Pramāṇa · Search · About · API

Matsya 192

Matsya 192

Language
Sanskrit

Contents

192.1

mārkaṇḍeya uvāca || || tadāprabhṛti
brahmādyā ṛṣayaśca tapodhanāḥ || sevante narmmadāṃ rājan rāgakrodhavivarjjitāḥ

192.2

yudhiṣṭhira uvāca || || kasminnipatitaṃ śūlaṃ devasya tu mahītale
tatra puṇyaṃ samākhyāhi yathāvanmunisattama

192.3

mārkaṇḍeya uvāca || || śūlabhedamiti khyātaṃ tīrthaṃ puṇyatamaṃ mahat || tatra snātvārccayeddevaṃ gosahasra
phalaṃ labhet

192.4

trirātraṃ kārayedyastu tasmiṃstīrthe narādhipa || arccayitvā mahādevaṃ punarjanma na vidyate

192.5

bhimeśvaraṃ tato'gacchennāradeśvaramuttamam
ādityeśaṃ mahāpuṇyaṃ tathā ghṛtamadhusravam

192.6

nandikeśaṃ pariṣvajya paryyāptaṃ janmanaḥ phalam || varuṇeśaṃ tataḥ paśyetsvayantreśvarameva ca || sarvvatīrthaṃ
phalaṃ tasya pañcāyatanadarśanāt

192.7

tato gacchettu rājendra yuddhaṃ yatra susādhitam || koṭitīrthantu vikhyātamasurrā yatra mohitāḥ

192.8

yatraiva
nihatā rājandānavā baladarpitāḥ || teṣāṃ śirāṃsyagṛhṇanta sarvve devāḥ samāgatāḥ

192.9

taistu saṃsthāpito devaḥ śūlapāṇirvṛṣadhvajaḥ || koṭirviṃ
nihatā tatra tena koṭīśvaraḥ smṛtaḥ

192.10

darśanāttasya tīrthasya sadehaḥ svargamāruhet || yadā tvindreṇa kṣudratvādvajraṃ kīlena yantritam

192.11

tadāprabhṛti lokānāṃ svargamārgo nivāritaḥ || saghṛtaṃ śrīphalaṃ jagdhvā kṛtvā caiva pradakṣiṇam

192.12

pārśvetaṃ sahadīpantu śirasā caiva dhārayet
sarvvakāmasusampanno rājā bhavati pāṇḍava

192.13

mṛto rudratvamāpnoti tato'sau jāyate punaḥ || svargādetya bhavedrājā rājyaṃ kṛtvā divaṃ vrajet

192.14

bahunetraṃ tataḥ paśyet trayodaśyāntu mānavaḥ || snāttamātro narastatra sarvvayajñaphalaṃ labhet

192.15

tato gacchettu rājendra tīrthaṃ paramaśo
bhanam || narāṇāṃ pāpanāśāya hyagastyeśvaramuttamam

192.16

tatra snātvā naro rājanbrahmaloke mahīyate || kārttikasya tu māsasya kṛṣṇapakṣe caturdaśī

192.17

ghṛtena snāpayeddevaṃ samādhistho jitendriyaḥ || ekaviṃśakulopeto na cyavedaiśvarātpadāt

192.18

dhenumupānahacchatre dadyācca ghṛtakambalam
bhojanañcaiva viprāṇāṃ sarvvaṃ koṭiguṇaṃ bhavet

192.19

tato gacchecca rājendra balākeśvaramuttamam || tatra snātvā naro rājansiṃhāsanapatirbhavet

192.20

narmmadādakṣiṇe kūle tīrthaṃ śakrasya viśrutam || upoṣya rajanīmekāṃ snānaṃ tatra samācaret

192.21

snānaṃ kṛtvā yathānyāya marccayecca janārddanam
gosahasraphalaṃ tasya viṣṇulokaṃ sa gacchati

192.22

ṛṣitīrthaṃ tato gacchettu sarvvapāpaharaṃ nṛṇām || snānamātro narastatra gosahasraphalaṃ labhet

192.23

devatīrthaṃ tato gacchedbrahmaṇā nirmmitaṃ purā || tatra snātvā naro rājanbrahmaloke mahīyate

