Pramāṇa · Search · About · API

Matsya 180

Matsya 180

Language
Sanskrit

Contents

180.1

ṛṣaya ūcuḥ || || śrutaḥ padmodbhavastāta vistareṇa tvayeritaḥ || samāsādbhavamāhātmyaṃ
bhairavasya vidhīyatām

180.2

sūta uvāca || || tasyāpi devadevasya śṛṇudhvaṃ karmma cottamam || āsīddaityo'ndhako nāma bhinnāñjanacayopamaḥ

180.3

tapasā mahatā yukto hyavadhyastridivaukasām

180.3-2

sa kadācinmahādevaṃ pārvvatyā sahitaṃ prabhum

180.4

krīḍamānaṃ tadā dṛṣṭvā hartuṃ devīṃ pracakrame || tasya yuddhaṃ
tadā ghoramabhavatsaha śambhunā

180.5

āvantye viṣaye ghore mahākālavanaṃ prati || tasminyuddhe tadā rudraścāndhakenātipīḍitaḥ

180.6

sasṛje bāṇamatyugraṃ
nāmnā pāśupataṃ hi tat || rudrabāṇavinirbhedādrudhirādandhakasya tu

180.7

andhakāśca samutpannāḥ śataśo'tha sahasraśaḥ || teṣāṃ vidāryyamāṇānāṃ rudhirādapare
punaḥ

180.8

babhūvurandhakā ghorā yairvyāptamakhilaṃ jagat || evaṃ māyāvinaṃ dṛṣṭvā tañca devastadāndhakam

180.9

pānārthamandhakāsrasya so'sṛjanmātarastadā
māheśvarī tathā brāhmī kaumārī mālinī tathā

180.10

sauparṇī hyatha vāyavyā śākrī vai nairṛtā tathā || saurī saumyā śivā dūtī cāmuṇḍā cātha vāruṇī

180.11

vārāhī nārasiṃhī ca vaiṣṇavī ca calacchalā || śatānandā bhagānandā picchilā bhagamālinī

180.12

balā cātibalā raktā surabhī mukhamaṇḍikā
mātṛnandā sunandā ca viḍālī śakunī tathā

180.13

revatī ca mahāraktā tathaiva pilapicchikā || jayā ca vijayā caiva jayantī cāparājitā

180.14

kālī caiva mahākālī dūtī caiva tathaiva ca || subhagā durbhagā caiva karālī nandinī tathā

180.15

āditiśca ditiścaiva mārī vai mṛtyureva ca || karṇamoṭī tathā
grāmyā ulūkī ca ghaṭodarī

180.16

kapālī vajrahastā ca piśācī rākṣasī tathā || bhuśuṇḍī śāṅkarī caṇḍā lāṅgalī kuṭabhī tathā

180.17

kheṭā
sulocanā dhūmrā ekavīrā karālinī || viśāladaṃṣṭriṇī śyāmā trijaṭī kukkuṭī tathā

180.18

vaināyakī ca vaitālī unmattodumbarī tathā || siddhiśca
lelihānā ca kekrī gardabhī tathā

180.19

bhrukuṭī bahuputrī ca pretayānā viḍambinī || krauñcā śailamukhī caiva vinatā surasā danuḥ

180.20

uṣā rambhā
menakā ca salilā citrarūpiṇī || svāhā svadhā vaṣaṭkārā dhṛtirjyeṣṭhā kapardinī

180.21

māyā vicitrarūpā ca kāmarūpā ca saṅgamā || mukhevilā
maṅgalā ca mahānāsā mahāmukhī

180.22

kumārī rocanā bhīmā sadāhā sā madoddhatā || alambākṣī kālaparṇī kumbhakarṇī mahāsurī

180.23

keśinī śaṅkhinī lambā piṅgalā lohitāmukhī || ghaṇṭāravātha daṃṣṭrālā rocanā kākajaṅghikā

180.24

gokarṇikājamukhikā mahāgrīvā mahāmukhī
ulkāmukhī dhūmraśikhā kampinī parikampinī

180.25

mohanā kampanā śvetā nirbhayā bāhuśālinī || sarpakarṇī tathaikākṣī viśokā nandinī tathā

180.26

jyotsnāmukhī ca rabhasā nikumbhā raktakampanā || avikārā mahācitrā candrasenā manoramā

180.27

adarśanā hṛtapāpā mātaṅgī lambamekhalā
abālā vañcanā kālī pramodā lāṅgalāvatī

180.28

cittā cittajalā koṇā śāntikā'thavināśinī || lambastanī lambasaṭā visaṭā vāsacū
rṇinī

180.29

skhalantī dīrghakeśī ca sucirā sundarī śubhā || ayomukhī kaṭumukhī krodhanī ca tathāśanā

180.30

kuṭumbikā muktikā ca
candrikā balamohinī || sāmānyā hāsinī lambā kovidārī samāsadī

180.31

śaṅkakarṇī mahānādā mahādevī mahodarī || huṅkārī rudrasusaṭā rudreśī
bhūtaḍāmarī

180.32

piṇḍajihvā calajjvālā śivā jvālāmusī tathā || etāścānyāśca deveśaḥ so'sṛjanmātarastadā

180.33

andhakānāṃ mahāghorāḥ
papustadrudhiraṃ tadā || tato'ndhakāsṛjaḥ sarvvāḥ parāṃ tṛptimupāgatāḥ

180.34

tāsu tṛptāsu saṃbhūtā bhūya evāndhakaprajāḥ || ardditastairmahādevaḥ śūlamudga
rapāṇibhiḥ

180.35

tataḥ sa śaṅkaro devastvandhyaikairvyākulīkṛtaḥ || jagāma śaraṇaṃ devaṃ vāsudevamajaṃ vibhum

180.36

tatastu bhagavān viṣṇuḥ sṛṣṭavān
śuṣkarevatīm || yā papau sakalaṃ teṣāmandhakānāmasṛk kṣaṇāt

180.37

yathā yathā ca rudhiraṃ pibantyandhakasambhavam || tathā tathādhikaṃ devī saṃśuṣyati
janādhipa

180.38

pīyamāne tayā teṣāmandhakānāṃ tathāsṛji || andhakāstu kṣayaṃ nītāḥ sarvve te tripurāriṇā

180.39

mūlāndhakantu vikramya tadā
śarvvastrilokadhṛk || cakāra vegācchūlāgre sa ca tuṣṭāva śaṅkaram

180.40

andhakastu mahāvīryyastasya tuṣṭo'bhavadbhavaḥ || sāmīpyaṃ pradadau nityaṃ gaṇeśātvaṃ
tathaiva ca

180.41

tato mātṛgaṇāḥ sarvve śaṅkaraṃ vākyamabruvan || bhagavanbhakṣayiṣyāmaḥ sadevāsuramānuṣān || tvatprasādājjagatsarvvaṃ tadanujñātu
marhasi

180.42

śaṅkara uvāca || || bhavatībhiḥ prajāḥ sarvvā rakṣaṇīyā na saṃśayaḥ || tasmāddhorādabhiprāyānmanaḥ śīghraṃ nivarttyatām

180.43

ityevaṃ śaṅkareṇoktamanādṛtya vacastadā || bhakṣayāmāsuratyugrāstrailokyaṃ sacarācaram

180.44

trailokye bhakṣyamāṇe tu tadā mātṛgaṇena vai
nṛsiṃhamūrttiṃ deveśaṃ pradadhyau bhagavāñchivaḥ

180.45

anādinidhanaṃ devaṃ sarvvalokabhavodbhavam || daityendravakṣorudhiracarccitāgramahānakham

180.46

vidyujjihnaṃ mahādaṃṣṭraṃ sphuratkesarakaṇṭakam || kalpāntamārutakṣubdhaṃ saptāṇarvasamasvanam

180.47

vajratīkṣṇanakhaṃ ghoramākarṇavyāditānanam || meruśailapratī
kāśamudyārkasameśaṇam

180.48

himādriśikharākāraṃ cārudaṃṣṭrojjvalānanam || nakhaniḥsṛtaroṣāmrijvālākesaramālinam

180.49

vajrāṅgadaṃ sumukuṭaṃ
hārakeyūrabhūṣaṇam || śroṇīsūtreṇa mahatā kāñcanena virājitam

180.50

nīlotpaladalaśyāmaṃ vāsoyugavibhūṣaṇam || tejasākrāntasakala brahmāṇḍāgāra
saṅkulam

180.51

pavanaṃ bhrāmyamāṇānāṃ hutahavyavāhāccipām || āvarttasadṛśākāraiḥ saṃyuktaṃ dehalomajaiḥ

180.52

sarvvapuṣpavicitrāñca dhārayantaṃ mahāsra
jam || sa dhyātamātro bhagavānpradadau tasya darśanam

180.53

yādṛśenaiva rūpeṇa dhyāto rudreṇa dhīmatā || tādṛśenaiva rūpeṇa durnirīkṣyeṇa daivataiḥ

180.54

praṇipatya tu deveśaṃ tadā tuṣṭāva śaṅkaraḥ

180.55

śaṅkara uvāca || || namaste'stu jagannātha narasiṃhavapuddhara||daityanāthāsṛjā pūrṇa nakhaśaktivirājita

180.56

tataḥ sakalasaṃlagna hemapiṅgalavigraha || nato'smi padmanābha tvāṃ suraśakra jagadguro

180.57

kalpāntāmbhodanirghoṣa sūryyakoṭisamaprabha || sahastrayamasaṃkrodha
sahasrendraparākrama

180.58

sahasradhanadasphīta sahasravaruṇātmaka || sahasrakālaracita sahasraniyatendriya

180.59

sahasrabhūrmahādhairyya sahasrānantamūrttiman
sahasracandrapratima sahasragrahavikrama

180.60

sahasrarudratejaska sahasrabrahmasaṃstuta || sahasrabāhuvegoya sahasrāsyanirīkṣaṇa || sahasrayantramathana sahasravadhamocana

180.61

andhakasya vināśāya yā sṛṣṭā mātaro mayā || anādṛtya tu madvākyaṃ bhakṣayantyadya tāḥ prajāḥ

180.62

kṛtvā tāśca na śakto'haṃ saṃhartumaparājita
svayaṃ kṛtvā kathaṃ tāsāṃ vināśamabhikāraye

180.63

evamuktaḥ sa rudreṇa narasiṃhavapurddharaḥ || sasarja devo jihvāyāstadā vāṇīśvarīṃ hariḥ

180.64

hṛdayācca tathā māyā guhyācca bhavamālinī || asthibhyaśca tathā kālī sṛṣṭā pūrvaṃ mahātmanā

180.65

yayā tadrudhiraṃ pītamandhakānāṃ mahātmanām
yā cāsmin kathitā loke nāmataḥ śuṣkarevatī

180.66

dvātriṃśanmātaraḥ sṛṣṭā gātrebhyaścakriṇā tataḥ || tāsāṃ nāmāni vakṣyāmi tāni me gadataḥ
śṛṇu

180.67

sarvvāstāstu mahābhāgā ghaṇṭākarṇī tathaiva ca || trailokyamohinī puṇyā sarvvasattvavaśaṅkarī

180.68

tathā ca cakrahṛdayā pañcamī vyomacā
riṇī || śaṅkhinī lekhinī caiva kālasaṃkarṣaṇī tathā

180.69

ityetāḥ pṛṣṭhagā rājan vāgīśānucarāḥ smṛtāḥ || saṅkarṣaṇī tathāśvatthā bījabhāvāparājitā

