Matsya 175
Matsya 175
- Language
- Sanskrit
Contents
- 175.50 — 1 part
175.1
cha || || matsya uvāca
śrutaste daityasainyasya vistaro ravinandana || surāṇāmapi sainyasya vistaraṃ vaiṣṇavaṃ śṛṇu
175.2
ādityā vasavo rudrā aśvinau ca mahābalau || sabalāḥ
sānugāścaiva sannahyanta yathākramam
175.3
purūhūtastu purato lokapālaḥ sahasradṛk || grāmaṇīḥ sarvvadevānāmāruroha suradvipam
175.4
madhye
cāsya rathaḥ sarvvapakṣipravararaṃhasaḥ || sucārucakracaraṇo hemavajrapariṣkṛtaḥ
175.5
devagandharvvayakṣaughairanuyātaḥ sahasraśaḥ || dīptimadbhiḥ sadasryaiśca
brahmarṣibhirabhiṣṭutaḥ
175.6
vajravisphūrjitodbhūtairaividyudindrāyudhoditaiḥ || yukto balāhakagaṇaiḥ parvvatairiva kāmagaiḥ
175.7
yamārūḍhaḥ sa bhagavān paśyeti
sakalaṃ jagat || havirdhāneṣu gāyanti viprā makhamukhe sthitāḥ
175.8
svarge śakrānuyāteṣu devatūryyaninādiṣu || sundaryyaḥ parinṛtyanti śataśo'
psarasāṃ gaṇāḥ
175.9
ketunā nāgarājena rājamāno yathā raviḥ || yukto hayasahasreṇa manomārutaraṃhasā
175.10
sa syandanavaro bhāti gupto
mātalinā tadā || kṛtsnaḥ parivṛto merurbhāskarasyeva tejasā
175.11
yamastu daṇḍamudyamya kālayuktaśca mudgaram || tasthau suragaṇānīke
daityān nādena bhīṣayan
175.12
caturbhiḥ sāgarairyukto lelihānaiśca pannagaiḥ || śaṅkhamuktāṅgadadharo bibhrat toyamayaṃ vapuḥ
175.13
kālapā
śānsamāvidhyannahyaiḥ śaśikaropamaiḥ || vāyvīritairjalākāraiḥ kurvvaṃllīlāḥ sahasraśaḥ
175.14
pāṇḍurodbhūtavasanaḥ pravālarucirāṅgadaḥ || maṇiśyā
mottamavapurhāribhārāpiṃto varaḥ
175.15
varuṇaḥ pāśadhṛṅmadhye devānīkasya tasthivān || yuddhavelāmabhilaṣanbhinnavela ivārṇavaḥ
175.16
yakṣarākṣasasai
nyena guhyakānāṃ gaṇairapi || yuktaśca śaṅkhapadmābhyāṃ nidhīnāmadhipaḥ prabhuḥ
175.17
rājarājeśvaraḥ śrīmāngadāpāṇiradṛśyata || vimānayodhī dhanado
vimāne puṣpake sthitaḥ
175.18
sa rājarājaḥ śuśubhe yuddhārthī naravāhanaḥ|| ukṣāṇamāsthitaḥ saṃkhye sākṣādiva śivaḥ svayam
175.19
pūrvvapakṣaḥ sahasrākṣaḥ
pitṛrājastu dakṣiṇaḥ|| varuṇaḥ paścimaṃ pakṣamuttaraṃ naravāhanaḥ
175.20
caturṣu yuktāścatvāro lokapālā mahābalāḥ|| svāsu dikṣu svarakṣanta tasya devava
lasya te
175.21
sūryyaḥ saptāśvayuktena rathenāmitagāminā || śriyā jājvalyamānena dīpyamānaiśca raśmibhiḥ
175.22
udayāstagacakreṇa merupūrvvata
gāminā || tridivadvāracakreṇa tapatā lokamavyayam
175.23
sahasraraśmiyuktena bhrājamānena tejasā || cacāra madhye lokānāṃ dvādaśātmā dineśvaraḥ
175.24
somaḥ śvetahaye bhāti syandane śītaraśmimān || himavattoyapūrṇābhirbhābhirāhlādayañjagat
175.25
tamṛkṣapūgānugataṃ śiśirāṃśuṃ dvijeśvaram
śaśacchāyāṅkitatanuṃ naiśasya tamasaḥ kṣayam
175.26
jyotiṣāmīśvaraṃ vyomni rasānāṃ rasaḍhaṃ prabhum || oṣadhīnāṃ sahasrāṇāṃ nidhānama