192.24

amarakaṇṭakaṃ gacchedamaraiḥ sthāpitaṃ purā
snātamātro narastatra rudraloke mahīyate

192.25

tato gacchecca rājendra rāvaṇeśvaramuttamam || tatpañcāyatanaṃ dṛṣṭvā mucyate brahmahatyayā

192.26

ṛṇatīrthaṃ tato gacchehaṇebhyo mucyate dhruvam || vaṭeśvaraṃ tato dṛṣṭvā paryyāptaṃ janmanaḥ phalam

192.27

bhīmeśvaraṃ tato gacchetsarvvavyādhivināśanam
snātamātro naro rājansarvvaduḥkhaiḥ pramucyate

192.28

tato gacchettu rājendra turāsaṅgamamuttamam || tatra snātvā mahādevamarcyansiddhimāpnuyāt

192.29

somatīrthaṃ tato gacchetpaśyeccandramanuttamam || tatra snātvā naro rājanbhaktyā paramayā yutaḥ

192.30

tatkṣaṇāddivyadehasthaḥ śivavanmodate ciram
ṣaṣṭivarṣasahasrāṇi rudraloke mahīyate

192.31

tato gacchettu rājendra piṅgaleśvaramuttamam || ahorātropavāsena trirātraphalamāpnuyāt

192.32

tasmiṃ
stīrthe tu rājendra kapilāṃ yaḥ prayacchati || yāvanti tasyā romāṇi tatprasūtikuleṣu ca

192.33

tāvadvarṣasahasrāṇi rudraloke mahīyate || yastu
prāṇaparityāgaṃ kuryyāttatra narādhipa

192.34

akṣayaṃ modate kālaṃ yāvaccandradivākarau || narmmadātaṭamāśritya tiṣṭheyuryetra mānavāḥ

192.35

te mṛtāḥ
svargamāyānti santaḥ sukṛtino yathā || sureśvaraṃ tato gacchennāmnā karkoṭakeśvaram

192.36

gaṅgāvatarte tatra dine puṇye na saṃśayaḥ || nanditīrthaṃ
tato gacchetsnānaṃ tatra samācaret

192.37

tuṣyate tasya nandīśaḥ somaloke mahīyate || tato dīpeśvaraṃ gacchedvyāsatīrthaṃ tapovanam

192.38

nirttitā purā tatra vyāsabhītā mahānadī || hūṅkāritā tu vyāsena dakṣiṇena tato gatā

192.39

pradakṣiṇantu yaḥ kuryyāttasmiṃstīrthe narādhipa
akṣayaṃ modate kālaṃ yāvaccandradivākarau

192.40

vyāsastasya bhavetprītaḥ prāpnuyādīpsitaṃ phalam || sūtreṇa veṣṭayitvā tu dīpo deyaḥ savedikaḥ

192.41

krīḍanti hyakṣayaṃ kālaṃ yathā rudrastathaiva ca || tato gacchecca rājendra airaṇḍītīrthamuttamam

192.42

saṅgame tu naraḥ snātvā mucyate sarvvapātakaiḥ
airaṇḍī triṣu lokeṣu vikhyātā pāpanāśinī

192.43

athavāśvayuje māsi śuklapakṣe tu cāṣṭamī || śucirbhūtvā naraḥ snātvā sopavāsaparāyaṇaḥ

192.44

brāhmaṇaṃ bhojayedekaṃ koṭirbhavati bhojitā || mṛttikāṃ śirasi sthāpya hyavagāhya ca vai jalam

192.45

narmmadòdakasammiśraṃ mucyate sarvvakilviṣaiḥ
pradakṣiṇantu yaḥ kuryyāttasmiṃstīrthe narādhipa

192.46

pradakṣiṇīkṛtā tena saptadvīpā vasundharā || tataḥ suvarṇasalile snātvā dattvā tu kāñcanam

192.47

kāñcanena vimānena rudraloke mahīyate || tataḥ svargāccyutaḥ kālādrājā bhavati vīryyavān

192.48

tato gacchecca rājendra hīkṣunadyāstu saṅgamam
trailokyaviśrutaṃ divyaṃ tatra sannihitaḥ śivaḥ

192.49

tatra snātvā naro rājangāṇapatyamavāpnuyāt || skandatīrthaṃ tato gacchetsarvvapāpapraṇāśanam

192.50

tattīrthe trividhaṃ pāpaṃ snānamātrādvyapohati || liṅgasāraṃ tato gacchetsnānaṃ tatra samācaret

192.51

gosahasraphalaṃ tasya rudraloke mahīyate
bhaṅgatirthaṃ tato gacchetsarvvapāpapraṇāśanam

192.52

tatra gatvā tu rājendra snānaṃ tatra samācaret || saptajanmakṛtaiḥ pāpairmucyate nātra saṃśayaḥ

192.53

vaṭeśvaraṃ tato gacchetsarvvatīrthamanuttamam || tatra snātvā naro rājangosahasraphalaṃ labhet

192.54

saṅga‌meśaṃ tato gacchetsarvvadevanamaskṛtam || snānamā
trānnarastatra cendratvaṃ labhate dhruvam

192.55

koṭitīrthaṃ tato gacchetsarvvapāpaharaṃ param || tatra snātvā naro rājyaṃ labhate nātra saṃśayaḥ

192.56

tatra tīrthe samāsādya dattvā dānantu yo naraḥ || tasya tīrthaprabhāveṇa sarvvaṃ koṭiguṇaṃ bhavet

192.57

atha nārī bhavetkācittatra snānaṃ samācaret
gaurītulyā bhavetsāpi tvindrapatnī na saṃśayaḥ

192.58

aṅgāreśaṃ tato gacchetsnānaṃ tatra samācaret || snātamātro narastatra rudraloke mahīyate

192.59

aṅgārakacaturthyāntu snānaṃ tatra samācaret || akṣayaṃ modate kālaṃ śuciḥ prayatamānasaḥ

192.60

ayonisambhave snātvā na paśyedyonisaṅkaṭam
pāṇḍaveśantu tatraiva snānaṃ tatra samācaret

192.61

akṣayaṃ modate kālamavadhyastridaśairapi || viṣṇulokaṃ tato gatvā krīḍate bhogasaṃyutaḥ

192.62

tatra bhuktvā mahābhogānmarttyeśarājo'bhijāyate || kaṭheśvaraṃ tato gacchettatra snānaṃ samācaret

192.63

uttarāyaṇasamprāptau yadicchettasya tadbhavet
candrabhāgāṃ tato gacchettatra snānaṃ samācaret

192.64

snātamātro naro rājansomaloke mahīyate || tato gacchettu rājendra tīrthaṃ śakrasya viśrutam

192.65

pūjitaṃ devarājena devairapi namaskṛtam || tatra snātvā naro rājandānaṃ dattvā tu kāñcanam

192.66

athavā nīlavarṇābhaṃ vṛṣabhaṃ yaḥ samutsṛjet
vṛṣabhasya tu romāṇi tatprasūtikuleṣu ca

192.67

tāvadvarṣasahasrāṇi naro harapure vaset || tataḥ svargātparibhraṣṭo rājā bhavati vīryyavān

192.68

aśvānāṃ śvetavarṇānāṃ sahasrāṇāṃ narādhipa || svāmī bhavati martyeṣu tasya tīrthaprabhāvataḥ

192.69

tato gacchettu rājendra brahmāvarttamanuttamam || tatra
snātvā naro rājaṃstarpayet pitṛdevatāḥ

192.70

upoṣya rajanīmekāṃ piṇḍaṃ dattvā yathāvidhi || kanyāgate tathāditye akṣayaṃ syānnarādhipa

192.71

tato gacchecca rājendra kapilātīrthamuttamam || tatra snātvā naro rājankapilāṃ yaḥ prayacchati

192.72

sampūrṇapṛthivīṃ dattvā yatphalaṃ tadavāpnuyāt
narmmadaiśaṃ paraṃ tīrthaṃ na bhūtaṃ na bhaviṣyati

192.73

tatra snātvā naro rājannaśvamedhaphalaṃ labhet || narmmadādakṣiṇe kūle saṅgeśvaramuttamam

192.74

tatra snātvā naro rājansarvvayajñaphalaṃ labhet || tatra sarvvodyato rājā pṛthivyāmeva jāyate

