Matsya 190
Matsya 190
- Language
- Sanskrit
Contents
- 190.20 — 1 part
190.1
sūta uvāca|| || pṛcchanti te mahātmāno mārkaṇḍeyaṃ mahāmunim || yudhiṣṭhirapurogāste ṛṣayaśca tapodhanāḥ
190.2
ākhyāhi bhagavaṃstathyaṃ kāverīsaṅgamo mahān|| lokānāñca hitārthāya asmākañca vivṛddhaye
190.3
sadā pāparatā ye ca narā duṣkṛtakāriṇaḥ|| mucyante sarvvapāpe
bhyo gacchanti paramaṃ padam || etadicchāma vijñātuṃ bhagavanvaktumarhasi
190.4
mārkaṇḍeya uvāca|| || śṛṇvantvavahitāḥ sarvve yudhiṣṭhirapurogamāḥ|| asti vīro
mahāyajñaḥ kuberaḥ satyavikramaḥ
190.5
idaṃ tīrthamanuprāpya rājā yakṣādhipo'bhavat || siddhiṃ prāpto mahārāja tanme nigadataḥ śṛṇu
190.6
kāverī narmmadā yatra saṅgamo
lokaviśrutaḥ|| tatra snātvā śucirbhūtvā kuberaḥ satyavikramaḥ
190.7
tapo'tapyata yakṣendro divyaṃ varṣaśataṃ mahat || tasya tuṣṭo mahādevaḥ pradātuṃ varamuttamam
190.8
bho bho yakṣa mahāsattva varaṃ brūhi yathepsitam || brūhi kāryyaṃ yatheṣṭantu yadvā manasi varttate
190.9
kubera uvāca || || yadi tuṣṭo'si me deva yadi
deyo varo mama || adyaprabhṛti sarvveṣāṃ yakṣāṇāmadhipo bhave
190.10
kuberasya vacaḥ śrutvā parituṣṭo maheśvaraḥ || evamastu tato devastatraivāntaradhīyata
190.11
so'pi labdhavaro yakṣaḥ śīghraṃ yakṣakulaṃ gataḥ || pūjitaḥ sa tu yakṣaiśca hyabhiṣiktastu pārthiva
190.12
kāverīsaṅgamaṃ tatra sarvvapāpapraṇāśanam
ye narā nābhijānānti vañcitāste na saṃśayaḥ
190.13
tasmātsarvvaprayatnena tatra snāyīta mānavaḥ || kāverī ca mahāpuṇyā narmmadā ca mahānadī
190.14
tatra snātvā tu rājendra hyarcayedṛṣabhadhvajam || aśvamedhaphalaṃ prāpya rudraloke mahīyate
190.15
agnipraveśaṃ yaḥ kuryyādyaśca kuryyādanāśakam || ani
varttyā gatistasya yathā me śaṅkaro'bravīt
190.16
sevyamāno varastrībhiḥ krīḍate divi rudravat || ṣaṣṭivarṣasahasrāṇi ṣaṣṭikoṭyastathāparāḥ
190.17
modate rudralokastho yatra tatraiva gacchati || puṇyakṣayātparibhraṣṭo rājā bhavati dhārmmikaḥ
190.18
bhogavāndānaśīlaśca mahākulasamudbhavaḥ || tatra
pītvā jalaṃ samyak cāndrāyaṇaphalaṃ labhet
190.19
svargaṃ gacchanti te martyā ye pibanti śubhaṃ jalam || gaṅgāyamunayormmadhye yatphalaṃ prāpnuyānnaraḥ
kāverīsaṅgame snātvā tatphalaṃ tasya jāyate
190.20
evamādi tu rājendra kāverīsaṅgame mahat || puṇyaṃ mahatphalaṃ tatra sarvvapāpapraṇāśanam
190.20.p1
iti śrīmātsye mahāpurāṇe narmmadāmāhātmye ekonanavatyadhikaśatatamo'dhyāyaḥ
Linked texts (4)
- Padmapurāṇa — Vyāsa, Sanskrit
- Revākhaṇḍa (Vāyupurāṇa) — Sanskrit
- Tīrthakāṇḍa — Lakṣmīdhara, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit