Matsya 182
Matsya 182
- Language
- Sanskrit
Contents
- 182.32 — 1 part
182.1
sūta uvāca || || imāṃ puṇyodbhavāṃ snigdhāṃ kathāṃ pāpapraṇāśinīm || śṛṇvantu ṛṣayaḥ sarvve suviśuddhāstapodhanāḥ
182.2
gaṇeśvarapatiṃ divyaṃ rudratu
lyaparākramam || sanatkumāro bhagavānpṛcchate nandikeśvaram
182.3
brūhi guhyaṃ yathātattvaṃ yatra nityaṃ bhavaḥ sthitaḥ || māhātmyaṃ sarvvabhūtānāṃ
paramātmā maheśvaraḥ
182.4
ghorarūpaṃ samāsthāya duṣkaraṃ devadānavaiḥ || ābhūtasaṃplavaṃ yāvatsthāṇubhūto maheśvaraḥ
182.5
nandikeśvara
uvāca || || purā devena yatproktaṃ purāṇaṃ puṇyamuttamam || tatsarvvaṃ sampravakṣyāmi namaskṛtya maheśvaram
182.6
tato devena tuṣṭena umāyāḥ
priyakāmyayā || kathitaṃ bhuvi vikhyātaṃ yatra nityaṃ svayaṃ sthitaḥ
182.7
rudrasyārddhāsanagatā meruśṛṅge yaśasvinī || mahādevaṃ tato devī
praṇatā paripṛcchati
182.8
bhagavandevadeveśa candrāddhakṛtaśekhara || dharmmaṃ prabrūhi martyānāṃ bhuvi caivorddharetasām
182.9
japtaṃ dattaṃ hutañce
ṣṭaṃ tapastaptaṃ kṛtañca yat || dhyānādhyayanasampannaṃ kathaṃ bhavati cākṣayam
182.10
janmāntarasahasreṇa yatpāpaṃ pūrvvasañcitam || kathaṃ tattakṣa
yamāyāti tanmamācakṣva śaṅkara
182.11
yasminvyavasthito bhaktyā tuṣyase parameśvara || vratāni niyamāścaiva ācāro dharma eva ca
182.12
sarvvasiddhikaraṃ yatra hyakṣayyagatidāyakam || vaktumarhasi tatsarvvaṃ paraṃ kautūhalaṃ hi me
182.13
maheśvara uvāca || || śṛṇu devi pravakṣyāmi
guhyānāṃ guhyamuttamam || sarvvakṣetreṣu vikhyātamavimuktaṃ priyaṃ mama
182.14
aṣṭaṣaṣṭiḥ purā proktā sthānānāṃ sthānamuttamam || yatra sākṣā
tsvayaṃ rudraḥ kṛttivāsāḥ svayaṃ sthitaḥ
182.15
yatra sannihito nityamavimukte nirantaram || tatkṣetraṃ na mayā muktamavimuktaṃ tataḥ smṛtam
182.16
avimukte parā siddhiravimukte parā gatiḥ || japtaṃ dattaṃ hutañceṣṭaṃ tapastaptaṃ kṛtañca yat
182.17
dhyānamadhyayanaṃ dānaṃ sarvvaṃ bhavati cākṣayam
janmāntarasahasreṇa yatpāpaṃ pūrvvasañcitam
182.18
avimuktaṃ praviṣṭasya tatsarvvaṃ vrajati kṣayam || avimuktāgninā dagdhamagnau tūlamivāhitam
182.19
brāhmaṇāḥ kṣatriyā vaiśyāḥ śūdrā vai varṇasaṅkarāḥ || kṛmimlecchāśca ye cānye saṅkīrṇāḥ pāpayonayaḥ
182.20
kīṭāḥ pipīlikāścaiva ye cānye mṛgapakṣiṇaḥ
kālena nidhanaṃ prāptā avimukte śṛṇu priye
182.21
candrārddhamaulinaḥ sarvve lalāṭākṣā vṛṣadhvajāḥ || śive mama pure devi jāyante tatra mānavāḥ
182.22
akāmo vā sakāmo vā hyapi tiryaggato'pi vā || avimukte tyajanprāṇānmama loke mahīyate
182.23
avimuktaṃ yadā gacchetkadāci
tkālaparyyayāt || aśmanā caraṇau baddhvā tatraiva nidhanaṃ vrajet
182.24
avimuktaṃ gato devi na nirgacchettataḥ punaḥ || so'pi matpadamāpnoti
nātra kāryyā vicāraṇā
182.25
vaprapradaṃ rudrakoṭiṃ siddheśvaramahālayam || gokarṇaṃ rudrakarṇañca suvarṇākṣaṃ tathaiva ca
182.26
amarañca mahākālaṃ
tathā kāyāvarohaṇam || etāni hi pavitrāṇi sānnidhyātsandhyayordvayoḥ
182.27
kāliñjaravanañcaiva śaṅkukarṇaṃ sthaleśvaram || etāni
ca pavitrāṇi sānnidhyāddhi mama priye || avimukte varārohe trisandhyaṃ nātra saṃśayaḥ
182.28
hariścandraṃ paraṃ guhyaṃ guhyamāmnātakeśvaram || jale
śvaraṃ paraṃ guhyaṃ guhyaṃ śrīparvvataṃ tathā
182.29
mahālayaṃ tathā guhyaṃ kṛmicaṇḍeśvaraṃ śubham || guhyātiguhyaṃ kedāraṃ mahābhairavameva ca
182.30
aṣṭāvetāni sthānāni sānnidhyāddhi mama priye || avimukte varārohe trisandhyaṃ nātra saṃśayaḥ
182.31
yāni sthānāni śrūyante triṣu lokeṣu suvrate
avimuktasya pādeṣu nityaṃ sannihitāni vai
182.32
athottarāṃ kathāṃ divyāpamavimuktasya śobhane || skando vakṣyati māhātmyamṛṣīṇāṃ bhāvitātmanām
182.32.p1
iti śrīmātsye mahāpurāṇe'vimuktamāhātmye ekāśītyadhikaśatatamo'dhyāyaḥ
Linked texts (3)
- Yoginītantra — Sanskrit
- Sanātanadharmoddhāra — Umāpati Dvivedin, Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit