ || ceratustau vigalitau śakunāviva pīvarau
171.23
tatastāvāhutargatvā tadā devaṃ sanātanam
padmanābhaṃ hṛṣīkeśaṃ praṇipatya sthitāvubhau
171.24
jānīvastvāṃ viśvayoniṃ tvāmekaṃ puruṣottamam || tvamāvāṃ pāhi hetvarthamidaṃ nau buddhikāraṇam
171.25
amoghadarśanaḥ sa tvaṃ yatastvāṃ viddha śāśvatam || tatastvāmāgatāvāvāmabhitaḥ prasamīkṣitum
171.26
tadicchāmo varaṃ deva tvatto'dbhutamarindama || amo
ghadarśano'si tvaṃ namaste samitiñjaya
171.27
śrībhagavānuvāca|| || kimarthaṃ hi drutaṃ brūtha varaṃ hyasurasattamau || dattāyuṣkau punarbhūyo raho jīvitumchathaḥ
171.28
madhukaiṭabhāvūcatuḥ || || yasminna kaścinmṛttavāndeva tasminprabho vadham || tamicchāvo vadhañcaiva tvatto no'stu mahāvrata
171.30
śrībhagavā
nuvāca || || vāḍhaṃ yuvantu pravarau bhaviṣyatkālasambhave||bhaviṣyato na sandehaḥ satyamedvravīmi vām||29||varaṃ pradāyātha mahāsurābhyāṃ sanātano viśvavaraḥ suro
ttamaḥ || rajastamovargabhavaॉyanau yamau mamantha tāvūrutalena vai prabhuḥ
171.30.p1
iti śrīmātsye mahāpurāṇe padmodbhavaprādurbhāve saptatyadhikaśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Kṛtyamahārṇava — Vācaspatimiśra, Sanskrit