Matsya 177
Matsya 177
- Language
- Sanskrit
Contents
- 177.61 — 1 part
177.1
cha || || matsya uvāca || || evamastviti saṃhṛṣṭaḥ śakrastridaśavarddhanaḥ || sandideśāgrataḥ somaṃ yuddhāya śiśirāyudham
177.2
gaccha soma sahāyatvaṃ kuru pāśadharasya vai || asurāṇāṃ vināśāya jayārthañca divaukasām
177.3
tvaṃ mattaḥ prativīryyaśca jyoti
ṣāñceśvareśvaraḥ || tanmayaṃ sarvvalokeṣu rasaṃ rasavido viduḥ
177.4
kṣayavṛddhī tava vyakte sāgarasyeva maṇḍale || parivarttayatyahorātraṃ kālaṃ jagati
yojayan
177.5
lokacchāyāmayaṃ lakṣma tavāṅkaḥ śaśasannibhaḥ || na viduḥ soma devāpi ye ca nakṣatrayonayaḥ
177.6
tvamādityapathādūrddhvaṃ
jyotiṣāñcopari sthitaḥ || tamaḥ protsāryya mahasā bhāsayasyakhilaṃ jagat
177.7
śvetabhānurhimatanurjyotiṣāmadhipaḥ śaśī || adhikṛtkā
layogānmā iṣṭo yajñaśca so'vyayaḥ
177.8
oṣadhīśaḥ kriyāyonirabjayoniranuṣṇabhāḥ || śītāṃśugmṛtādhāraścapalaḥ śvetavāhanaḥ
177.9
tvaṃ
kāntiḥ kāntivapuṣāṃ tvaṃ somaḥ somapāyinām || saumyastvaṃ sarvvabhūtānāṃ timiraghnastvamṛkṣarāṭ
177.10
tadgaccha tvaṃ mahāsena varuṇena sahāthinā
śamaya tvāsurīṃ māyāṃ yayā dahyāma saṃyuge
177.11
soma uvāca || || yanmāṃ vadasi yuddhārthaṃ devarāja varaprada || evaṃ varṣāmi śiśiraṃ daityamāyā
pakarṣaṇam
177.12
etānmacchītanirddagdhānpaśya svahimaveṣṭitān || vimāyānvimadāṃścaiva daityasiṃhānmahāhave
177.13
teṣāṃ himakarotsṛṣṭāḥ sapāśā
himavṛṣṭayaḥ || veṣṭayanti sma tānvorāndaityānmeghagaṇā iva
177.14
tau pāśaśītāṃśudharau varuṇendū mahābalau || jaghnaturhimapātaiśca pāśapātaiśca
dānavān
177.15
dvāvambunāthau samare tau pāśahimayodhinau || mṛdhe ceraturmbhobhiḥ kṣubdhāviva mahārṇavau
177.16
tābhyāmāplāvitaṃ sainyaṃ tadvā
navamadṛśyata || jagatsaṃvarttakāmbhodaiḥ praviṣṭairiva saṃvṛtam
177.17
tāvudyatāmbunāthau tu śaśāṅkavaruṇāvubhau || śamayāmāsaturmāyāṃ devau daitye
ndrānermmiṃtām
177.18
śītāṃśujālanirdagdhāḥ pāśaiśca spanditā raṇe || na śekuścalituṃ daityā viśiraskā ivādrayaḥ
177.19
śītāṃśunihatāste
tu daityāstoyahimārdditāḥ || himāplāvitasarvāṅgā niruṣmāṇa ivāgnayaḥ
177.20
teṣāntu divi daityānāṃ viparītaprabhāṇi vai || vimānāni vici
trāṇi prapatantyutpatanti ca
177.21
tānpāśahastagrathitāṃśchāditāñchītarāśmibhiḥ || mayo dadarśa māyāvī dānavāndivi dānavaḥ
177.22
sa śilājālavitatāṃ khaḍgacarmmāṭṭahāsinīm || pādapotkaṭakūṭāgrāṃ kandarākīrṇakānanām
177.23
siṃhavyāghragaṇākīrṇāṃ nadadvirrdvijayūthapaiḥ
īhāmṛgagaṇākīrṇāṃ pavanāghūrṇitadrumām
177.24
nirmmitāṃ svena yatnena kūjitāṃ divi kāmagām || prathitāṃ pārvvatīṃ māyāmasṛjatsa samantataḥ
177.25
sāsirābdaiḥ śilāvarṣaiḥ sampadbhiāśca pādapaiḥ || jaghāna devasaṅghāṃśca dānavāṃścāpyajīvayat
177.26
naiśākarī vāruṇī ca māye'ntardadhatustataḥ || asi
bhiścāyasagaṇaiḥ kirande vagaṇāraṇe
177.27
sāśmayantrāyudhaghanā drumaparvvatasaṅkaṭā || abhavadghorasañcārā pṛthivī parvvatairiva
177.28
aśmanā prahatāḥ kecicchilābhiḥ śakalīkṛtāḥ || nāniruddho drumagaṇairdevo'dṛśyata kaścana
177.29
tadapadhvastadhanuṣaṃ bhagnapraharaṇāvilam || niṣprayatnaṃ
surānīkaṃ varjayitvā gadādharam
177.30
sa hi yuddhagataḥ śrīmānīśāno'ḍma vyakampata || sahiṣṇutvājjagatsvāmī na cukrodha gadādharaḥ
177.31
kālajñaḥ kālameghābhaḥ samīkṣankālamāhave || devāsuravimarddantu draṣṭukāmastadā hariḥ
