Matsya 193
Matsya 193
- Language
- Sanskrit
Contents
- 193.38 — 1 part
193.1
cha || || mārkaṇḍeya uvāca || || bhārgaveśaṃ tato gacchedvyagro yatra janārddanaḥ || asuraistu mahāyuddhe mahābalaparākramaiḥ
193.2
huṅkāritāstu
devena dānavāḥ pralayaṃ gatāḥ || tatra snātvā tu rājendra sarvvapāpaiḥ pramucyate
193.3
śukutīrthasya cotpattiṃ śṛṇu tvaṃ pāṇḍunandana || himavacchikhare
ramye nānādhātuvicitrite
193.4
taruṇādityasaṅkāśe taptakāñcanasaprabhe || vajrasphaṭikasopāne citrapaṭṭaśilātale
193.5
jāmbūnadamaye divye
nānāpuṣpopaśobhite || tatrāsīnaṃ mahādevaṃ sarvvajñaṃ prabhumavyayam
193.6
lokānugrahakarttāraṃ gaṇavṛndaiḥ samāvṛtam || skandanāndimahākālairvīrabhadragaṇā
dibhiḥ || umayā sahitaṃ devaṃ mārkaṇḍiḥ paryyapṛcchata
193.7
devadeva mahādeva brahmaviṣṇuvandsaṃstuta || saṃsārabhayabhīto'haṃ sukhopāyaṃ bravīhi me
193.8
bhagavanbhūtabhavyeśa sarvvapāpapraṇāśanam || tīrthānāṃ paramaṃ tīrthaṃ tadvadasva maheśvara
193.9
īśvara uvāca || || śṛṇu vipra mahāprājña sarvvaśāstraviśā
rada || snānāya gaccha subhaga ṛṣi saṅghaiḥ samāvṛtaḥ
193.10
manvātrikaśyapāścaiva yājñavalkyośano'ṅgirāḥ || yamāpastambasaṃvarttāḥ kātyāyanabṛhaspatī
193.11
nārado gautamaścaiva sevante dharmmakāṅkṣiṇaḥ || gaṅgāṃ kanakhalaṃ puṇyaṃ prayāgaṃ puṣkaraṃ gayām
193.12
kurukṣetraṃ mahāpuṇyaṃ rāhugraste divākare
divā vā yadi vā rātrau śukutīrthaṃ mahāphalam
193.13
darśanātsparśanāccaiva snānāddānāttapojapāt || homāccaivopavāsācca śukutīrthaṃ mahāphalam
193.14
śukutīrthe mahāpuṇyaṃ narmaṃdāyāṃ vyavasthitam || cāṇakyo nāma rājarṣiḥ siddhiṃ tatra samāgataḥ
193.15
etatkṣetraṃ suvipulaṃ yojanaṃ vṛttasaṃsthitam || śuku
tīrthaṃ mahāpuṇyaṃ sarvvapāpapraṇāśanam
193.16
pādamātreṇa dṛṣṭena brahmahatyāṃ vyapohati || jagatīdarśanāccaiva bhrūṇahatyāṃ vyapohati
193.17
ahaṃ tatra ṛṣi
śreṣṭha tiṣṭhāmi hyumayā saha || vaiśākhe caitramāse tu kṛṣṇapakṣe caturdaśī
193.18
kailāsāccāpi niṣkramya tatra sannihito hyaham || daityadānavagandharvvāḥ siddha
vidyādharāstathā
193.19
gaṇāścāpsaraso nāgāḥ sarvve devāḥ samāgatāḥ|| gaganasthāstu tiṣṭhanti vimānaiḥ sārvvakāmikaiḥ
193.20
śukutīrthantu rājendra hyāgatā dharma
kāṅkṣiṇaḥ|| rajakena yathā vastraṃ śukaṃ bhavati vāriṇā
193.21
ājanmajanitaṃ pāpaṃ śukaṃ tīrthaṃ vyapohati || snānaṃ dānaṃ mahāpuṇyaṃ mārkaṇḍe ṛṣisattama
193.22
śukutīrthātparaṃ tīrthaṃ na bhūtaṃ na bhaviṣyati || pūrvve vayasi karmāṇi kṛtvā pāpāni mānavaḥ
193.23
ahorātropavāsena śukutīrthe vyapohati || tapasā
brahmacaryyeṇa yajñairdānena vā punaḥ
193.24
devārthanena yā puṣṭirna sā ṛtuśatairapi || kārttikasya tu māsasya kṛṣṇapakṣe caturdaśī
193.25
ghṛtena
snāpayeddevamupoṣya parameśvaram || ekaviṃśatkulopeto na cyavedvaiśvarātpadāt
193.26
śukutīrthaṃ mahāpuṇyamṛṣisiddhaniṣevitam || tatra snātvā naro rājana
punarjanmabhāgbhavet
193.27
snātvā vai śukutīrthe tu hyarcayedṛṣabhadhvajam || kapālapūraṇaṃ kṛtvā tuṣyatyatra maheśvaraḥ
193.28
arddhanārīśvaraṃ devaṃ paṭe
bhaktyā likhāpayet || śaṅkhatūryyaninādaiśca brahmaghoṣaiśca saddvijaiḥ
193.29
jāgaraṃ kārayettatra nṛtyagītādimaṅgalaiḥ || prabhāte śukutīrthe tu snānaṃ vai devatā
rcanam
193.30
ācāryānbhojayetpaścācchivavrataparān śucīn || dakṣiṇāñca yathāśakti vittaśāṭhyaṃ vivarjayet
193.31
pradakṣiṇaṃ tataḥ kṛtvā śanairdevā
ntikaṃ vrajet || evaṃ vai kurute yastu tasya puṇyaphalaṃ śṛṇu
193.32
divyayānaṃ samārūḍho gīyamāno'psarogaṇaiḥ || śivatulyabalopetastiṣṭhatyābhūtasaṃplava
m
193.33
śukutīrthe tu yā nārī dadāti kanakaṃ śubham || ghṛtena snāpayeddevaṃ kumārañcāpi pūjayet
193.34
evaṃ yā kurute bhaktyā tasyāḥ puṇyaphalaṃ
śṛṇu || modate śartvalokasthā yāvadindrāścaturdaśa
193.35
paurṇamāsyāṃ caturdaśyāṃ saṃkrāntau viṣuve tathā || snātvā tu sopavāsaḥ sanvijitātmā
samāhitaḥ
193.36
dānaṃ dadyādyathāśaktyā prīyetāṃ hariśaṅkarau || evaṃ tīrthaprabhāveṇa sarvvaṃ bhavati cākṣayam
193.37
anāthaṃ durgaṃtaṃ vipraṃ nāthavantamathā
pivā || udvāhayati yastīrthe tasya puṇyaphalaṃ śṛṇu
193.38
yāvattadromasaṃkhyā ca tatprasūtikuleṣu ca || tāvadvarṣasahasrāṇi śivaloke mahīyate
193.38.p1
iti śrīmatsye mahāpurāṇe narmmadāmāhātmye dvinavatyadhikaśatatamo'dhyāyaḥ
Linked texts (8)
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Revākhaṇḍa (Vāyupurāṇa) — Sanskrit
- Ambikākhaṇḍa — Sanskrit
- Narmadāmāhātmya — Sanskrit
- Kūrmapurāṇa (Ananta Gokhale) — Ananta Gokhale, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit