Pramāṇa · Search · About · API

Matsya 187

Matsya 187

Language
Sanskrit

Contents

187.1

cha|| || ṛṣaya ūcuḥ || || māhātmyamavimuktasya yathāvat kathitaṃ tvayā || idānīṃ narmmadāyāstu māhātmyaṃ vada
sattama

187.2

yatroddhārasya māhātmyaṃ kapilāsaṅgamasya ca || amareśasya caivāhurmāhātmyaṃ pāpanāśanam

187.3

kathaṃ pralayakāle tu na naṣṭā narmmadā purā
mārkaṇḍeyaśca bhagavān vinaṣṭastadā kila || tvayoktaṃ tadidaṃ sarvvaṃ punarvvistarato vada

187.4

sūta uvāca || || etadeva purā pṛṣṭaḥ pāṇḍavena mahātmanā
narmmadāyāstu māhātmyaṃ mārkaṇḍeyo mahāmuniḥ

187.5

ugreṇa tapasā yukto vanastho vanavāsinā || pṛṣṭaḥ pūrvāṃ mahāgāthāṃ dharmmaputreṇa dhīmatā

187.6

yudhiṣṭhira uvāca || || śrutā me vividhā dharmmāstvatprasādādvijottama || bhūyaśca śrotumicchāmi tanme kathaya suvrata

187.7

kathameṣā mahāpuṇyā
nadī sarvvatra viśrutā || narmmadā nāma vikhyātā tanme brūhi mahāmune

187.8

mārkaṇḍeya uvāca || || narmmadā saritāṃ śreṣṭhā sarvvapāpapraṇāśinī
tārayetsarvvabhūtāni sthāvarāṇi carāṇi ca

187.9

narmmadāyāstu māhātmyaṃ purāṇe yanmayā śrutam || tadetaddhi mahārāja tatsarvvaṃ kathayāmi te

187.10

puṇyā
kanakhale gaṅgā kurukṣetre sarasvatī || grāme vā yadi vā'raṇye puṇyā sarvvatra narmmadā

187.11

tribhiḥ sārasvataṃ toyaṃ saptāhena tu yāmunam || sadyaḥ punāti
gāṅgeyaṃ darśanādeva nārmadam

187.12

kaliṅgadeśe paścārddhe parvvate'marakaṇṭake || puṇyā ca triṣu lokeṣu ramaṇīyā manoramā

187.13

sadevāsuragandharvvā
ṛṣayaśca tapodhanāḥ || tapastaptvā mahārāja siddhiñca paramāṃ gatāḥ

187.14

tatra snātvā naro rājaniyamastho jitendriyaḥ || upoṣya rajanīmekāṃ kulānāṃ
tārayecchatam

187.15

jaleśvare naraḥ snātvā piṇḍaṃ dattvā yathāvidhi || pitarastasya tṛpyanti yāvadābhūtasaṃplavam

187.16

parvvatasya samantāttu rudra
koṭiḥ pratiṣṭhitā || snātvā yaḥ kurute tatra gandhamālyānulepanaiḥ

187.17

prītastasya bhaveccharvvo rudrakoṭirna saṃśayaḥ || paścime parvvatasyānte svayaṃ
devo maheśvaraḥ

187.18

tatra snātvā śucirbhūtvā brahmacārī jitendriyaḥ || pitṛkāryyañca kurvīta vidhivanniyatendriyaḥ

187.19

tilodakena tatraiva tarpayetpitṛ
devatāḥ || āsaptamaṃ kulaṃ tasya svarge modeta pāṇḍava

187.20

ṣaṣṭivarṣasahastrāṇi svargaloke mahīyate || apsarogaṇasaṅkīrṇe siddhacāraṇasevite

187.21

divyagandhānuliptaśca divyālaṅkārabhūṣitaḥ || tataḥ svargātparibhraṣṭo jāyate vipule kule

187.22

dhanavāndānaśīlaśca dhārmmikaścaiva jāyate
punaḥ smarati tattīrthaṃ gamanaṃ tatra rocate

187.23

kulāni tārayetsapta rudralokaṃ sa gacchati || yojanānāṃ śataṃ sāyaṃ śrūyate sariduttamā

187.24

vistāreṇa tu rājendra yojanadvayamāyatā || ṣaṣṭitīrthasahasrāṇi ṣaṣṭikoṭyastathaiva ca

187.26

sarvvaṃ tasya samantāttu tiṣṭhatyamarakaṇṭake || brahmacārī
śucirbhūtvā jitakrodho jitendriyaḥ

187.26-2

sarvvahiṃsānivṛttastu sarvvabhūtahite rataḥ || paraṃ sarvvasamācāro yastu prāṇānparityajet

187.27

tasya
puṇyaphalaṃ rājañchṛṇuṣvāvahito mama || śataṃ varṣasahasrāṇāṃ svarge modeta pāṇḍava

187.28

apsarogaṇasaṃkīrṇe siddhacāraṇasevite || divyagandhānuli
ptaśca divyapuṣpopaśobhitaḥ

187.29

krīḍate devalokastho devataiḥ saha modate || tataḥ svargātparibhraṣṭo rājā bhavati vīryyavān