177.32
tato bhagavatā dṛṣṭau raṇe pāvakamārutau || coditau
viṣṇuvākyena tau māyāmapakarṣatām
177.33
tābhyāmuddhāntavegābhyāṃ pravṛddhābhyāṃ mahāhave || dagdhā sā pārvvatī māyā bhasmībhūtā nanāśa ha
177.34
so'nilo'nalasaṃyuktaḥ so'nalaścānilākulaḥ || daityasenāṃ dadahaturyugānteṣviva mūrcchitau
177.35
vāyuḥ pradhāvitastatra paścādagnirastu mārutam
ceraturdānavānīke krīḍantāvanilānalau
177.36
bhasmāvayavabhūteṣu prapatatsūtpatatsu ca || dānavānāṃ vimāneṣu nipattasu samantataḥ
177.37
vāta
skandhāpaviddheṣu kṛtakarmmaṇi pāvake || māyābandhe nivṛtte tu stūyamāne gadādhare
177.38
niṣprayatneṣu daityeṣu trailokye muktabandhane || saṃprahṛṣṭeṣu
deveṣu sādhu sādhviti sarvvaśaḥ
177.39
jaye daśaśatākṣasya daityānāñca parājaye || dikṣu sarvvāsu śuddhāsu pravṛtte dharmmavistare
177.40
apāvṛte candramasi svasthānasthe divākare || prakṛtistheṣu lokeṣu triṣu cāritravandhuṣu
177.41
yajamāneṣu bhūteṣu praśānteṣu ca pāpmasu
abhimantrandhane mṛtyau hūyamāne hutāśane
177.42
yajñaśobhiṣu deveṣu svargārthaṃ darśayatsu ca || lokapāleṣu sarvveṣu dikṣu saṃyānavarttiṣu
177.43
bhāve
tapasi siddhānāmabhāve pāpakarmaṇām || devapakṣe pramudite daityapakṣe viṣīdati
177.44
tripādavigrahe dharmme adharmme pādavigrahe || apāvṛtte mahādvāre
varttamāne ca satpathe
177.45
loke pravṛtte dharmmeṣu sudharmmeṣvāśrameṣu ca || prajārakṣaṇayukteṣu bhrājamāneṣu rājasu
177.46
praśāntakalmaṣe loke śānte tamasi
dānave || agnimārutayostatra vṛtte saṃgrāmakarmmaṇi
177.47
tanmayā vipulā lokāstābhyāṃ tajjayakṛt kriyā || pūrve daityabhayaṃ śrutvā mārutāgniṃ
kṛtaṃ mahat
177.48
kālanemīti vikhyāto dānavaḥ pratyadṛśyata || bhāskarākāramukuṭaḥ śiñjitābharaṇāṅgadaḥ
177.49
mandarādripratīkāśo
mahārejataparvvataḥ || śatapraharaṇodyagraḥ śatabāhuḥ śatānanaḥ
177.50
śataśīrṣaḥ sthitaḥ śrīmāñchataśṛṅga ivācalaḥ || pakṣe mahati saṃvṛddho
nidāgha iva pāvakaḥ
177.51
dhūmrakeśo haricchmaśruḥ sandaṣṭauṣṭhapuṭānanaḥ || trailokyāntaravistāri dhārayanvipulaṃ vapuḥ
177.52
bāhubhistula
yanvyoma kṣipanpadbhyāṃ mahīdharān || īrayanmukhaniḥśvāsairvṛṣṭiyuktānyalāhakān
177.53
tiryagāyataraktākṣaṃ mandarodyagravarcasam || didhakṣantamivyāyāntaṃ
sarvvānde vagaṇāṃnmṛdhe
177.54
tarjayantaṃ suragaṇāṃñchādayantaṃ diśo daśa || saṃvarttakāle tṛṣitaṃ dṛṣṭaṃ mṛtyumivotthitam
177.55
sutaleno
cchrayavatā vipulāṅguliparvvaṇā || lambābharaṇapūrvena kiñcitcalitarkmaṇā
177.56
ucchritenāgrahastena dakṣiṇena vapuṣmatā || dānavānde
vanihatānuttiṣṭhadhvamiti bruvan
177.57
taṃ kālanemiṃ samare dviṣatāṃ kālaceṣṭitam || vīkṣante sma surāḥ sarvve bhayavibhrastalocanāḥ
177.58
taṃ vīkṣanti sma bhūtāni kramantaṃ kālaneminam || trivikramaṃ vikramantaṃ nārāyaṇamivāparam
177.59
so'tyucchrayapuraḥpādmārutāghūrṇitāmbaraḥ
prakāmantrasuro yuddhe trāsayāmāsa devatāḥ
177.60
sa mayenāsurendreṇa pariṣvaktastato raṇe || kālanemirbabhau daityaḥ saviṣṇukhira mandaraḥ
177.61
atha
vivyathire devāḥ sarvve śakrapurogamāḥ || kālanemiṃ samāyāntaṃ dṛṣṭvā kālamivāparam
177.61.p1
iti śrīmātsye mahāpurāṇe tārakāmayayuddhe ṣaṭsaptatyadhika śatatamo'dhyāyaḥ
Linked texts (2)
- Critical edition (BORI) — Sanskrit
- Matsyapurāṇa — Vyāsa, Sanskrit