Matsya 183
Matsya 183
- Language
- Sanskrit
Contents
- 183.27 — 1 part
183.1
sūta uvāca || || kailāsapṛṣṭhamāsīnaṃ
skandaṃ brahmavidāṃ varam || papracchuṛṣayaḥ sarvve sanakādyāstapodhanāḥ
183.2
tathā rājarṣayaḥ sarvve ye bhaktāstu maheśvare || brūhi tvaṃ skanda bhūloke yatra
nityaṃ bhavaḥ sthitaḥ
183.3
skanda uvāca || || mahātmā sarvvabhūtātmā devadevaḥ sanātanaḥ || ghorarūpaṃ samāsthāya duṣkaraṃ devadānavaiḥ
183.4
ābhū
tasaṃplavaṃ yāvatsthāṇubhūtaḥ sthitaḥ prabhuḥ || guhyānāṃ paramaṃ guhyamavimuktamiti smṛtam
183.5
avimukte sadā siddhiryatra nityaṃ bhavaḥ sthitaḥ
asya kṣetrasya māhātmyaṃ yaduktantvīśvareṇa tu
183.6
sthānāntaraṃ pavitrañca tīrthamāyatanaṃ tathā || śmaśānasaṃsthitaṃ veśma divyamantarhitañca
yat
183.7
bhūrloke naiva saṃyuktamantarikṣe śivālayam || ayuktāstu na paśyanti yuktāḥ paśyanti cetasā
183.8
brahmacaryyavratopetāḥ siddhā
vedāntakovidāḥ || ā dehapatanādyāvattatkṣetraṃ yo na muñcati
183.9
brahmacaryyavrataiḥ samyaksamyagiṣṭaṃ makhairbhavet || apāpātmā gatiḥ sarvvā
yā tūktā ca kriyāvatām
183.10
yastatra nivasedvipro'saṃyuktātmā'samāhitaḥ || trikālamapi bhuñjāno vāyubhakṣasamo bhavet
183.11
nimeṣamātramapi yo hyavimukte tu bhaktimān || brahmacaryyasamāyuktaḥ paramaṃ prāpnuyāttapaḥ
183.12
yo'tra māsaṃ vaseddhīro laghvāhāro jitendriyaḥ
samyak tena vrataṃ cīrṇaṃ divyaṃ pāśupataṃ mahat
183.13
janmamṛtyubhayaṃ tīrttvā sa yāti paramāṃ gatim || naiḥśreyasīṃ gatiṃ puṇyāṃ tathā yogagatiṃ vrajet
183.14
na hi yogagatirdivyā janmāntaraśatairapi || prāpyate kṣetramāhātmyāt prabhāvācchaṅkarasya tu
183.15
brahmahā yo'bhigacchettu avimuktaṃ kadācana
tasya kṣetrasya māhātmyādbrahmahatyā nivarttate
183.16
ā dehapatanādyāvat kṣetraṃ yo na vimuñcati || na kevalaṃ brahmahatyā prākṛtā ca nivarttate
183.17
prāpya viśveśvaraṃ devaṃ na sā bhūyo'bhijāyate || ananyamānaso bhūtvā yo'vimuktaṃ na muñcati
183.18
tasya devaḥ sadā tuṣṭaḥ sarvvān kāmān prayacchati
dvāraṃ yatsāṃkhyayogānāṃ sa tatra vasati prabhuḥ
183.19
sagaṇo hi bhavo devo bhaktānāmanukampayā || avimuktaṃ paraṃ kṣetramavimukte parā gatiḥ
183.20
avimukte parā siddhiravimukte paraṃ padam || avimuktaṃ niṣeveta devarṣigaṇasevitam
183.21
yadīcchenmānavo dhīmān na punarjāyate kvacit
meroḥ śakto guṇān vaktuṃ dvīpānāñca tathaiva ca
183.22
samudrāṇāñca sarvveṣāṃ nāvimuktasya śakyate|| antakāle manuṣyāṇāṃ chidyamāneṣu marmasu
183.23
vāyunā
preryyamāṇānāṃ smṛtirnaivopajāyate|| avimukte hyantakāle bhaktānāmīśvaraḥ svayam
183.25
karmmabhiḥ preryyamāṇānāṃ karṇajāpaṃ prayacchati|| maṇikarṇyāṃ tyajan
dehaṃ gatimiṣṭāṃ vrajennaraḥ||24||īśvaraprerito yāti duṣprāpāmakṛtātmabhiḥ|| aśāśvatamidaṃ jñātvā mānuṣyaṃ bahukilviṣam
183.27
avimuktaṃ niṣeveta saṃsā
rabhayamocanam||yogakṣemapadaṃ divyaṃ bahuvighnavināśanam|| 26||vighnaścāloḍyamāno'pi yo'vimuktaṃ na muñcati|| sa muñcati jarāṃ mṛtyuṃ janma caitadaśāśvatam
avimuktaprasādāttu śivasāyujyamāpnuyāt
183.27.p1
iti śrīmātsye mahāpurāṇe'vimuktamāhātmye dvyaśītyadhikaśatatamo'dhyāyaḥ
Linked texts (4)
- Matsyapurāṇa — Vyāsa, Sanskrit
- Tīrthacintāmaṇi — Vācaspatimiśra, Sanskrit
- Tīrthakāṇḍa — Lakṣmīdhara, Sanskrit
- Prabhāsakṣetramāhātmyam — Sanskrit