187.30

gṛhantu
labhate vai sa nānāratnavibhūṣitam || stambhairmaṇimayairdivyairvajravaiḍūryyabhūṣitaiḥ

187.31

ālekhyasahitaṃ divyaṃ dāsīdāsasamanvitam || mattamātaṅga
śabdaiśca hayānāṃ heṣitena ca

187.32

kṣubhyate tasya tadvāramindrasya bhavanaṃ yathā || rājarājeśvaraḥ śrīmānsarvvastrījanavallabhaḥ

187.33

tasmi
ngṛhe uṣitvā tu krīḍābhogasamanvite || jīvedvarṣaśataṃ sāgraṃ sarvvarogavivarjitaḥ

187.34

evaṃ bhogo bhavettasya yo mṛto'marakaṇṭake || agnau
viṣajale vāpi tathā caiva hyanāśake

187.35

anivārrttikā gatistasya pavanasyāmbare yathā || patanaṃ kurute yastu amareśe narādhipa

187.36

kanyānāṃ trisahasrāṇi ekaikasyāpi cāpare || tiṣṭhanti bhuvane tasya preṣaṇaṃ prārthayanti ca || divyabhogaiḥ susaṃpannaḥ krīḍate kālamakṣayam

187.37

pṛthivyāmāsamudrāyāmīdṛśo naiva jāyate || yādṛśo'yaṃ nṛpaśreṣṭha parvvate'marakaṇṭake

187.38

tāvattīrthantu vijñeyaṃ parvvatasya tu paścime
hrado jaleśvaro nāma triṣu lokeṣu viśrutaḥ

187.39

tatra piṇḍapradānena sandhyopāsanakarmmaṇā || pitaro daśa varṣāṇi tarpitāstu bhavanti vai

187.40

dakṣiṇe narmmadākūle kapileti mahānadī || sakalārjunasaṃchannā nātidūre vyavasthitā

187.41

sāpi puṇyā mahābhāgā triṣu lokeṣu viśrutā
tatra koṭiśataṃ sāgraṃ tīrthānāntu yudhiṣṭhira

187.42

purāṇe śrūyate rājansarvvaṃ koṭiguṇaṃ bhavet || tasyāstīre tu ye vṛkṣāḥ patitāḥ kālaparyyayāt

187.43

narmmadātoyasaṃspṛṣṭāste'pi yānti parāṃ gatim || dvitīyā tu mahābhāgā viśalyakaraṇī śubhā

187.44

tatra tīrthe naraḥ snātvā viśalyo bhavati
kṣaṇāt || tatra devagaṇāḥ sarvve sakinnaramahoragāḥ

187.45

yakṣarākṣasagandharvvā ṛṣayaśca tapodhanāḥ || sarvve samāgatāstatra parvvate'marakaṇṭake

187.46

taiśca sarvvaiḥ samāgamya munibhiśca tapodhanaiḥ || narmmadāmāśritā puṇyā viśalyā nāma nāmataḥ

187.47

utpāditā mahābhāgā sarvvapāpapraṇāśinī
tatra snātvā naro rājanbrahmacārī jitendriyaḥ

187.48

upoṣya rajanīmekāṃ kulānāṃ tārayecchatam || kapilā ca viśalyā ca śrūyate rājasattama

187.49

īśvareṇa purā prokte lokānāṃ hitakāmyayā || tatra snātvā naro rājannaśvamedhaphalaṃ labhet

187.50

anāśakantu yaḥ kuryyāttasmiṃstīrthe narā
dhipa || sarvvapāpaviśuddhātmā rudralokaṃ sa gacchati

187.51

narmmadāyāstu rājendra purāṇe yanmayā śrutam || yatra yatra naraḥ snātvā cāśvamedhaphalaṃ labhet

187.52

ye vasantyuttare kūle rudraloke vasanti te || sarasvatyāñca gaṅgāyāṃ narmmadāyāṃ yudhiṣṭhira

187.53

samaṃ snānañca dānañca yathā me śaṅkaro'bravīt
parityajati yaḥ prāṇān parvate'marakaṇṭake

187.54

varṣakoṭiśataṃ sāgraṃ rudraloke mahīyate || narmmadāyā jalaṃ puṇyaṃ phenormmibhiralaṅkṛtam

187.55

pavitraṃ śirasā vandyaṃ sarvvapāpaiḥ pramucyate || narmmadā ca sadā puṇyā brahmahatyāpahāriṇī

187.56

ahorātropavāsena mucyate brahmahatyayā || evaṃ
ramyau ca puṇyā ca narmmadā pāṇḍunandana

187.57

trayāṇāmapi lokānāṃ puṇyā hyeṣā mahānadī || ghaṭeśvare mahāpuṇye gaṅgādvāre tapovane

187.58

eteṣu
sarvvasthāneṣu dvijāḥ syuḥ saṃśitavratāḥ || śrutaṃ daśaguṇaṃ puṇyaṃ narmmadodadhisaṅgame

187.58.p1

iti śrīmātsye mahāpurāṇe narmmadāmāhātmye ṣaḍaśītya dhikaśatatamo'dhyāyaḥ

Linked texts (8)