Matsya 174
Matsya 174
- Language
- Sanskrit
Contents
- 174.32 — 1 part
174.1
cha || || matsya uvāca || || tato'bhayaṃ viṣṇuvacaḥ śrutvā
daityāśca dānavāḥ || udyogaṃ vipulaṃ cakruryuddhāya vijayāya ca
174.2
mayastu kāñcanamayaṃ trinalvāyatamakṣayam || catuścakraṃ suvipulaṃ sukalpitamahāyugam
174.3
kiṅkiṇījālanirghoṣaṃ dvīpicarmmapariṣkṛtam || ruciraṃ ratnajālaiśca hemajālaiśca śobhitam
174.4
īhāmṛgagaṇākīrṇaṃ pakṣipaṅktivirājitam
divyāstratūṇīradharaṃ payodharavināditam
174.5
svakṣaṃ rathavarodāraṃ sūpasthaṃ gaganopamam || gadāparighasampūrṇa mūrttimantamivārṇavam
174.6
hemakyūravalayaṃ
svarṇamaṇḍalakūvaram || sapatākadhvajopetaṃ sādityamiva mandaram
174.7
gajendrābhogavapuṣaṃ kāñcitkesarivarcasam || yuktamṛkṣasahasreṇa samṛddhāmbudanāditam
174.8
dīptamākāśagaṃ divyaṃ rathaṃ pararathārujam|| adhyatiṣṭhadraṇākāṅkṣī meruṃ dīpta ivāṃśumān
174.9
tāramuktakrośavistāraṃ sarvvaṃ hemamayaṃ ratham|| śailākāramasambādhaṃ
nīlāñjanacayopamam
174.10
kārṣṇāyasamayaṃ divyaṃ loheṣābaddhakūvaram || timirodgārikiraṇaṃ garjjantamiva toyadam
174.11
lohajālena mahatā sagavākṣeṇa
daṃśitam || āyasaiḥ parighaiḥ pūrṇaṃ kṣepaṇīyaiśca mudgaraiḥ
174.12
prāsaiḥ pāśaiśca vitatairnaira saṃśūktakaṇṭakaiḥ || śobhitaṃ trāsayānaiśca tomaraiśca paraśvadhaiḥ
174.13
udyantaṃ dviṣatāṃ hetordvitīyamiva mandaram || yuktaṃ kharasahasreṇa so'dhyārohadrathottamam
174.14
virocanastu saṃkruddho gadāpāṇiravasthitaḥ || pramukhe tasya
sainyasya dīptaśṛṅga ivācalaḥ
174.15
yuktaṃ rathasahasreṇa hayagrīvastu dānavaḥ || syandanaṃ vāhayāmāsa sapatnānīkamarddanaḥ
174.16
vyāyataṃ kiṣkusāhasraṃ
dhanurvisphārayanmahat || vārāhaḥ pramukhe tasthau sapraroha ivācalaḥ
174.17
kharastu vikṣarandapannetrābhyāṃ roṣajaṃ jalam || sphuradantoṣṭhanayanaṃ saṃgrāmaṃ so'
bhyakāṅkṣata
174.18
tvaṣṭā tvaṣṭugajaṃ ghoraṃ yānamāsthāya dānavaḥ || vyūhituṃ dānavavyūhaṃ paricakrāma vīryyavān
174.19
vipracittisutaścaiva śvetakuṇḍala
bhūṣaṇaḥ || śvetaḥ śvetapratīkāśo yuddhāyābhimukhe sthitaḥ
174.20
ariṣṭo baliputraśca variṣṭho'driśilāyudhaḥ || yuddhāyābhimukhastasthau dharādharavikampanaḥ
174.21
kiśorastvabhisaṃharṣātkiśora iti coditaḥ || sabalā dānavāścaiva sannahyante yathākramam
174.22
abhavaddaityasainyasya madhye ravirivoditaḥ
lambastu navameghābhaḥ pralambāmbarabhūṣaṇaḥ
174.23
daityavyūhagato bhāti sanīhāra ivāṃśumān || svarbhānurāruhyayodho tu daśanoṣṭhekṣagāyudhaḥ
174.24
hasaṃstiṣṭhati daityānāṃ pramukhe sa mahāgrahaḥ || anye hayagatāstatra gajaskandhagatāḥ pare
174.25
siṃhavyāghragatāścānye varāharkṣeṣu cāpare || kecitkharoṣṭra
yātāraḥ kecicchvāpadavāhanāḥ
174.26
pattinastvapare daityā bhīṣaṇā vikṛtānanāḥ || ekapādādvipādāśca nanṛtyuryuddhakāṅkṣiṇaḥ
174.27
āsphoṭa
yanto bahavaḥ kṣveḍantaśca tathāpare || hṛṣṭaśārdūlanirghoṣā nedurdānavapuṅgavāḥ
174.28
te gadāparighairupaiḥ śilāmusalapāṇayaḥ || bāhubhiḥ parighākāraista
rjayanti sma devatāḥ
174.29
pāśaiḥ prāsaiśca parighaistomarairguṅgapaṭṭiśaiḥ || cikīḍuste śataghnībhiḥ śatadhāraiśca mudgaraiḥ
174.30
gaṇḍaśailaiśca
śailaiśca parighaiścottamāyasaiḥ || cakraiśca daityapravarāścakrurānanditaṃ balam
174.31
etaddānavasainyaṃ tatsarvvaṃ yuddhamadotkaṭam || devānāmabhimukhe
tasthau meghānīkamivoddhatam
174.32
tadadbhutaṃ daityasahasragāḍhaṃ vāyvagniśailāmbudatoyakalpam || balaṃ raṇaughāmyudaye'bhyudīrṇaṃ yuyutsayonmatta
mivāvabhāse
174.32.p1
iti śrīmātsye mahāpurāṇe tārakāmayasaṃgrāme trisaptatyadhikaśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Critical edition (BORI) — Sanskrit