Matsya 191
Matsya 191
- Language
- Sanskrit
Contents
- 191.25 — 1 part
191.1
mārkaṇḍeya uvāca || || narmmade cottare
kūle tīrthaṃ yojanavistṛtam || mantreśvareti vikhyātaṃ sarvvapāpaharaṃ param
191.2
tatra snātvā naro rājandaivataiḥ saha modate || pañcavarṣasahasrāṇi
krīḍate kāmarūpadhṛk
191.3
garjjanañca tato gacchedyatra meghacayotthitaḥ || indrajinnāma samprāptastasya tīrthaprabhāvataḥ
191.4
meghanādaṃ tato gacchedyatra
meghānugarjitam || meghanādo gaṇastatra paramāṃ gaṇatāṃ gataḥ
191.6
tato gacchettu rājendra tīrthamāmrātakeśvaram || tatra snātvā naro rājangosaha
saphalaṃ labhet
191.6-2
narmmadottaratīre tu tīrthantu viśrutaṃ bhavet || tasmiṃstīrthe naraḥ snātvā tarpayetpitṛdevatāḥ
191.7
sarvvānkāmānavāpnoti
manasā ye vicintitāḥ || tato gacchettu rājendra brahmāvarttamiti smṛtam
191.8
tatra sannihito brahmā nityameva yudhiṣṭhira || tatra snātvā tu rājendra
brahmaloke mahīyate
191.9
tato'ṅgāre śvaraṃ gacchenniyato niyatāśanaḥ || sarvvapāpavinirmmukto rudralokaṃ sa gacchati
191.10
tato gacchecca rājendra
kapilātīrthamuttamam || tatra snātvā naro rājankapilādānamāpnuyāt
191.11
gacchetkarajatīrthantu devarṣigaṇasevitam || tatra snātvā naro rājango
lokaṃ samavāpnuyāt
191.12
tato gacchettu rājendra kuṇḍaleśvaramuttamam || tatra sannihito rudrastiṣṭhate hyumayā saha
191.13
tatra snātvā
tu rājendra hyavadhyastridaśairapi || pippaleśaṃ tato gacchetsarvvapāpapraṇāśanam
191.14
tatra snātvā tu rājendra rudraloke mahīyate || tato
gacchettu rājendra vimaleśvaramuttamam
191.15
tatra devaśilā ramyā ceśvareṇa vinirmmitā || tatra prāṇaparityāgādrudralokamavāpnuyāt
191.16
tataḥ puṣkariṇīṃ gacchettatra snānaṃ samācaret || snātamātro narastatra hīndrasyārddhāsanaṃ labhet
191.17
narmmadā saritāṃ śreṣṭhā rudradehādvi
niḥsṛtā || tārayet sarvvabhūtāni sthāvarāṇi carāṇi ca
191.18
sarvvadevādhidevena tvīśvareṇa mahātmanā || kathitā ṛṣisaṅghebhyo hyasmā
kañca viśeṣataḥ
191.19
munibhiḥ saṃstutā hyeṣā narmmadā pravarā nadī || rudradehādviniṣkrāntā lokānāṃ hitakāmyayā
191.20
sarvvapāpaharā
nityaṃ sarvvadevanamaskṛtā || saṃstutā devagandharvvairapsarobhistathaiva ca
191.21
namaḥ puṇyajale hyādye namaḥ sāgaragāmini || namaste pāpaśamani
namo devi varānane
191.22
namo'stu te ṛṣigaṇasiddhasevite namo'stu te śaṅkaradehaniḥsṛte || namo'stu te dharmmabhṛtāṃ varaprade namo'stu te sarvva
pavitrapāvane
191.23
yastvidaṃ paṭhate stotraṃ nityaṃ śraddhāsamanvitaḥ || brāhmaṇo vedamāpnoti kṣatriyo vijayī bhavet
191.24
vaiśyastu labhate lābhaṃ śūdra
ścaiva śubhāṃ gatim || arthārthī labhate hyarthaṃ smaraṇādeva nityaśaḥ
191.25
narmmadāṃ sevate nityaṃ svayaṃ devo maheśvaraḥ || tena puṇyā nadī jñeyā brahmahatyā
pahāriṇī
191.25.p1
iti śrīmātsye mahāpurāṇe narmmadāmāhātmye navatyadhikaśatatamo'dhyāyaḥ
Linked texts (5)
- Padmapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Tīrthasāra — Dalapatirāja, Sanskrit
- Nityācārapaddhati (Vidyākara vājapeyin) — Vidyākara vājapeyin, Sanskrit
- Kūrmapurāṇa (Ananta Gokhale) — Ananta Gokhale, Sanskrit