192.75

sarvvalakṣaṇasampūrṇaḥ sarvvavyādhivivarjitaḥ
nārmade cottare kūle tīrthaṃ paramaśobhanam

192.76

ādityayātanaṃ divyamīśvareṇa tu bhāṣitam || tasya tīrthaprabhāveṇa dattaṃ bhavati cākṣayam

192.77

daridrā vyādhino ye tu ye tu duṣkṛtakarmmiṇaḥ || mucyante sarvvapāpebhyaḥ sūryyalokantu yānti te

192.78

māghamāse tu samprāpte śuklapakṣasya saptamī
vasedāyatane tatra nirāhāro jitendriyaḥ

192.79

na jarāvyādhito mūko na cāndho badhiro'thavā || subhago rūpasampannaḥ strīṇāṃ bhavati vallabhaḥ

192.80

evaṃ tīrthaṃ mahāpuṇyaṃ mārkaṇḍeyena bhāṣitam || ye na jānanti rājendra vañcitāste na saṃśayaḥ

192.81

gargeśvaraṃ tato gacchetsnānaṃ tatra samācaret || snāta
mātro narastatra svargalokamavāpnuyāt

192.82

modate svargalokastho yāvadindrāścaturddaśa || samīpataḥ sthitaṃ tasya nāgeśvaratapovanam

192.83

tatra
snātvā tu rājendra nāgalokamavāpnuyāt || vahnibhirnāgakanyābhiḥ krīḍate kālamakṣayam

192.84

kuberabhavanaṃ gacchetkubero yatra saṃsthitaḥ || kāleśvaraṃ paraṃ
tīrthaṃ kubero yatra toṣitaḥ

192.85

tatra snātvā tu rājendra sarvvasampadamavāpnuyāt || tataḥ paścimato gacchenmārutālayamuttamam

192.86

tatra snātvā tu
rājendra śucirbhūtvā samāhitaḥ || kāñcanantu tato dadyādyathāśakti subuddhimān

192.87

puṣpakeṇa vimānenaṃ vāyulokaṃ sa gacchati || yamatīrthe tato
gacchenmāghamāse yudhiṣṭhira

192.88

kṛṣṇapakṣe caturdaśyāṃ snānaṃ tatra samācaret || naktambhojyaṃ tataḥ kuryānna paśyedyonisaṅkaṭam

192.89

ahalyātīrthaṃ
tato gacchetsnānaṃ tatra samācaret || snātamātro narastatra hyapsarobhiḥ pramodte

192.90

ahalyā ca tapastaptvā tatra muktimupāgatā || caitramāse tu samprāpte
śuklapakṣe caturdaśī

192.91

kāmadevadine tasminnahalyāṃ yastu pūjayet || yatra yatra narotpanno narastatra priyo bhavet

192.92

strīvallabho bhavecchrīmā
nkāmadeva ivāparaḥ || ayodhyāntu samāsādya tīrthe rāmasya viśrutam

192.93

snātamātro narastatra sarvvapāpaiḥ pramucyate || somatīrthaṃ tato gacchetsnānaṃ
tatra samācaret

192.94

snātamātro narastatra sarvvapāpaiḥ pramucyate || somagrahe tu rājendra pāpakṣayakaraṃ nṛṇām

192.95

trailokyaviśrutaṃ rājansomatīrthaṃ
mahāphalam || yastu cāndrāyaṇaṃ kuryāttasmiṃstīrthe narādhipa

192.96

sarvvapāpaviśuddhātmā somalokaṃ sa gacchati || agnipraveśe'tha jale
athavāpi hyanāśake

192.97

somatīrthe mṛto yastu nāsau martye'bhijāyate || śubhatīrthaṃ tato gacchet snānaṃ tatra samācaret

192.98

snātamātro narastatra golokeṣu mahīyate || tato gacchecca rājendra viṣṇostīrthamanuttamam

192.99

yodhanīpuramākhyātaṃ viṣṇusthānamanuttamam || asurā
yodhitāstatra vāsudevena koṭiśaḥ

192.100

tatra tīrthe samutpannaṃ viṣṇuḥ prīto bhavediha || ahorātropavāsena brahmahatyāṃ vyapohati

192.101

tato
gacchet tu rājendra tāpaseśvaramuttamam || hariṇī vyādhasantrastā patitā yatra sā mṛgī