mṛtasya ca
175.27
jagataḥ prathamaṃ bhāgaṃ saumyaṃ satyamayaṃ ratham || dahaśurdānavāḥ somaṃ himapraharaṇaṃ sthitam
175.28
yaḥ prāṇaḥ sarvvabhūtānāṃ
pañcadhā bhidyate nṛṣu || saptadhātugato lokāṃstrīn dadhāra cacāra ca
175.29
yamāhuragnikarttāraṃ sarvvaprabhavamīśvaram || saptasvaragato yaśca
nityaṃ gīrbhirudīryyate
175.30
yaṃ vadantyuttamaṃ bhūtaṃ yaṃ vadantyaśarīriṇam || yamāhurākāśagamaṃ śīghragaṃ śabdayoginam
175.31
sa vāyuḥ
sarvvabhūtāyurudbhūtaḥ svena tejasā || vavau pravyathayandaityānpratilomaṃ satoyadaḥ
175.32
maruto divyagandharvvairvvidyādharagaṇaiḥ saha || cikrīḍura
sribhiḥ śubhrairnirmuktairiva pannagaiḥ
175.33
sṛjantaḥ sarpapatayastīvratoyamayaṃ viṣam || śarabhūtā divīndrāṇāṃ cerurvyāttānanā divi
175.34
parvvataiśca
śilāśṛṅgaiḥ śataśaścaiva pādapaiḥ || upatasthuḥ suragaṇāḥ praharttuṃ dānave bale
175.35
yaḥ sa devo hṛṣīkeśaḥ padmanābhastrivikramaḥ || yugānte kṛṣṇavarṇābho
viśvasya jagataḥ prabhuḥ
175.36
sarvvayoniḥ sa madhuhā havyabhuk ṛtusaṃsthitaḥ || bhūmyāmyovyomabhūtātmā śyāmaḥ śāntikaro'rihā
175.37
arighnamamarādīnāṃ cakraṃ gṛhya gadādharaḥ || arkai nagādivodyantamudyamyottamatejasā
175.38
savyenālambhya mahatīṃ sarvvāsuravināśinīm || kareṇa kālīṃ
vapuṣā śatrukālapradāṃ gadām
175.39
anyairbhujaiḥ pradīptābhairbhujagāridhvajaḥ prabhuḥ || dadhārāyudhajātāni śāṅgadīni mahābalaḥ
175.40
sa kaśyapasyā
tmabhuvaṃ dvijaṃ bhujagabhojanam || pavanādhikasampātaṃ gaganakṣobhaṇaṃ khagam
175.41
bhujagendreṇa vadane niviṣṭena virājitam || amṛtārambhanirmukttaṃ manda
rādrimivocchritam
175.42
devāsuravimarddeṣu bahuśo dṛḍhavikramam || mahendreṇāmṛtasyārthe vajreṇa kṛtalakṣaṇam
175.43
śikhinaṃ balinañcaiva tapta
kuṇḍalabhūṣaṇam || vicitrapatravasanaṃ dhātumantamivācalam
175.44
sphītakroḍāvalambena śītāṃśusamatejasā || bhogibhogāvāsiktena maṇiratnena bhāsvatā
175.45
pakṣābhyāṃ cārupatrābhyāmāvṛtya divi līlayā || yugānte sendracāpābhyāṃ toyadābhyāmivāmbaram
175.46
nīlalohitapītābhiḥ patā
kābhiralaṅkṛtam || ketuveṣapraticchannaṃ mahākāyaniketanam
175.47
aruṇāvarajaṃ śrīmānāruhya samare vibhuḥ || suvarṇṇavarṇavapuṣā suparṇaṃ khecarottamam
175.48
tamanvayurddevagaṇā munayaśca samāhitāḥ || gīrbhiḥ paramamantrābhistuṣṭuvuśca janārddanam
175.49
tadvaiśravaṇasaṃśliṣṭaṃ vaivasvatapuraḥsaram
dvijarājaparikṣiptaṃ devarājavirājitam
175.50
candraprabhābhirvipulaṃ yuddhāya samavarttata || svastyastu devebhya iti bṛhaspatirabhāṣata
svastyastu dānavānīke uśanā vākyamādade
175.50.p1
iti śrīmātsye mahāpurāṇe tārakāmayasaṃgrāme catuḥsaptatyadhikaśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Critical edition (BORI) — Sanskrit
- Narasiṃhapurāṇa — Sanskrit