180.70

kalyāṇī madhudaṃṣṭrī ca kamalotpalahastikā || iti devyaṣṭakaṃ rājan māyānucaramucyate

180.71

ajitā sūkṣmahṛdayā vṛddhā veśāimadarśanā
nṛsiṃhabhairavā bilvā garutmaddhṛdayā jayā

180.72

bhavamālinyanucarā ityaṣṭau nṛpa mātaraḥ || ākarṇanī sambhaṭā ca tathaivottaramālikā

180.73

jvālāmukhī bhīṣaṇikā kāmadhenuśca bālikā || tathā padmakarā rājan revatyanucarāḥ smṛtāḥ

180.74

aṣṭau mahābalāḥ sarvvā devagātrasamudbhavāḥ || trailokya
sṛṣṭisaṃhārasamarthāḥ sarvvadevatāḥ

180.75

tāḥ sṛṣṭamātrā devena kruddhā mātṛgaṇasya tu || pradhāvitā mahārāja krodhavisphāritekṣaṇāḥ

180.76

aviṣahyatamaṃ tāsāṃ dṛṣṭiṭejaḥ sudāruṇam || tameva śaraṇaṃ prāptā nṛsiṃho vākyamabravīt

180.77

yathā manuṣyāḥ paśavaḥ pālayanti cirātsutān
jayanti te tathaivāśu yathā vai devatāgaṇāḥ

180.78

bhavatyastu tathā lokān pālayantu mayeritāḥ || manujaiśca tathā devairyajadhvaṃ tripurāntakam

180.79

na ca bādhā prakarttavyā ye bhaktāstripurāntake||ye ca māṃ saṃsmarantīha te ca rakṣyāḥ sadā narāḥ

180.80

balikarmma kariṣyanti yuṣmākaṃ ye sadā narāḥ
sarvvakāmapradāsteṣāṃ bhaviṣyadhvaṃ tathaiva ca

180.81

ucchāsanādikaṃ ye ca kathayanti mayeritam || te ca rakṣyāḥ sadā lokā rakṣitavyaṃ madāsanam

180.82

raudrīścaiva parāṃ mūrtti mahādevaḥ pradāsyati|| yuṣmanmukhyā mahādevyastaduktaṃ parirakṣyatha

180.83

mayā mātṛgaṇaḥ sṛṣṭo yo'yaṃ vigatasādhvasaḥ || eṣa nityaṃ
viśālākṣo mayaiva saha raṃsyate

180.84

mayā sārddhaṃ tathā pūjāṃ narebhyaścaiva lapsyatha || pṛthak supūjitā lokaiḥ sarvvānkāmānpradāsyatha

180.85

śuṣkāṃ saṃpūjayiṣyanti ye ca putrārthino janāḥ || teṣāṃ putrapradā devī bhaviṣyati na saṃśayaḥ

180.86

evamuktvā tu bhagavānsaha mātṛgaṇena tu || jvālā
mālākulavapustatraivāntaradhīyata

180.87

tatra tīrthaṃ samutpannaṃ kṛtaśauceti yajjaguḥ || tatrāpi pūrvajo devo jagadārttiharo haraḥ

180.88

raudrasya
mātṛvargasya dattvā rudrastu pārthiva || raudrāṃ divyāṃ tanuṃ tatra mātṛmadhye vyavasthitaḥ

180.89

sapta tā mātaro devyaḥ sārddhanārīnaraḥ śivaḥ || niveśya
raudraṃ tatsthānaṃ tatraivāntaradhīyata

180.90

sa mātṛvargasya harasya mūrttiryadā yadā yāti ca tatsamīpe || deveśvarasyāpi nṛsiṃhamūrtteḥ pūjāṃ vidhatte tripurā
ndhakāriḥ

180.90.p1

iti śrīmatsye mahāpurāṇe'ndhakavadho nāmaikonāśītyadhikaśatatamo'dhyāyaḥ

Linked texts (2)