192.102

jale prakṣiptagātrā tu antarikṣaṃ gatā ca sā || vyādho
vismitacittastu paraṃ vismayamāgataḥ

192.103

tena tāpeśvaraṃ tīrthaṃ na bhūtaṃ na bhaviṣyati || tato gacchettu rājendra brahmatīrthamanuttamam

192.104

amohakamiti khyātaṃ pitṝṃścaivātra tarpayet||paurṇamāsyāmamāyāṃntu śrāddhaṃ kuryyādyathāvidhi

192.105

tatra snātvā naro rājan pitṛpiṇḍantu dāpayet
gajarūpā śilā tatra toyamadhye pratiṣṭhitā

192.106

tasyāntu dāpayet piṇḍaṃ vaiśākhyāntu viśeṣataḥ|| tṛpyanti pitarastatra yāvattiṣṭhati medinī

192.107

tato gacchecca rājendra siddheśvaramanuttamam || tatra snātvā naro rājangauṇapatyantikaṃ vrajet

192.108

tato gacchettu rājendra liṅgo yatra janārddanaḥ
tatra snātvā tu rājendra viṣṇuloke mahīyate

192.109

narmmadādakṣiṇe kūle tīrthaṃ paramaśobhanam || vāmadevaḥ svayaṃ tatra tapo'tapyata vai mahat

192.110

divyaṃ varṣasahasrantu śaṅkaraṃ paryyupāsata || samādhibhaṅgadagdhāstu śaṅkareṇa mahātmanā

192.111

śvetaparvvā yamaścaiva hutāśaḥ śukraparvvaṇi
ete dagdhāstu te sarvve kusumeśvarasaṃsthitāḥ

192.112

divyavarṣasahasreṇa tuṣṭasteṣāṃ maheśvaraḥ || umayā sahito rudrastuṣṭasteṣāṃ varapradaḥ

192.113

mokṣayitvā tu tānsarvvāndharmmadāmataṭamāsthitaḥ || tatastīrthaprabhāveṇa punardaivatvamāgatāḥ

192.114

tvatprasādānmahādeva tīrthaṃ bhavatu cottamam
arddhayojanavistīrṇaṃ kṣetraṃ dikṣu samantataḥ

192.115

tasmiṃstīrthe naraḥ snātvā copavāsaparāyaṇaḥ || kusumāyudharūpeṇa rudraloke mahīyate

192.116

vaiśvānaro yamaścaiva kāmadevastarusthā marut || tapastaptvā tu rājendra parāṃ siddhimavāpnuyuḥ

192.117

aṅkollasya samīpe tu nātidūre tu tasya vai || snānaṃ
dānañca tatraiva bhojanaṃ piṇḍapātanam

192.118

agnipraveśo'tha jale athavā tu hyanāśake || anivarttikā gatistasya mṛtasyāmutra jāyate

192.119

tryambakeṇa tu toyena yaścaruṃ śrapayennaraḥ || aṅkolamūle dattvā tu piṇḍañcaiva yathāvidhi

192.120

tṛpyanti pitarastasya yāvaccandrādivākarau || uttare
tvayane prāpte ghṛtasnānaṃ karoti yaḥ

192.121

puruṣo vātha strī vāpi vasedāyatane śuciḥ || siddheśvarasya devasya prātaḥ pūjāṃ prakalpayet

192.122

sa yāṃ gatimavāpnoti na tāṃ sarvvairmahāmakhaiḥ || yadāvatīrṇaḥ kālena rūpavān subhago bhavet

192.123

marttye bhavati rājā ca tvāsamudrāntagocare || kṣetraṃ
pālaṃ na paśyettu daṇḍapāṇiṃ mahābalam

192.124

vṛthā tasya bhavedyātrā hyadṛṣṭvā karṇakuṇḍalam || evaṃ tīrthaphalaṃ jñātvā sarvve devāḥ samāgatāḥ
muñcanti kusumaiṭṭaṣṭiṃ tena tatkusumeśvaram

192.124.p1

iti śrīmātsye mahāpurāṇe narmmadāmahātmye ekanavatayadhikaśatatamo'dhyāyaḥ

Linked texts (8)